भिमा कोरेगाव ला नक्की काय झाले आहे?

'द हिंदू' मधील खालील बातमी वाचा. नक्की काय झालंय याची फारशी माहिती नाहीये. http://www.thehindu.com/news/national/other-states/maharashtra-tense-a-…

मूर्खपणा

हिंदुत्ववादी नेते संभाजी भिडे गुरुजी आणि मिलिंद एकबोटे यांच्यावर सणसवाडी दगडफेकीप्रकरणी पिंपरी पोलिस स्टेशनमध्ये गुन्हे दाखल झाले आहेत.

सगळ्या नां माईत हाये पन बॉलायला कुनीच तयार नै अशी माझी शंका हाये .

भीमराव आंबेडकरांना त्याचे शिक्षक केळुस्कर ( ब्राह्मण ) बडोद्याचे महाराज सयाजीराव ( मराठा ) यांच्याकडे घेऊन गेले आणि त्यांनी सांगितले की हा विद्यार्थी खूप हुशार आहे, त्याला तुम्ही उच्च शिक्षणासाठी मदत करा. सयाजीराव यांनी दिलेल्या मदतीमुळे आंबेडकर इंग्लडला उच्च शिक्षणासाठी गेले.

काल बातम्या पहिल्या त्याप्रमाणे चॅनेल १-- भिमा कोरेगाव ला स्मारकाचे दर्शन घेण्यास आलेल्या मागास्वर्गीयांवर हल्ला झाला पृथ्वीराज चव्हाण आणि बारामती च्या साहेबांच्या मते एव्हढी गर्दी होणार माहित असून सरकारने काही उपाय योजना केली नाही आणि सरकार अपयशी ठरले आहे. चॅनेल २ - दोन जमावामध्ये हाणामारी झाली, फडणवीस साहेबांच्या मते दरवर्षी १५ हजार लोक येतात पण ह्यावेळी ३ लाख लोक आले , हे लोक मुद्दामहुन जमा केले गेले जेणेकरून सरकार अडचणीत येयील पण पोलिसांच्या तुकड्या आधीच मागवून ठेवल्या होत्या त्यामुळे ज्यास्त इशू झाला नाही खर खोटं देव आणि दंगल करणारेच जाणोत

टिव्ही 9 मराठी चानेलवर जिग्नेश मेवानि सभेमध्ये काय बोलत होता ते काल दाखवत होते.त्यानंतर काही राडा झाला. नंतर प्रतीराडा. हे रेकॉर्डिंग करायला रिमोटचे बटण दाबले तर रेकॉर्डिंग सुरू होईना. परंतू चानेलवाल्यांनी ती क्लिप दाखवणे योग्य नाही समजून बंद केली ते बरे केले. परंतू लोकांनी जरा समजूतदारपणा आणि संयम बाळगायला हवा. एसटी बसेस जाळणाय्रांना गरिबांचे वाली कोण म्हणेल? सरकार कुणाचेही असले तरी जनतेला पोहोचवणारी बस तीच असते ना?

आपल्या वरकरणी एकसंध दिसणार्‍या समाजातल्या फॉल्टलाईन्स उघड्या पडल्या. दुसरं काय? असे प्रसंग फार दुखःद आहेत. इतिहास उगाळून नक्की कोणता फायदा आपल्या समाजाचा, देशाचा झालाय, होतोय काय माहित? निव्वळ माथेफिरू, हुल्लडांच्या हातात कोलित मिळते. आजच्या प्रश्नांना भिडण्यापेक्षा शेकडो वर्षापुर्वीच्या घटना चिवडत बसणार्‍या समाजाची प्रगती कशी होणार असा खिन्न प्रश्न समोर येतो.

