नवखेच सखे फसतात इथे

संपादक मंडळी, काही मेजर चुका झाल्यात. अक्षरगणवृत्तात सुट घेता येत नाही. ती काही ठिकाणी घेतली गेलीय. तेव्हा कृपया मुळ कवितेच्या जागी खालील कविता टाकणार का? वृत्त - तोटक अदमास पुन्हा चुकतात इथे वनवास नवे मिळतात इथे अवघे जगणे जगणे बनते मिथके सगळी जुळतात इथे रुसणे स्मरता हसणे स्फुरते अलवार सुखे कळतात इथे वळणे कळता सरती वलये नवखेच सखे फसतात इथे हलकेच पुन्हा जवळीक नवी सुमने कवळी फुलतात इथे विरहास नवे सहवास हवे हळवे क्षण ते स्मरतात इथे भुतकाळ जरा विसरू म्हणता इतिहास नवे रचतात इथे © विशाल वि. कुलकर्णी धन्यवाद !

धन्यवाद :)