सध्या मिपा वर लाल व हिरव्या सापांच्या काही पिल्लावळी अनेक चांगल्या धाग्यांवर गरळ ओकताना दिसत आहेत. मूळ मुद्दा किंवा विषयाला बगल देऊन उगाच चर्चा इतरत्र भटकावण्याचा त्यांचा उद्देश स्पष्ट जाणवतो (टीव्ही वरील चार्चासत्रां प्रमाणे). त्यामुळे अभ्यासपूर्ण प्रतिसाद, चांगली चर्चा व लेख वाचण्यासाठी इथे आलेल्या माझ्यासारख्या अनेक वाचकांची निराशा होतेच पण मूळ विषयावर आधारित चर्चा करणाऱ्या लोकांचापण हिरेमोड होतो. अशा लोकांच्या उपद्रवापासून मुक्ती मिळवण्याचे काही अगदी साधे उपाय मी खालील प्रमाणे सुचवत आहे. १) त्यांच्याकडे संपूर्ण दुर्लक्ष करावे कारण ते विषारी असले तरी त्यांच्या विषाचा सर्वसामान्य माणसांवर कुठलाही परिणाम होत नाही. एकवेळ मच्छर चावला तर मलेरिया किंवा डेंग्यू वगैरे व्हायची शक्यता असते पण ह्यांच्यापासून कुठलाही धोका नाही. २) हे साप स्वतः शक्यतो कुठलाही स्वतंत्र धागा काढायच्या भानगडीत पडत नाहीत कारण त्यांच्या अनेक कालबाह्य विषयांमध्ये बहुतांश वाचकांना कोणताही रस नसल्यामुळे येणाऱ्या प्रतिसादांचे प्रमाण अगदीच नगण्य किंवा अजिबातच नसते, त्यामुळे ते इतरांच्या चांगल्या रंगलेल्या चर्चेची वाट लावायला सदैव उत्सुक असतात. त्यांनी जर कुठल्या चर्चेवर गरळ ओकलेच तर त्यांना प्रतिसाद न देता अनुल्लेखानेच मारावे. ३) लाल सापांची तर जगभर केविलवाणी अवस्था झालेलीच आहे आता हिरवे साप पण त्याच मार्गावर आहेत, त्यामुळे त्यांचे गरळ ओकणे हि त्यांचे अस्तित्व टिकवण्याची लढाई आहे, चर्चां मध्ये वगैरे त्यांना खरा रस काहीच नसतो तेव्हा बाकीच्यांनी विचलित न होता मूळ विषयाला धरूनच आपले प्रतिसाद देत राहावे. ४) अनेक जण त्यांच्या फालतू प्रतिसादांना उत्तरे देण्याचे कष्ट घेतात पण त्याची अजिबात गरज नाही. त्यात चर्चेत सहभागी झालेल्यांनी आपला वेळ व शक्ती खर्च करू नये. त्यामुळे झालाच तर एक अतिरिक्त फायदा होऊ शकतो कि हे साप आपला ईगो (चुकून माकून असलाच तर) हर्ट झाला म्हणून स्वतंत्र धागा काढायचे कष्ट घेतील आणि मग इतरांवर कंपूबाजी वगैरेचे आरोप करणारे त्यांचे टोळीवाले जेव्हा त्या धाग्यांवर आपले प्रतिसाद देतील तेव्हा ह्यांची कंपूबाजी उघडी पडेल आणि त्यांनाहि आपले समविचारी किती आहेत ह्याचा पक्का अंदाज येईल. न मागता वाचक व चर्चाकारांच्या हितार्थ सल्ला देणारा गारुडी, (नाखुंची स्वाक्षरीची स्टाईल आवडली म्हणून कॉपी करणारा) रंगीला रतन.