आंबेडकरांसंबंधी काही वादग्रस्त घडले की दलित अत्यंत संतप्त होतात असे माझे निरीक्षण आहे. किंबहुना ते संतप्त होतात हे ओळखून त्यांना जास्त भडकावले जाते. १९८७ मध्ये महाराष्ट्र सरकार आंबेडकरांनी लिहिलेल्या "रिडल्स ऑफ हिंदुइझम" हे पुस्तक प्रकाशित करणार होते. त्या पुस्तकातील "रिडल्स ऑफ राम अ‍ॅण्ड कृष्ण" हे अत्यंत वादग्रस्त प्रकरण सरकारने वगळायचा निर्णय घेतल्यानंतर असेच वातावरण पेटविले गेले. पुस्तकातील प्रकरणांना शिवसेनेचा कट्टर विरोध होता. परंतु प्रकरणे वगळल्याचे जाहीर झाल्यानंतर दलितांना भडकावून मुंबईत प्रचंड मोर्चा काढण्यात आला. त्या मोर्च्याला प्रत्त्यूत्तर म्हणून त्याच वेळी शिवसेनेने तितकाच मोठा मोर्चा काढला. दोन्ही मोर्चे समोरासमोर आल्यानंतर मुंबईत प्रचंड तणाव निर्माण झाला होता. त्यावेळी हुतात्मा स्मारकाच्या ठिकाणी काहीतरी घडले असे अंधुकसे आठवते. नंतर १९९७ मध्ये घाटकोपर येथील रमाबाई आंबेडकरनगर येथील आंबेडकरांच्या पुतळ्याला रातोरात चपलांचा हार घातल्याचे आढळल्यावर त्या भागातील दलित प्रचंड संतप्त झाले होते. त्यावेळी जमावावर पोलिसांकडून गोळीबार होऊन १० जणांचा मृत्यु झाला होता. हे प्रकरण त्यावेळी इतके पेटले होते ही तत्कालीन मनोहर जोषी सरकारवर बरखास्तीची टांगती तलवार होती. काँग्रेसने हे प्रकरण खूप पेटविले होते. या प्रकरणाची भाजप-शिवसेना युती सरकारला मोठी किंमत चुकवायला लागली होती. १९९६ मध्ये झालेल्या लोकसभा निवडणुकीत युतीला ४८ पैकी ३३ जागा मिळाल्या होत्या. परंतु १९९८ मध्ये झालेल्या लोकसभेच्या मुदतपूर्व निवडणुकीत युतीला जेमतेम १० जागा मिळाल्या. त्या निवडणुकीत प्रमोद महाजन पराभूत झाले होते. नंतर १९९९ मधील विधानसभा निवडणुकीतही युतीला १२५ जागांवर समाधान मानून सत्ता गमवाव लागली होती. २०१८ मध्ये झालेली घटना त्याच परंपरेतील आहे. आंबेडकरांनी कोरेगाव येथील स्तंभाला अभिवादन करण्याची प्रथा सुरू केली. त्या अभिवादन कार्यक्रमात दगडफेक झाल्याने पुन्हा एकदा मागचीच पुनरावृत्ती झाली. पुन्हा एकदा असंतुष्ट पुढार्‍यांनी हे प्रकरण पेटविले. एक समाज म्हणून आपण आजही खूपच अप्रगल्भ आहोत हे पुन्हा एकदा सिद्ध झाले. ३०-३१ वर्षानंतर सुद्धा आपण अजूनही प्रतिकांमध्येच अडकून पडलो आहोत. वैयक्तिक प्रगतीपेक्षा इतिहासालाच सर्वस्व मानणे, इतिहासातच अडकून पडणे आणि प्रतिकांच्या मानसन्मालाच अवाजवी महत्त्व देणे यातून अजूनही सुटका नाही. जातीयवाद कमी झाल्यासारखा वाटला, शहरात जातीयवादाची तीव्रता कमी भासली, भारत आधुनिक मार्गावर गेल्यासारखा वाटला तरीसुद्धा अशा घटना घडल्यानंतर असे दिसते की आपण अजूनही प्रतिके आणि इतिहासातच गुंतुन गेलो आहोत ज्याचा व्यावहारिक जीवनात फारसा उपयोग नाही.

