Skip to main content

जरी अज्ञात देशाचा

लेखक अनन्त्_यात्री यांनी बुधवार, 25/10/2017 11:22 या दिवशी प्रकाशित केले.
जरी अज्ञात देशाचा किनारा गाठला होता तरी वारा शिडामधला जरा खंतावला होता दूरवरचे दिवे तिथले झळाळून पेटले होते तरी अंधार हटवादी जरा रेंगाळला होता वितळत्या चंद्रबिंबाने दशदिशा भारल्या होत्या तरी त्या चांदरातीचा कवडसा गोठला होता
काव्यरस
माझी कविता
लेखनविषय:
वाचने 2262
प्रतिक्रिया 9

प्रतिक्रिया

एस बुधवार, 25/10/2017 11:44
वा! खूप छान आहे कविता. पण किमान दोन कडवी अजून असायला हवी होती. कवितेचा अर्थ पूर्णांशाने पोचत नाही किंवा कविता अपूर्ण वाटतेय असे जाणवले. 'दिवे तिथले' मध्ये 'दिवे तेथले' असा बदल करून पाहा. गेयता वाढेल.

अनन्त्_यात्री बुधवार, 25/10/2017 13:35
...प्रतिसादांबद्दल व सूचनांबद्दल आभार ! जीवनातल्या अपूर्णतेबद्दलच ही कविता लिहिली असल्याने ती अपुरी वाटत असतानाच थांबलोय.

एस बुधवार, 25/10/2017 11:47
अजून एक. 'किनारा गाठला होता' ह्या गद्य भासणाऱ्या ओळीत 'गाठला किनारा होता' असे केले तर पद्यमय वाटेल. सॉरी! न विचारताच आगंतुकपणे सल्ले देतोय. :-)

सत्यजित... बुधवार, 01/11/2017 00:54
अतिशय सुंदर कविता!आपल्या सर्वाधीक आवडलेल्या कवितांपैकी एक! मोहाच्या प्रवाहात,अगदी योग्य ठिकाणी 'गोठलेली' कविता!!