सूचना

वारंवार सूचना देऊनही काही सदस्य वैयक्तिक आणि खालच्या पातळीवरील प्रतिसाद देत आहेत. तसेच समाजात धार्मिक वा जातीय तेढ निर्माण करणारं लिखाण आढळल्यास विना सूचना कडक कारवाई करण्यात येईल.

बाप्पाचा नैवेद्य - चाॅको कोकोनट लाडू

Primary tabs

इशा१२३'s picture
इशा१२३ in लेखमाला
11 Sep 2016 - 9:03 am

साहित्य :
चॉकलेट कंपाउंडचे तुकडे : एक वाटी
डेसिकेटेड कोकोनट : दोन वाट्या
बदाम-काजू-पिस्ता पूड : एक वाटी
कंडेन्स्ड मिल्क : तीन चमचे
.

कृती :
प्रथम डेसिकेटेड नारळ आणि सुकामेव्याची पूड एकत्र करून बाजूला ठेवावी. चॉकलेटचे तुकडे मायक्रोवेव्हमध्ये ठेवून हाय पॉवरवर मिनिटभर ठेवून वितळवून घ्यावेत. मायक्रोवेव्ह नसेल तर गॅसवर भांड्यात पाणी घेऊन त्यात आणखी एक भांडे ठेवावे, त्यात चॉकलेट टाकून वितळवावे.

.
आता हे वितळलेले चॉकलेट चमच्याने एकसारखे करून त्यात कंडेन्स्ड मिल्क, डेसिकेटेड नारळ व सुकामेव्याचे मिश्रण अंदाज घेत मिसळावे.
आता याचा छान गोळा तयार होईल. याचे एकसारखे लाडू वळून ते डेसिकेटेड कोकोनटमध्ये घोळवावेत.
हवे तर मोदक साच्यात घालून याचे मोदकही करता येतील.

.

करायला सोपे आणि मोजक्या साहित्यात होणारे हे लाडू चवीला मस्त लागतात.

.

प्रतिक्रिया

अरे वा! मस्त लागत असतील हे लाडू.सोपे आहेत करायलाही.

पैसा's picture

11 Sep 2016 - 10:18 am | पैसा

खूपच छान प्रकार! चॉकोलेटचं काय काय बनवतेस ग!

फेदरवेट साहेब's picture

11 Sep 2016 - 10:36 am | फेदरवेट साहेब

डेसिकेटेड कोकोनटच्या जागी, "खवलेला सुका नारळ" किंवा "सुक्या खोबऱ्याचा किस" म्हणले असते तर जास्त बरे वाटले असते, मराठी संस्थळ असल्यामुळे.....

बाकी पाकृ निर्विवाद झकास आहे!

(मराठीशी इमानदार श्वान) ढेल्या

हो खवलेला सुका नारळ नक्कीच चालले असते.लक्षात आले नाहि.
धन्यवाद!

अनन्न्या's picture

11 Sep 2016 - 10:55 am | अनन्न्या

ताजा नारळ वापरला तर चालेल का?

इशा१२३'s picture

11 Sep 2016 - 3:49 pm | इशा१२३

नाहि. ओलसर होतील, टिकायचे नाहीत आणि वळले जातील कि नाहि शंका.

भुमी's picture

11 Sep 2016 - 11:44 am | भुमी

सोप्पी आहे कृती, करून बघणार.

कडवट चॉकलेट असते ते वापरायचे का की आपले नेहमीचे?

इशा१२३'s picture

11 Sep 2016 - 3:47 pm | इशा१२३

मिल्क वा डार्क चॊकलेट कंपाऊण्ड कुठलेही चालेल.छान लागतात.

इशा१२३'s picture

11 Sep 2016 - 3:47 pm | इशा१२३

मिल्क वा डार्क चॊकलेट कंपाऊण्ड कुठलेही चालेल.छान लागतात.

स्वाती दिनेश's picture

11 Sep 2016 - 12:18 pm | स्वाती दिनेश

छानच दिसत आहेत हे चॉको कोकोनट लाडू.. पाकृही सोपी आहे. मस्तच!
स्वाती

पद्मावति's picture

11 Sep 2016 - 3:09 pm | पद्मावति

अरे वाह, मस्तं दिसताहेत लाडू.