कोरेगाव भीमा येथे घडलेल्या दुर्दैवी प्रकारामध्ये शिवप्रतिष्ठानचे संभाजीराव भिडे यांचे नाव नाहक गोवले आहे. या प्रकरणात त्यांचा काहीही संबंध नाही. तसेच प्रकार घडण्यापूर्वी त्यात कणभरही लक्ष घातले नाही. कोठे सभा घेतली नाही, की आवाहन केले नाही. तरीही खोडसाळपणाने त्यांच्यावर ऍट्रॉसिटीचा गुन्हा दाखल केला आहे. गुन्हा दाखल करणाऱ्यांची आणि शहानिशा न करता तो दाखल करून घेणाऱ्यांची उच्चस्तरीय चौकशी करावी, अशी मागणी शिवप्रतिष्ठानचे कार्यवाह नितीन चौगुले यांनी आज प्रसिद्घी पत्रकाद्वारे केली आहे. प्रकाश आंबेडकर यांनी याबाबत भिडे गुरूजींवर आरोप केले होते. तसेच याबाबत पिंपरी पोलिस ठाण्यात गुन्हा दाखल झाला आहे. राष्ट्रवादी काॅंग्रेसचे अध्यक्ष शरद पवार यांनीही हिंदुत्ववादी शक्ती या दंगलीमागे असल्याचा आरोप केला होता.पत्रकात म्हटले आहे की, शिवप्रतिष्ठानचे कार्य राज्यात जोमाने वाढत आहे. ते काही असंतुष्ट, देशविघातक शक्तींना बघवत नसल्यामुळे राजकीय हेतूने प्रेरित होऊन जाणीवपूर्वक श्री. भिडे यांचे नाव यात गोवले आहे. कोरेगाव भीमा येथे दुर्दैवी प्रकार जेव्हा घडला तेव्हा श्री. भिडे माजी मंत्री आणि आमदार जयंत पाटील यांच्या मातोश्रींचे निधन झाल्यामुळे सांत्वनासाठी इस्लामपूर येथे गेले होते. त्यानंतर भोर येथे सभा झाली. या सर्वांचे भक्कम पुरावे आहेत. तरीही फिर्यादींनी श्री. भिडे यांनी जाळपोळ, दगडफेक केल्याची खोटी फिर्याद दिली आहे. या प्रकरणातून जातीय तेढ निर्माण करून राज्यातील वातावरण दूषित करण्याचा प्रयत्न कोणीतरी करत आहे. यापूर्वीही फुटकळ संघटनांनी त्यांना गुन्ह्यात अडकवण्याचे काम केले होते. त्यामुळे या प्रकरणातही खोलवर जाऊन चौकशी करावी, अशी शिवप्रतिष्ठानची मागणी आहे.

३१ डिसेंबरला प्रकाश आंबेडकर, कोळसेपाटील, जिग्नेश मेवाणी, उमर खालिद इ.नी मुद्दाम शनिवारवाड्यावर सभा घेऊन भाषणे ठोकली होती. अर्वाच्य वक्तव्याबद्दल प्रसिद्ध असलेल्या मेवाणीने "मोदींच्या डोक्याची सफाई करण्याची आवश्यकता आहे" अशी वादग्रस्त वक्तव्ये केली होती. जनेवित "भारतके टुकडे करेंगे"च्या घोषणा देणारा व देशद्रोहाच्या गुन्ह्याखाली अटकेत असलेला उमर खालिद, अत्यंत वाचाळ व सातत्याने जातीयवादी वक्तव्ये करणारे कोळसेपाटील, राजकारणातून पूर्णतः हद्दपार झालेले व भविष्यात कोणतेही राजकीय भवितव्य नसलेले आणि सातत्याने संघ-भाजप विरूद्ध गरळ ओकणारे प्रकाश आंबेडकर असे नमुने तिथे मांडीला मांडी लावून बसले होते. शनिवारवाड्यासमोर मुद्दाम सभा घेण्यामागे जातीयवादी उद्देश होता. या सर्वांनी तिथे ३१ डिसेंबरला भाषणे ठोकली व १ जानेवारीला दगडफेक झाली हा योगायोग नव्हे.

