मुळांनी धरू नये अबोला

चांदणे संदीप's picture
चांदणे संदीप in जे न देखे रवी...
14 Dec 2016 - 2:40 pm

मुळांनी जमिनिशी अबोला धरून पानाफुलांना अडचणीत आणू नये
त्या बिचाऱ्यांच्या वाऱ्याशी बहराच्या गप्पा रंगलेल्या असतात

आपले अधाशी कोंब घेऊन वाट फुटेल तिकडे फुटू नये
जुन्या खंबीर इमारतीही मग भेगाळून ढासळू लागतात

घनघोर तूफान येतं चालून तेव्हा आपली जागा सोडू नये
मुळांवर विसंबूनच तर फांद्या तूफानाशी लढू शकतात

जावं खोल खोल रूजून, मातीवर उघडं पडू नये
वर कोरड्या उफाड्यात खाली झुळझुळ झरे असतात

इमान राखावं जमिनीशी, आभाळाकडे व्यर्थ पाहू नये
उन्मळून वर आलेल्या सांगा, मुळांना काय अर्थ आहे?

- संदीप चांदणे

कविता माझीशांतरसकवितामुक्तक

प्रतिक्रिया

पुंबा's picture

14 Dec 2016 - 3:36 pm | पुंबा

वाह!!! संदीपभौ जीयो.. खूप आवडलीए..

अनुप ढेरे's picture

14 Dec 2016 - 3:48 pm | अनुप ढेरे

कविता छानच आहे. अनेकांचे गृहीत धरलेले त्याग आले डोऴ्यासमोर.

अत्रुप्त आत्मा's picture

14 Dec 2016 - 4:43 pm | अत्रुप्त आत्मा

+१

प्रचेतस's picture

14 Dec 2016 - 6:23 pm | प्रचेतस

नेहमीप्रमाणेच सुरेख

शार्दुल_हातोळकर's picture

14 Dec 2016 - 11:31 pm | शार्दुल_हातोळकर

मस्त लिहिले आहे.

फक्त एवढेच वाटते की,

उपेक्षा मुळांची कुठेही नसावी
फुलांची मुळांशी गोड गट्टी असावी
घनदाट फांद्या नको गर्व त्यांना
मुळांचे स्मरण असो डहाळ्यांना

एक एकटा एकटाच's picture

15 Dec 2016 - 6:53 am | एक एकटा एकटाच

अनुमोदन

एक एकटा एकटाच's picture

15 Dec 2016 - 6:52 am | एक एकटा एकटाच

चांगलीय

अविनाशकुलकर्णी's picture

24 Dec 2016 - 4:58 pm | अविनाशकुलकर्णी

चांगली

पैसा's picture

25 Dec 2016 - 9:56 am | पैसा

सुरेख!

प्रा.डॉ.दिलीप बिरुटे's picture

25 Dec 2016 - 6:46 pm | प्रा.डॉ.दिलीप बिरुटे

आवडलीय कविता.

-दिलीप बिरुटे

चांदणे संदीप's picture

25 Dec 2016 - 10:34 pm | चांदणे संदीप

:)

Sandy

अभिषेक पांचाळ's picture

9 Mar 2017 - 3:00 pm | अभिषेक पांचाळ

मस्त . .

प्राची अश्विनी's picture

23 Sep 2022 - 9:28 am | प्राची अश्विनी

अरे वा! आवडली.

श्वेता२४'s picture

23 Sep 2022 - 11:34 am | श्वेता२४

कविता खूप म्हणजे खूपच आवडली संदीपभाऊ

चांदणे संदीप's picture

23 Sep 2022 - 4:43 pm | चांदणे संदीप

सर्व वाचक आणि प्रतिसाद देणाऱ्या रसिकांचे सर्वात आधी आभार. नवीन प्रतिसाद आले आणि 'अबोला' विषयाशी संबंधित दोन काव्यपुष्प मेनबोर्डावर आले म्हणून हा प्रतिसाद.

अबोला खरंतर वाईट. शरीराने जवळ असलेले दोन जीव मनाने खूप दूर जातात आणि त्यातील अंतर अजून वाढवण्याचे काम हा अबोला 'शांत'पणे करत राहतो. कवितेत त्याला उतरवताना ज्या कविला तो जसा दिसेल तसाच उतरेल. उदाहरणादाखल हीच कविता माझ्या एका जवळच्या मित्राच्या वैवाहिक आयुष्याला पाहून मी त्याला समजावण्यासाठी लिहिली आहे. मला जे कदाचित जवळ बसून परखडपणे किंवा योग्य भाव आणि शब्द जुळवून सांगता आलं नसतं ते मला कवितेतून लिहिता आलं आणि सर्वात महत्वाचं म्हणजे ज्याच्यासाठी हे केलं त्याला ते उमजलं. अजून, दुसऱ्या एका जवळच्या मित्राच्या आयुष्यातही असंच काहीसं घडत होतं तेव्हाही 'अबोला' नावाची कविता लिहिली आणि त्याला वाचून दाखवली. सुदैवाने, घटस्फोटापर्यंत गेलेलं ते प्रकरण आता निवळून सुरळीत सुरू आहे. माझ्या कवितेचे त्यात योगदान नाही पण माझे दोन शब्द मी मला वाटले तसे लिहिले आणि पोचवले. नवा कवितेचा धागा नको वाटतोय म्हणून ती कविता खाली देत आहे.

तुझे शब्द ना माझ्या कानावर
ना माझे शब्द तुझ्या कानावर
होतील अशाने भावना अनावर
राहील कुणी कसे मग भानावर?

शब्द तुझ्याजवळ नाहीत
शब्द माझेही संपले
नव्या ओळी रचण्याची
सांग जबाबदारी कोणावर?

पूर्वी अनोळखी होत्या
वाटा ज्या जुळाल्या
अजूनही रस्ता पुढेच आहे
नजर खिळली का मग फाट्यावर?

कागदाचे काही कपटे
मर्मबंधाची ठेव होतील
मग, उलगडून वाचताना,
शब्द ओघळतील गालावर

चांदण्या रात्री आकाश पाहताना
जाणवेल भेसूर नीरवता
नकोसा वाटेल मग चंद्रही उगवता
आणि घड्याळाचे पडतील ठोके-ठोक्यावर!

सं - दी - प

श्वेता२४'s picture

23 Sep 2022 - 5:26 pm | श्वेता२४

कागदाचे काही कपटे
मर्मबंधाची ठेव होतील
मग, उलगडून वाचताना,
शब्द ओघळतील गालावर

चांदण्या रात्री आकाश पाहताना
जाणवेल भेसूर नीरवता
नकोसा वाटेल मग चंद्रही उगवता
आणि घड्याळाचे पडतील ठोके-ठोक्यावर!

हे विशेष आवडले.