Skip to main content

चार बर्नरची गॅस शेगडी घ्यायची आहे. कोणती घ्यावी?

लेखक सांश्रय यांनी शनिवार, 07/05/2016 09:34 या दिवशी प्रकाशित केले.
दोन बर्नरच्या गॅस शेगडीवर मुलांचे शाळेचे डबे, सकाळचा चहा, आमचा नाश्ता, एखादे वेळेस अंघोळीचे पाणी तापविणे अशी सगळी कामे एकाच वेळी शक्य होत नाहीत. त्याकरीता चार बर्नर असलेली गॅस शेगडी घ्यायचे ठरविले. वेगवेगळ्या शो-रुम्स मध्ये शोधही घेतला, पण निर्णय घेताना फारच गोंधळायला होते. मग विचार केला की मिपाकरांना विचारायला हरकत नाही याबद्दल... कोणती गॅस शेगडी घ्यावी, त्यात कोणते फिचर्स असावेत याबाबत जरा सुचवल्यास बरं होईल. सर्वाचे अगोदरच आभार मानत आहे. धन्यवाद.
वाचने 14946
प्रतिक्रिया 94

प्रतिक्रिया

अभ्या.. सोमवार, 09/05/2016 18:12
काचेचा आहे, खूप रंगात मिळतो, नाव अगदी भारतीय वाटते, सोनाली बेंद्रे जाहीरात करते,(कधीकधी) सूर्या फौन्डेशन बर्‍याच प्रकल्पात मदत करते,

चांदणे संदीप रविवार, 08/05/2016 02:26
इतके बर्नर्स का पेटलेत! मला यातल काही कळत नाही पण वर चिनार यांचे बोलणे खरे व्हावे या नेक हेतूपायी हा अजून एक प्रतिसाद! :) Sandy

टवाळ कार्टा रविवार, 08/05/2016 22:04
दोन बर्नरच्या गॅस शेगडीवर मुलांचे शाळेचे डबे, सकाळचा चहा, आमचा नाश्ता, एखादे वेळेस अंघोळीचे पाणी तापविणे अशी सगळी कामे एकाच वेळी शक्य होत नाहीत. त्याकरीता चार बर्नर असलेली गॅस शेगडी घ्यायचे ठरविले.
हि सगळी कामे तुम्ही एकाच वेळी करणार आहात का? म्हणजे बाथरूममध्ये आंघोळीचे गरम पाणी घेउन चहा पिता पिता नाश्टा खाताना मुलांचे डबे तयार करणे....कस्सं काय जम्तं हो तुम्हाला

सांश्रय सोमवार, 09/05/2016 12:44
हा धागा काढण्याचा एकच उद्देश होता की, मिपा वरील सुज्ञ सदस्य / मंडऴी अनुभवलेली किंवा माहीतीत असलेली गॅस शेगडी संदर्भातील माहीती येथे लिहीतील जेणेकरुन ही माहीती मर्यादितच न राहता इतरांपर्यंतही पोहचु शकेल........... इथले प्रतिसाद धाग्याविषयी असते तर खुप चांगली चर्चा झाली असती, माहिती मिळाली असती. माझ्या प्रश्नासंदर्भात बरीचशी गंभीरही माहिती मिळतेय व त्याचा अभ्यासही सुरु आहे. मुंबई ग्राहक पंचायतीलाही संपर्क केलेला आहे.

श्री गावसेना प्रमुख सोमवार, 09/05/2016 19:28
एक गहन प्रश्न पडलाय घराचे बांधकाम चालू आहे ,संडासीचे भांडे कोणते वापरावे,इंडियन की इंग्लिश कोणते सोईस्कर राहील। जाणकारांनि आपला बहुमोल सल्ला द्यावा।

श्री गावसेना प्रमुख मंगळवार, 10/05/2016 06:29
आता कोणी घराच्या कामाचे रेट विचारतो कुणी शेगड़ी कोणती घ्यायची हे विचारतो कुणी डिश टीवी बद्दल चवकशी करतो त्यांना सल्ला मिळू शकतो त्या अर्थी मिसळपाव वर बऱ्याच विषयांचे जाणकार उपस्थित असावेत म्हणून माझाही एक गहन प्रश्न।

वैभव जाधव सोमवार, 09/05/2016 20:35
प्रत्येकाच्या क्षमतेवर अवलंबून आहे. आपल्याला कसं व्यवस्थित 'जमतं'? बाकी कुठून आणायचं, किती खर्च नंतर चा विषय. आधी 'सोय' बघावी. ;)

कॅप्टन जॅक स्पॅरो सोमवार, 09/05/2016 20:38
प्रश्ण गहन आहे का थोडी अक्षरात अदलाबदल आहे असा एक प्रश्ण आहे माझा.

चिगो गुरुवार, 12/05/2016 17:47
प्रश्ण गहन आहे का थोडी अक्षरात अदलाबदल आहे असा एक प्रश्ण आहे माझा.
=)) मेलो..

कॅप्टन जॅक स्पॅरो शुक्रवार, 13/05/2016 07:02
रच्याकने गॅसचही कनेक्शन बसल्या जागी मिळुन जैल हा मुद्दा तेव्हा डोक्यात आला नव्हता. प्रेशर वाईट. ;)

चिगो गुरुवार, 12/05/2016 17:46
ते इंग्लिश+इंडीयन कमोड असतं ना? ते घ्या.. अनुभव नसला तरी चार-दोन फायदे सांगतो.. १. मुडप्रमाणे/ तब्येतीप्रमाणे वापरता येईल.. काँस्टीपेशन असेल तर इंडीयन स्टाईल, नेहमीच्या वेळी चॉईस आणि डिसेंट्री झाल्यास इंग्लिश.. २. एक के दाम में दो-दो संडास.. भारतीयत्वाचा आणि आधुनिकतेचा समन्वय देखील.. ३. पाहुणे, मग ते मॉडर्न असोत वा गावरान, देशी असो वा विदेशी, त्यांच्या मनाजोगा कार्यक्रम करु शकतात. ४. कमोडवर भारतीय पद्धतीत बसल्यास जगाकडे 'वेगळ्या' उंचीवरून बघायला मिळेल. संडास हे अनेक कल्पनांचे जन्मस्थान असल्याने हाईटचा फायदा मिळून आपल्या कल्पनांना एक आगळी खोली लाभेल.. आयडीया पटते का सांगा..

वैभव जाधव गुरुवार, 12/05/2016 19:11
हे सगळे विचार नेमके 'कुठे' सुचले??? लेका बालिस्टर का झाला नाहीस ;)

कंजूस मंगळवार, 10/05/2016 06:13
वैल चूल घ्या. ( चुलीच्या कडेने बोगदा काढून बाजुला एक खोटी चूल असते.इकडच्या जळणाची थोडी धग तिकडे जाऊन तिकडे भात ,गरम पाणी होते. उष्णता वाया जात नाही.)