कोरेगाव भीमा : वढू बुद्रुक (ता. शिरूर) येथे शुक्रवारी (दि. २९) नामफलकावरून झालेल्या वादातून बेकायदा जमाव गोळा करून दमदाटी व शिवीगाळ केल्याप्रकरणी नऊ जणांसह १५ महिलांविरुद्ध गुन्हा दाखल करण्यात आला आहे, तर गावात शांतता प्रस्थापित करण्यासाठी तैनात असलेल्या उपविभागीय पोलीस अधिकारी गणेश मोरे यांच्या वाहनावर दगडफेक केल्यावरून शासकीय कामात अडथळा आणल्याप्रकरणीही ७ जणांसह इतर २० जणांविरुद्ध गुन्हा दाखल करण्यात आला आहे. गावातील सर्व दुकाने शनिवारी बंद ठेवण्यात आली होती. याबाबत शिक्रापूर पोलिसांनी दिलेल्या माहितीनुसार : रमाकांत विठ्ठल शिवले (वय ४०, रा. वढू बुद्रुक) यांनी दिलेल्या फिर्यादीवरून शुक्रवारी (दि. २९) सकाळी अकराच्या सुमारास ग्रामपंचायत शेजारी कोणीतरी संभाजीमहाराज यांच्याविषयी लिहिलेला फ्लेक्स चिकटवला होता. हा फलक गावातील काही व्यक्तींनी वाचल्यानंतर काढून टाकला. या कारणावरून संदीप शंकर गायकवाड, सनी कांबळे, अशोक ऊर्फ पांडा बाळू गायकवाड, बळीराम गायकवाड, निखिल गायकवाड, सचिन बनसोडे, कुमार काळे, संदीप शंकर गायकवाड, शैलेश शंकर गायकवाड (सर्व रा. वढू बुद्रुक ता. शिरूर) व इतर १० ते १५ महिलांनी बेकायदा जमाव गोळा करून फिर्यादीसह सरपंच व इतर ग्रामस्थांना दमदाटी व शिवीगाळ केल्याप्रकरणी वरील व्यक्तींविरोधात गुन्हा दाखल करण्यात आला आहे. या घटनेचा तपास सहायक पोलीस निरीक्षक अतुल भोसले करत आहेत. दरम्यान, पोलीस हवालदार पुनाजी जाधव यांनी दिलेल्या फिर्यादीवरून वढू बुद्रुक येथे तणाव निर्माण झाल्यानंतर पोलीस बंदोबस्त तैनात करण्यात आला आहे. शुक्रवारी (दि. २९) रात्री संभाजीमहाराजांच्या समाधी स्थळासमोर असलेल्या मोकळ्या जागेत दौंडचे उपविभागीय अधिकारी गणेश मोरे यांची सरकारी गाडी उभी केली होती. या वेळी स्वप्निल गायकवाड, निखिल गायकवाड, सचिन बनसोडे, कुमार काळे, पांडुरंग गायकवाड, संदीप गायकवाड, सनी कांबळे, शैलेश गायकवाड व इतर १५ ते २० जणांनी जमाव जमा करीत आरडाओरडा केला. तसेच पोलीस पथकाच्या दिशेने स्वप्निल गायकवाड याने दगड फेकला. यामध्ये उपविभागीय अधिकाºयांच्या गाडीची काच फुटली. आरोपींनी घोषणाबाजी करीत पोलिसांच्या कामात अडथळा आणला व गाडी फोडली, म्हणून पोलिसांनी वरील आरोपींच्याविरोधात सरकारी कामात अडथळा आणला, म्हणून गुन्हा दाखल केला आहे. या घटनेचा तपास पोलीस उपनिरीक्षक गणेश वारुळे करीत आहेत. शनिवारी दिवसभर गावातील दुकाने बंदगोविंद गोपाळ यांच्या समाधीवरील छत व माहितीफलक काढल्याप्रकरणी शुक्रवारी दाखल झालेल्या अ‍ॅट्रॉसिटीच्या गुन्ह्यातील ४९ पैकी ९ जणांना अटक करण्यात आली. शनिवारी दिवसभर गावातील दुकाने बंद ठेवण्यात आली होती. गावामध्ये शांतता प्रस्थापित करण्याचे आवाहन पोलीस निरीक्षक रमेश गलांडे, राजेंद्र कुंटे, अमर वाघमोडे यांनी केले. दरम्यान, वढू बुद्रुक येथे शिक्रापूर, शिरूर व रांजणगाव पोलिसांसह राज्य राखीव दल, दंगल नियंत्रक पथक गावामध्ये तैनात करण्यात आले आहे.

http://www.esakal.com/maharashtra/marathi-news-koregaon-bhima-vadhu-bud… -90459 इथे बरीच वेगळी माहिती आहे.

