जरी अज्ञात देशाचा

अ — अनन्त्_यात्री,
जरी अज्ञात देशाचा किनारा गाठला होता तरी वारा शिडामधला जरा खंतावला होता दूरवरचे दिवे तिथले झळाळून पेटले होते तरी अंधार हटवादी जरा रेंगाळला होता वितळत्या चंद्रबिंबाने दशदिशा भारल्या होत्या तरी त्या चांदरातीचा कवडसा गोठला होता
2246 वाचन
💬 प्रतिसाद (9)

एस
Wed, 10/25/2017 - 11:44 नवीन
वा! खूप छान आहे कविता. पण किमान दोन कडवी अजून असायला हवी होती. कवितेचा अर्थ पूर्णांशाने पोचत नाही किंवा कविता अपूर्ण वाटतेय असे जाणवले. 'दिवे तिथले' मध्ये 'दिवे तेथले' असा बदल करून पाहा. गेयता वाढेल.

अनन्त्_यात्री
Wed, 10/25/2017 - 13:35 नवीन
...प्रतिसादांबद्दल व सूचनांबद्दल आभार ! जीवनातल्या अपूर्णतेबद्दलच ही कविता लिहिली असल्याने ती अपुरी वाटत असतानाच थांबलोय.
↩ प्रतिसाद: एस

एस
Wed, 10/25/2017 - 11:47 नवीन
अजून एक. 'किनारा गाठला होता' ह्या गद्य भासणाऱ्या ओळीत 'गाठला किनारा होता' असे केले तर पद्यमय वाटेल. सॉरी! न विचारताच आगंतुकपणे सल्ले देतोय. :-)

अनुपम
गुरुवार, 10/26/2017 - 11:17 नवीन
व्वा!

सत्यजित...
Wed, 11/01/2017 - 00:54 नवीन
अतिशय सुंदर कविता!आपल्या सर्वाधीक आवडलेल्या कवितांपैकी एक! मोहाच्या प्रवाहात,अगदी योग्य ठिकाणी 'गोठलेली' कविता!!