झोप उडवणारा 'उडता पंजाब'

हेही परीक्षण आवडले. चित्रपट पहायला हवा.

+१

भक्त पहलाज आणि तत्सम संस्कृतीरक्षक कंपूच्या कानपुराखाली लालबाग काढणारा न्यायालयाचा सणसणीत निर्णय हा यापुढे अधिकाधिक निर्माते-दिग्दर्शकांना धैर्य देणारा ठरेल.

बाबौ लै दम आहे भो तुमच्यात!!! डायरेक्ट संबंधितांच्या भक्त धोतराला हात!! सहीच

बाकी परीक्षण आवडले!!

पाहिला, आवडला आणि चलत मुसाफिर म्हणतात त्याप्रमाणे अंगावरही आला. कडक पिक्चर आहे कळला तर. थेटरमधून बाहेर पडून फक्त शाहिद व आलिया बद्दल बोलणा-यांना तो कळला नाही असं समजावं.

तुमचे मुद्दे आवडले पण किंचित असहमती आहे. जे फारसे महत्वाचे नाही.
आत्ताच भावाने पाहिला व फोन केला की त्याच्या अंगावर आला सिनेमा!
मला तर अजिबात स्वप्नातही पाहू नकोस असे बजावले आहे कारण नंतरची रडारड त्यालाच ऐकावी लागते.
म्हणजे खरच शिनेमा वास्तवाशी अजिबात तडजोड न केलेला असणार.
अशी सामाजिक पारिस्थिती आहे या कल्पनेनं भीती वाटते.

पंजाबमधली अमली पदार्थांच्या वापराची परिस्थिती बरीच गंभीर झालेली आहे हे माहीत होते. त्याकरिता हा पिक्चर पाहायचा होताच. या परिक्षणाने त्याची निकड अजून वाढली आहे.

नाच-गाणं-खाणं-लढणं यापल्याडच्या पंजाबची हिंदी चित्रपटसृष्टीने पहिल्यांदाच दखल घेतली आहे असं वाटतं.

काल बघितला चित्रपट.खरच अस्वस्थ करणारा आहे.मला पूर्वार्ध थोडा हळू वाटला.
मागच्या आठवड्यात तीन आणि आता उड़ता पंजाब. आता यावर उतरा म्हणून रितेशचा ग्रैंड मस्ती की कोणता चित्रपट येतोय न तो बघणार आहे.

उंद्याच बघनारे! सक्काळ सक्काळ! आट'चा शो.

आताच पाहीला. खूप छान चित्रपट. आलिया भटचे काम जबरदस्त. संपूर्ण स्टारडम वीसरुन अतीशय अग्लॅमरस मेकअप स्वीकारुन मुलीने काम केलंय. हींदी चित्रपटही वास्तवाच्या जवळपास जाउ लागले आहेत हे बघून बरे वाटले.

चित्रपट खरच अंगावर येतो. इतकं भीषण वास्तव आहे.
उत्तरार्ध एक वेळ थोडा रेंगाळल्यासारखा वाटत असताना परत गतीमान होतो. 'अच्छे दिन' वर मार्मीक टिप्पणी पण छान.

कामं सर्वांनीच उत्तम केलय....आलीयाचं पोटेन्शीअल जबरदस्त आहे.

अरे वा, दोन परीक्षणं आलीत व्हय.
ओके ओके. बघणार आहेच. चार प्रमुख पात्रापैकी ३ जण तरी पंजाबी आहेत बहूधा, हे चांगलेय.

अर्थात बाल्कांबरोबर नाही.

परिक्षण आवडले. नेमके आणि रोखठोक.

स्वगत : कौटुंबीक कटकारस्थानांच्या-लाछनास्पद छळाच्या मालीका मिटक्या मारत बघणार्यांना सिनेमातील शिव्याच कश्या सहन होत नाहीत याचा विचार पडलाय खरा?

मुकाट नाखु

परीक्षण आवडले. परंपरेनुसार या चित्रपटातही अनुराग कश्यपने शिव्यांचा सढळ हाताने वापर केलेला आहे. बाकी शाहीद आणि आलियाचा अभिनय चांगला वाटला.