अस्पृश्यता ज्या प्रकारच्या धार्मिक अंधश्रद्धेमुळे समाजात फोफावली होती अगदी त्याच प्रकारची अतिअंध श्रद्धा तथाकथित दलित लोक त्याचे तथाकथित दैवत "आंबेडकर" ह्यांच्या बद्दल दाखवत आहेत. आंबेडकर आणि तथाकथित आंबेड्करवादाचा ठाव घेणारे अरुण शौरी ह्यांचे "Worshiping False Gods" हे पुस्तक मुळातूनच वाचण्यासारखे आहे. ह्या पुस्तकाच्या नावानेच काही जणांना फिट्स येतात. महत्वाकांक्षा आणि परिश्रम ह्याचे ज्या समाजात स्थान असते त्यामुळे त्या समाजाची प्रगती होत असते. ज्यू लोकांना काय काय त्रास सहन करावे लागले हे सर्वानाच ठाऊक आहे पण आज सुद्धा ज्यू लोक जगातील अत्याधिक श्रीमंत समाजापैकी एक आहेत. ह्या उलट कृष्णवर्णीय लोक आणि रेड इंडियन लोक ह्यांना आयते फुकट सरकारी लोणी मिळत असल्याने त्यांची वाताहत तर झाली आहेच पण वरून आपल्या अपयशासाठी ते इतरांना आणि निरर्थक ऐतिहासिक घटनांना जबाबदार धरत आहेत. दलित लोकांनी ब्रिटिशांची गुलामी एवढी अभिमानाने सांगावी ह्या इतका मूर्खपणा दुसरा काहीही नाही. ब्रिटिश लोकांनी काय कुणालाही युद्धांत cannon fodder म्हणून वापरले असते. महारांची तलवारबाजीने अतिशय भारावून जाऊन राणीने त्यांना युद्धांत पुढे पाठवायचा निर्णय वगैरे घेतला नव्हता. ब्रिटिशांनी भारतांत सुमारे २० लक्ष ते १ कोटी लोकांना निव्वळ दुष्काळजन्य परिस्थिती करून मारले. अश्या आर्थिंक कोंडीत दलित लोकांचे सर्वाधिक बळी गेले. अश्या ब्रिटिशाना उगाच समता, दलितांचा पुळका इत्यादी शब्द लावून डोक्यावर चढवणे म्हणजे निव्वळ मूर्खपणा आहे. पेशवे काही रेड क्रॉस स्वयंसेवक नव्हते त्यामुळे त्यांनी दलितांवर अन्याय केलाच नाही असे आम्ही म्हणू शकत नाही पण एकही भारतीय राजाने दलितांचे इतक्या मोठ्या प्रमाणावर मृत्यू आणि शोषण घडवून आणल्याचे एकही उदाहरण नाही. नको ते विषय काढून दलित लोकांना रस्त्यावर आणून काही लोक दलित समाजाला टोटल मूर्ख बनवत आहेत आणि दलित समाज बनत सुद्धा आहे आणि ज्या प्रकारे एकूणच दलित समाजाची वाटचाल आहे त्यावरून ते असेच मूर्ख बनत राहणार असे वाटते. मडगांव गोवा मध्ये एका सारस्वत ब्रह्माणाने, सारस्वतांना सुद्धा राखीव जागा मिळाव्या म्हणून भव्य मोर्चा काढायचे ठरवले. गावागावातून बसेस वगैरे ठेवल्या आणि मोर्चाचे स्थान लोहिया मैदान ठरवले. लोक आले सुद्धा पण मडगांवांत उतरताच त्यांनी सरळ मत्स्यमार्केटचा रास्ता धरला आणि इसवण, पापलेट वगैरे घेऊन परतीची बस घेऊन सर्वजण घरी गेले. विनोद असला तरी जो समाज राजकीय दृष्ट्या एक "ग्रुप" म्हणून विशेष मूल्य ठेवत नाही तो समाज अत्यंत वेगाने प्रगती करतो असे दिसून येते कारण सरकारने हे द्यावे आणि ते द्यावे अश्या मागण्या करण्यात त्यांचा वेळ जात नाही. अमेरिकेत राजकीय दृष्टया सर्वाधिक प्रभावी आयरिश अमेरिकन सर्वाधिक गरीब गोऱ्या व्यक्ती पैकी आहेत. अमेरिकन भारतीय आणि अमेरिकन जपानीस सर्वाधिक श्रीमंत लोकांपैकी आहेत. तेच नाही तर अगदी नायजेरियन आणि सोमालियन अमेरिकन सुद्धा स्थानिक काळ्या लोकांपेक्षा जास्त श्रीमंत आहेत. दलितांनी आंबेडकरांचे पुतळे आणि स्मारक इत्यादींचा नाद सोडून त्यांच्या प्रमाणे चांगले शिक्षण घेतले आणि उद्योग धंदे केले तरच त्यांना काही भवितव्य आहे नाही तर कोरेगाव मध्ये ब्रिटिशांनी त्यांना cannon fodder म्हणून वापरले तिथे इस्लामिक, कांग्रेसी, भाजपायी इत्यादी वापरतील.

