कन्हैया कुमार : वास्तविकतेशी प्रांजळपणाची सरळ भेट!

पूर्णतः खरे नाही, खोट्या आरोपांपासून सुरक्षीत करणे एवढाच उद्देश --- अतिरेकी पकडल्या नंतर शक्यतोवर स्थानिक पोलीसांच्या स्वाधीन केले जातात. >> आपली माहिती योग्य आहे पण अर्धवट आहे. अ‍ॅक्टमधली सर्व कलमे बघितली तर सैन्याला विशेष अधिकार आहेत हे स्पष्ट आहे. त्याविरूद्ध आंदोलने सुरु आहेत ती गैरवापराच्याबद्दलच आहेत. सैनिकांच्या चुकांचे सरसकट समर्थन केले जात नाही,-- उदाहरण आहे. >> इथे भाजपा सरकारचा विशेष उल्लेख करायची गरज नव्हती. सैन्याला विशेषाधिकार देण्याचा कायदा काँग्रेसकाळात झालाय. जिथे हे कायदे लागू आहेत ती सगळी ठिकाणे बरीच जुन्या वादाची आहेत. इथे कोणते सरकार आत्ता सत्तेत आहे त्याने काही फरक पडत नाही. किंवा आता मोदीसरकार आहे म्हणून ही आंदोलने गेल्या २० महिन्यांतच सुरु झाली आहेत असेही नाही. विदाऊट वॉरंट धाडी टाकण्याचे अधिकार----सहाजिक असावे. >> सुचवलेला उपाय रोगापेक्षा इलाज भयंकर अशा स्वरुपाचा आहे. १) २) ३) >> वरिल तीन्ही मुद्दे मला पटलेले नाहीत. तुम्ही नागा स्त्रियांना कांगावाखोर म्हणत आहात व भारतीय मानत नाही असे दिसते आहे. राजकिय मुद्द्यांमुळे सैनिक आणि सामान्य नागरिक दोहोंनाही हकनाक बळी पडावं लागतं. सैन्य सीमेवर (प्रत्यक्ष युद्ध नसतांना) रक्त सांडत असेल तर तो मला राजकिय नेतृत्वाचा (ते कोणत्याही पक्षाचे असो) पराभव वाटतो. सरकार आणि अतिरेकी यांच्यामधे सैनिक आणि नागरिक भरडले जातात. मला सैनिकाची जेवढी काळजी आहे तेवढीच सामान्य नागरिकाचीही आहे. कारण ह्या दोन्हींमुळे आपला देश बनतो. आपण आपल्या देशावर जेव्हा प्रेम करतो म्हणतो तेव्हा ते अशा देशवासीयांवर करतो असे अभिप्रेत असते. फक्त सैनिकांवर, जमिनीवर प्रेम म्हणजे देशप्रेम नाही. स्पेशल अ‍ॅक्ट अंतर्गत होणारे कथित अत्याचार यांची चर्चा खूप जुनी आहे. त्यात नवीन काहीच नाही. भारतीय सैन्याच्या नावाने खडे फोडणेही. हे सगळे प्रकरण खूप गुंतागुंतीचे व सामान्य नागरिकाच्या आकलनापलिकडे आहे. कन्हया जे बोलला ते काही नवीन, वेगळे नाही. पण मीडियाला हॉट टी आर पीसाठी बातमी अशीच बनवावी लागते की सामान्य नागरिक चटकन प्रक्षोभित होईल. "कन्हयाने कहा भारतीय सेना बलात्कारी" "कन्हयाका भारतीय सेनापर एक और सनसनीखेज आरोप" अशा ब्रेकिंग न्युज फिरवल्या जातील. अर्थात मोदीविरुद्ध उभ्या राहिलेल्या कन्हयाला हिरो मानायला लागलेल्या जनतेला तो कसा नालायक आहे हे पटवण्यासाठी असे डावपेच आवश्यक आहेत. पण मिसळपाववर अभ्यासू प्रतिसाद देणार्‍यांनी तरी माध्यमांचा बनाव समजून घ्यावा व कन्हयाला फुटेज देणे बंद करावे. कारण आता पुढे कन्हया पश्चिमेकडे पाय करुन झोपला तरी 'कन्हयाका रुझान पाकिस्तानकी ओर' अशीही ब्रेकिंग न्युज येईल. रच्याकने, कन्हया जेही बोलत आहे ते तद्दन परंपरागत भारतीय कम्युनिझम आहे. वर्षानुवर्षे ते एकाच प्रकारचे दळण दळतायत. नाविन्य एवढंच की ते आता आंबेडकरवादी चळवळीला फूस लावण्याचा प्रयत्न करत आहेत. कन्हया जे म्हणतोय ते कित्येक वर्ष म्हटलं जातंय तेव्हा आता फक्त कन्हया म्हणतोय म्हणून ते महत्त्वाचं झालंय की कसे हा प्रश्न व्यक्तिलक्ष तर्कदोषाचा आहे काय?

दुसरे असे इथे स्पष्ट करावे वाटते की पुर्वोत्तर राज्यांमधे अशांतता नांदावी म्हणून चीन व काश्मिरात पाक बरेच प्रयत्न करत आहे हे सर्वज्ञात आहे. जसे जनमत प्रभावित करणे, अरिरेक्यांना मदत, इत्यादी. त्यामुळे सैन्याला विशेष अधिकार आवश्यक आहेत, ते काढुन घेऊ नये ह्याबद्दल माझे दुमत नाही. गैरवापराबद्दलच्या तक्रारींवर ताबडतोब चौकशी व कारवाई करणे हेही होत असेल असा विश्वास आहे. कश्मिरी जनता, पुर्वोत्तर जनता कशी विचार करते, जगते ह्याची अनुभूती आपण शांत शहरांमधे असलेल्या आपल्या वातानुकूलित खोल्यांमधे घेऊ शकत नाही, त्यामुळेच त्यांचे विखारी, विघटनवादी विचार आपल्याला खटकतात. वरच्या प्रतिसादात हे उल्लेख आवश्यक होते.