कुणी स्टीव्हन स्पीलबर्गचा Saving Private Ryan पाहिलाय? त्यातला दोस्तराष्ट्रांचं सैन्य नाॅर्मंडीच्या किनाऱ्यावर उतरतं तो सीन आठवतोय? अचानक समोरून गोळ्या यायला सुरूवात होते आणि सैनिक धडाधड पाण्यात कोसळतात. एका क्षणापूर्वी जिवंत असलेला सैनिक डोक्यात गोळी घुसून एक निष्प्राण जीव म्हणून बाजूला पडतो. आपण युरोपची नाझींच्या तावडीतून सुटका करायला जातो आहोत अशी romantic कल्पना घेऊन युद्धात सामील झालेले सैनिक हबकतात. प्रेक्षकाची अवस्था काही फार वेगळी नसते.
असाच अनुभव उडता पंजाब पाहताना येतो.
कुठेही ड्रग्ज म्हटल्यावर येणारे धुंदावलेले चेहरे आणि धूर नाही. इथे ड्रग्जचं seduction दाखवणं हा दिग्दर्शकाचा हेतूच नाही कारण त्याला ड्रग्ज हा काय भयानक प्रकार आहे आणि त्याचा विळखा भारतातल्या एका संपन्न राज्याला कसा बसलाय ते दाखवायचं आहे. हेराॅइन, स्मॅक (मुंबईत त्याला गर्द किंवा ब्राऊन शुगर म्हणतात), आणि चिट्टा - पंजाबीमध्ये सफेद - प्रत्यक्षात कोकेन यांनी पंजाबी तरुणाईची लावलेली वाट दाखवणं हा त्याचा हेतू आहे आणि त्यात तो यशस्वी होतो. सेन्सॉरने या चित्रपटाला पंजाबची बदनामी होते म्हणून आडकाठी केली हे हास्यास्पद आहे आणि शहामृगी वृत्तीचं द्योतक आहे. सरसो के खेत मे लहलहाने वाला पंजाब, लोडी आणि बैसाखी साजरा करणारा उत्सवप्रिय, रोमँटिक पंजाब हा दिग्दर्शकाला दाखवायचाच नाहीये. त्यामुळे शिव्या समर्थनीय आहेत. जेव्हा टाॅमीचे (शाहिद कपूर) फॅन्स त्याला तुरुंगात त्यांनी कसा ड्रग्जपायी आपल्या आईचा खून केला ते सांगतात तेव्हा शिव्या नाही येणार तोंडात तर काय येणार?
थप्पड मारल्यावर झिणझिण्या येतातच आणि झिणझिण्या याव्यात हाच थपडेचा हेतू असतो. आणि कधीकधी सुधारण्यासाठी थप्पड गरजेची असते. उडता पंजाब ही अशीच थप्पड आहे.
अभिनय, संगीत, कॅमेरा आणि संकलन निव्वळ अफाट. शाहिद आणि आलियाच्या व्यक्तिरेखा या अनियंत्रित, on the edge, बेभान आयुष्य जगणाऱ्या आहेत आणि त्यांच्यासमोर करीना आणि दलजित यांच्या व्यक्तिरेखा या नियंत्रित आणि भानावर राहणाऱ्या आहेत. हा समतोल दिग्दर्शकाने सुंदर सांभाळला आहे. त्यावरून दुस-या स्टीव्हनची - सोडरबर्गची आणि त्याच्या आॅस्कर विजेत्या Traffic ची आठवण येते. तिथेही अशाच समांतर व्यक्तिरेखा आहेत आणि ड्रग्ज हाच मुख्य विषय आहे. पण अभिषेक चौबेने भारतीयीकरण इतकं चपखल केलं आहे की कुठेही Traffic ची नक्कल केलीय असं वाटत नाही.
चित्रपटातली सर्वात जबरदस्त व्यक्तिरेखा जर कुठली असेल तर ती म्हणजे पंजाब. हा ड्रग्जनी शरीर आणि मेंदू सुन्न झालेला पंजाब भयावह आहे पण तितकाच डोळे उघडणारा आहे. चित्रपटाच्या शेवटी मीही पंजाबला उद्देशून हेच म्हणालो - तेरे ड्रग्ज दी मा दी xxxx

जबरदस्त परीक्षण! आवडले.