आपल्या राजकारण्यांचे उपद्व्याप पाहिले की भारताला खाली खेचायला पाकीस्तान आणि चीनची गरज नाही असेच वाटते. सगळा प्रकार शिसारी आणणारा आहे. :( The less said the better. आपण इतिहासातिल अनुभवावरून काहीच शिकू शकत नाही हे गेल्या २,००० वर्षांच्या घटनांवरून सतत दिसत आहे.

मी कालपासून मला आलेला एक कायप्पा संदेश ईथे डकवण्याचा प्रयत्न करते आहे. ______________________________ भिमा कोरेगांव का घडले ?? प्रत्येक मराठा बांघवांनी त्या ५०० महार वीरांना का वंदन करावं ?? खरा ईतिहास काय आहे ? आपले खरे शत्रू कोन ? खोटा ईतिहास खुप वाचलात आता........ सत्य वाचा अणि विचार करा .. नगर रोड वरील भिमाकोरे गावा पासुन ७की .मी वर " वढु " गांव आहे....... ____________________________________________________ येथेच "छ.संभाजी महाराज" यांचा कपटनितीने खुन झाला व त्यांच्या देहाचे तुकडे ह्या गावात फेकण्यात आले व सांगितले गेले कि जर कोणी हे गोळा केले तर त्याचे "शीर" कलम केले जाईल...... भयानक, थरकाप ऊडवणारी स्मशान शांतता....... आपल्या राजाची अशी दशा पाहुन एकही """मराठा"""" पुढे आला नाही. पण एका ""पहिलवानाला"" 'ही बातमी समजली आभाळ फाटलं होतं! त्यातही तो धाडस करतो सर्व "तुकडे" जमा करुन स्वत:च्या घरी आणुन "शिंप्याला" हातपाय पडुन ते जोडण्यासाठी तयार करतो, आपला राजा आहे त्यास असं....... नाही सोडू शकत आपण..... तो शिंपी ते तुकडे शिवतो पहिलवानाचं धाडस पाहुन त्याचे " नातलग " ही मदतीला येतात असे ६२ जन जमा होतात.... आणि त्या पहिलवानाच्या "अंगणात" "छ.संभाजी राजेंना अग्निदान स्वत: तो पहिलवान देतो....." त्या पहिलवानाचे नाव होते "'""' गणपत महार """" """" जय भिमवाला """" '''होय एका महाराने छ.संभाजी राजेंना "अग्नि" दिली. आज ही संभाजी राजेंची "समाधी" ही """ महार वाडयात """ आहे.... ही बातमी मोगल व भटांना समजताच " गणपत " महार आणि बाकी मंडळीचे "शीर कलम" केलं गेलं व महार जाती ने दिवसा "बाहेर पडण्यास बंदी घातली गेली....." "कमरेला झाडू आणि गळ्यात मडके" अडकवविण्याची "शिक्षा भटांनी" सुनावली. पुढे ही बातमी पुण्यामध्ये सर्वत्र पसरली, लोक ह्या """""गणपत"""" ला वंदन करु लागले. महाराचा देव झाला म्हणुन "भट" चिडले. इंग्रज भारतात आले त्यांना पुण्यामध्ये शिरणे शक्य होत नव्हते. पेशवाईच्या विरुद्ध त्यांना यश मिळत नव्हते. हे सर्व एक तरुण पहात होता, त्याचं नाव ""सिध्दटेक महार"" होतं. तो इंग्रजां सोबत "करार करतो" तुम्हाला हे राज्य आम्ही मिळवून देतो पण तुम्ही "आम्हाला मडके आणि झाडू पासून मुक्त" करा. सन्मानाने जगण्याचा आधिकार द्या . इंग्रज त्याची अट मान्य करतात. हाच सिद्धटेक ५०० महार सोबत वढु येथील "संभाजी राजेंच्या समाधीवर जाऊन दर्शन"" घेताे आणि म्हणतो राजे!!!!!!!!!!! "आम्ही तुमच्या खुनाचा बदला घेण्यास निघालो आहोत शक्ती द्या आशिर्वाद द्या. असे म्हणून ह्या """५०० महारांनी""" """२५००० पेशव्यांना""" संपवून टाकले...... तो दिवस होता """१जानेवारी म्हणुन हा "शौर्य दिन म्हणून "" पाळला जातो, साजरा करण्यात येतो.... """आपल्या लोकांना इतिहासाची माहिती नसणे""" हेच त्यांच्या समस्यांचे एक "प्रमुख कारण" आहे... - यासाठी हा इतिहास सर्वांना पाठवून जागृत करा. ____________________________________________________ हा इतिहास अत्ता का बाहेर आला याआधी का नाही?

