Skip to main content

दगड!

लेखक वेल्लाभट यांनी बुधवार, 04/01/2017 15:03 या दिवशी प्रकाशित केले.
a चित्र श्री संदीप डांगे यांजकडून साभार ब्लॉग दुवा रागाची ती उचल काय, दगड! विचारांची मजल काय, दगड! जात पात वजा भाग गणित गणिताची उकल काय, दगड! अभेद्य त्यांच्या आयुष्याची शिल्पं पुतळे तोडून तुटंल काय, दगड! देऊळ म्हणून आत गेलो बघत गर्दीपुढे अचल काय, दगड! बळावलेला ज्वर आहे, जबर औषधानं निघंल काय, दगड! तोड-फोड टीका निषेध कहर सरतेशेवटी सफल काय, दगड! नीट बघा, कळणार नाही फरक हात, बाण, कमळ काय, दगड! उद्या पुन्हा देतीलच ते वचन निर्लज्जांचं नवल काय, दगड! आमंत्रणं, आरक्षणं सकल उरलेल्यांची दखल काय, दगड! पोखरतील विकून खातील असंच देशामध्ये उरंल काय, दगड! चिडचिडच व्हायची लिहून अखेर, कविता काय, गझल काय, दगड! - अपूर्व ओक
काव्यरस
मुक्त कविता
लेखनविषय:
वाचने 5774
प्रतिक्रिया 33

प्रतिक्रिया

आदूबाळ बुधवार, 04/01/2017 15:23
जबरदस्त! याचं मिपाच्या यूट्यूब चॅनलसाठी वाचन करावं असं सुचवतो.

सुधांशुनूलकर बुधवार, 04/01/2017 16:55
मिपाच्या यूट्यूब चॅनलसाठी वाचन करावं - प्रचंड अनुमोदन

पिलीयन रायडर बुधवार, 04/01/2017 21:20
१०००% अत्यंत सुंदर जमली आहे रे कविता.. कविता वाचन करच..

वेल्लाभट बुधवार, 04/01/2017 17:08
सगळ्यांना _/\_ हे कुठे जाऊन संपणार आहे, संपणार आहे की नाही याचा विचार करून त्रास होतो

चांदणे संदीप बुधवार, 04/01/2017 17:40
दगडाला घेऊन अशी सुंदर रचना वेल्लाभटाचं करू जाणे! :) Sandy

चांदणे संदीप बुधवार, 04/01/2017 17:56
लिहिणारे वाऱ्यावर सुगंध लिहितात ही दाद माझी दरवळंल काय, दगड! Sandy

पाटीलभाऊ बुधवार, 04/01/2017 17:47
मस्त कविता

ज्ञानोबाचे पैजार गुरुवार, 05/01/2017 09:31
उगाच असल्या कविता लिहून कशाला डोकेफोड करुन घ्यायची? दगडांवर त्याचा काही परीणाम होणार आहे का? दादोजी झाले, गडकरी झाले, शनिवारवाड्याचा नंबर काही फार दूर नाही. आपण तालिबानला उगाच नावे ठेवतो. पैजारबुवा,

पैसा गुरुवार, 05/01/2017 10:45
माझ्या मना बन दगड म्हणायची वेळ आलीय. जळजळीत कविता आणि भेदक चित्र.

मित्रहो गुरुवार, 05/01/2017 23:02
जबरदस्त आवडली कविता

वेल्लाभट गुरुवार, 12/01/2017 14:41
चाणक्य, कवीमानव, मित्रहो, पैसाताई, पैजारबुवा, अजया, रातराणी, रेवती, पाटीलभाऊ, शार्दुल, सगळ्यांचे अनेक आभार.__/\_

देशप्रेमी मंगळवार, 17/01/2017 13:25
सत्यवचन! एकदम रोखठोक भाषा!