चित्रपट सुरेख आहे. पंजाबचे हेच खरे वास्तव असेल तर खुप भयानक आहे. आणि ह्याला जबाबदार लोक कोण आहेत हे बघितले की हे राज्यकर्ते की हैवान असे वाटते.

आणि कुटूंबवत्सल लोक कशाला मरायला गेलेले चित्रपट पाहायला? चितपट प्रौढांसाठी आहे. कुटूंबवत्सलांना आत सोडले कोणी?? मुम्बैत आय कार्ड चेक केल्याशिवाय आत सोडत नाहीत.

परीक्षण आवडले.

मी हे ग्रुहित धरतो की मिपाकर इतके नक्कीच सूज्ञ आहेत की प्रौढांसाठीच्या चित्रपटाला कुटूंबातील १८ वर्षांपेक्षा लहान
सदस्याला घेऊन जाणार नाहीत.

चित्रपटाचे सुत्र महत्वाचे आहे. ड्रगचा विळखाही भयंकर आहे आणि ही एक प्रकारची छुपी लढाई आहे भारताविरुद्ध . असा चित्रपट यायलाच हवा होता. आणि तो आणल्याबद्दल निर्मात्याचे अभिनंदन.
पण चित्रपट म्हणुन बघावा तर पुर्वार्ध ठिक, उत्तरार्ध जरा कंटाळवाणा वाटला.अनेक दुवे मधेच सोडुन दिल्यासारखे वाटले.शिवाय एक पोलिस अधिकारी आणि एक डॉक्टर काम धाम सोडुन ड्रग माफियांच्या पाठी लागतात हे जरा अतिरंजित वाटते
शेवटचा गोळीबारही उरकल्यासारखा वाटला. आलियाची भुमिका मात्र जबराट आहे.

नाय बाप्पु ते बुजाडल होत.

काल बघितला चित्रपट.खरच अस्वस्थ करणारा आहे. पण थोडा संथ झाल्यासारखा वाटला मध्ये मध्ये.
आलिया भट्ट - हायवे नंतर हा चित्रपट, पोरीत दम आहे नक्की. कसली अ‍ॅक्टिंग केलीय , अगदी पंखा झालोय. अ‍ॅ वॉर्ड कॅटॅगरी , नाही मिळाले तर आश्चर्य वाटेल.

करीना - खुप छान आणि संयत अभिनय , करीनाचे डोळे खुप बोलके आहेत.

शाहिद - खुप छान पण थोडा लाऊड झाल्या सारखा वाटला आक्रस्ताळेपणा थोडा कमी हवा होता.

दिलजीत दोसंझ - पहिल्यांदा पाहीलेय पण अत्यंत वास्तविक अभिनय कुठेही अवास्तव वाटत नाही. तरी ईतर सुपरस्टार्स असले तरी चित्रपट दिलजीत आणि त्याच्या भावा भोवतीच फिरत असतो

प्रत्येक भुमिका आणि कलाकार चपखल आहेत आणि प्र्त्यकाने आपल्या भुमिकेला न्याय दिलाय

निवडणूक दरम्यान ड्रग्ज वाटण्याचा प्रसंग अंगावर काटे आणतो

अभिषेक चौबे - हॅटस ऑफ.. गट्स पाहिजेत असले वास्तव समोर आणायला आणि सेन्सॉर सोबत लढायला

आणि जे सज्जन शिव्यांबद्दल आक्षेप घेताहेत ते हे विसरतात की सत्य हे जळजळीत आणि पचवायला कडवटच असते. ह्या भाषेशिवाय हा चित्रपट मिळमिळीत झाला असता.
एकेकाळी आणि अजुनही, पंजाब माझा आवडता होता पण तेथे एव्हढे भयंकर प्रकार चालत आहेत हे पचवायला अवघड जातेय...

सुन्न मनःस्थिती......

परिक्षण आवडले.

परीक्षण आणि सर्व प्रतिसाद आवडले! पाहणारच!

परिक्षण छान!!!! पहिल्या नंतर लिहिन सविस्तर.............