एवढा मोठा विनोद गेल्या हजार वर्षात झाला नसेल. २५,००० म्हणजे किती हे समजण्या इतकी अक्कल हे लिहिणार्‍याला आहे की नाही ? पण ठीक आहे. त्या ठिकाणी खरेच काय झाले याबद्दल आता एकदा लिहावे लागेल. पण नको. हे काम अगोदरच कोणीतरी केलेले आहे. या त्याच्या लिन्क्स. इंग्रजांचं 'भीमा-कोरेगाव': भाग १ इंग्रजांचं 'भीमा-कोरेगाव': भाग २ इंग्रजांचं 'भीमा-कोरेगाव': भाग ३ इंग्रजांचं 'भीमा-कोरेगाव': भाग ४ इंग्रजांचं 'भीमा-कोरेगाव': भाग ५ इंग्रजांचं 'भीमा-कोरेगाव': भाग ६ इंग्रजांचं 'भीमा-कोरेगाव': भाग ७ वरील लेखांमधे काही त्रुटी आहेत पण त्या एवढ्या महत्वाच्या नाहीत व त्याने मुळ घटनाक्रमाला कुठेही धक्का पोहोचत नाही. मी जेव्हा मराठा लाईट इन्फन्ट्रीचा इतिहास लिहिला, तेव्हा त्यात सुरुवातीलाच म्हटले होते की कोण कोणा विरुद्ध लढले हा या पुस्तकाचा विषय नाही. तर या सैनिकांच्या शौर्याची गाथा हा विषय आहे. येथेही महार शौर्याने लढले... त्याबद्दल त्यांच्या शौर्याचे कौतुकच केले पाहिजे पण आपल्या नालायक राजकारण्यांनी मोठ्या खुबीने त्याला जातीय स्वरुप दिले. आपले संपत आलेले अस्तित्व टिकविण्यासाठी केलेली ही केविलवाणी धडपड आहे. आज प्रकाश आंबेडकरांनी पळ काढलाच. "इतर संघटनांवर माझा ताबा नाही असे म्हणाले. पण मग मेवाणी आणि उमरला कशाला व्यासपिठावर बोलावलेस बाबा ? बर तुम्ही नव्हते बोलवले तर त्या व्यासपिठावरुन निघून जायचे ना ! पण मिळणार्‍या प्रसिद्धीचा लोभ नडला असावा. कालही एका चर्चेत त्यांना हा प्रश्र्न विचारल्यावर त्यांनी चक्क पळ काढला. असो.... या येथे हे असेच चालणार... यांना तरुण पिढीने घरीच बसवले पाहिजे तरच त्यांना येथे सुखाने नांदता येईल. मला सगळ्यात वाईट वाटले ते याचे की टिव्ही वर दिसत होते की लहान लहान मुलेही या मोर्च्यात सामील होती. यांना वेठीला धरताना यांना शरम कशी वाटत नाही?