विवेकपटाईत's picture

11 Sep 2016 - 4:44 pm | विवेकपटाईत

फोटो बघूनच करून खाण्याची इच्छा होते आहे. सध्या तरी डोळे तृप्त झाले.

प्रा.डॉ.दिलीप बिरुटे's picture

11 Sep 2016 - 4:47 pm | प्रा.डॉ.दिलीप बिरुटे

लाडू भारी दिसताहेत. आवडले.

-दिलीप बिरुटे

मोक्षदा's picture

11 Sep 2016 - 5:05 pm | मोक्षदा

सुंदर प्रसाद, सोपा

लाडू आवडले. सोपे वाटतायत.

अभिजीत अवलिया's picture

11 Sep 2016 - 6:02 pm | अभिजीत अवलिया

असला नैवेद्य घरी केला तर बाप्पाच्या आधी माझ्याच पोटात जाईल हे नक्की. :)

कविता१९७८'s picture

11 Sep 2016 - 6:03 pm | कविता१९७८

वाह ईशे मस्तच

नूतन सावंत's picture

11 Sep 2016 - 6:20 pm | नूतन सावंत

Isha,mastch.

पिलीयन रायडर's picture

11 Sep 2016 - 10:25 pm | पिलीयन रायडर

स्वादिष्ट प्रसाद!!

त्रिवेणी's picture

12 Sep 2016 - 7:09 am | त्रिवेणी

या लाडूत पाक करायचा नाहीय म्हणून नक्की करायचा प्रयत्न केला जाईल.

मृत्युन्जय's picture

12 Sep 2016 - 12:55 pm | मृत्युन्जय

मस्त दिसताहेत लाडू एकदम. झक्कासच

पियुशा's picture

12 Sep 2016 - 2:51 pm | पियुशा

सहिच दिअसताह्त लाडु :)

मुक्त विहारि's picture

12 Sep 2016 - 4:16 pm | मुक्त विहारि

तों.पा.सु.

सत्याचे प्रयोग's picture

12 Sep 2016 - 5:26 pm | सत्याचे प्रयोग

कृती प्रमाणे करुन पाहिले मस्तच होतात. फक्त सुका नारळ अगदी थोड्या प्रमाणात भाजुन घेतला होता मी. सर्व लाडू फस्त झाले लगेच. आणि डार्क चॊकलेट कंपाऊंड वापरले होते

धन्यवाद करुन इथे कळवल्याबद्दल!

स्रुजा's picture

12 Sep 2016 - 10:35 pm | स्रुजा

फार च छान ! सुबक आणि देखणी पाकृ.

मी आल्यावर फ्लॉवर न आणता चॉकोलेट कंपाऊंड विकत आणण्याची सदबुद्धी बाप्पा तुला देओ ;)

इशा१२३'s picture

12 Sep 2016 - 11:47 pm | इशा१२३

छानच आयडिया! येच तु त्या वितळलेल्या चोकलेटात फ्लॉवर तुरे बुडवून देइन ;)

वरचं चॉकोलेट खाऊन तुरे साभार परत देण्यात येतील ;)

इशा१२३'s picture

12 Sep 2016 - 11:47 pm | इशा१२३

छानच आयडिया! येच तु त्या वितळलेल्या चोकलेटात फ्लॉवर तुरे बुडवून देइन ;)

रुपी's picture

12 Sep 2016 - 11:52 pm | रुपी

वा. मस्त, सोपी पाकृ!

सानिकास्वप्निल's picture

13 Sep 2016 - 12:20 am | सानिकास्वप्निल

वाह! वाह! मस्तं पाककृती
फोटो पाहून तोंपासू.

पूर्वाविवेक's picture

13 Sep 2016 - 2:43 pm | पूर्वाविवेक

आहा सुरेख. चॉकलेट आणि कोकोनट चा सुरेख मेळ.

खुप छान. चॉकलेट आणि कोकोनट माझे फेवरेट कॉम्बीनेशन आहे.