Skip to main content

Celebration

लेखक पालीचा खंडोबा १ यांनी मंगळवार, 19/01/2016 या दिवशी प्रकाशित केले.
फार क्लेशदायक आहे असं तुझ्याशिवाय जगणं, मी पर्यायांचा फारसा विचारच करत नाही ! कट केल्याप्रमाणे रात्री संगनमताने अंगावर येतात, तू जितकी हळुवारपणे यायचीस तितक्याच टोकाचा क्रूरपणा दाखवत ! दिवसाच्या उत्तरार्धात रात्रीच्या पुर्वार्धात अडकलेल्या कौमार्यवेळेत मनाचे पाखरू व्हरांड्यातल्या " फायरप्लेसवर" जाऊन बसते, गारठलेल्या गावातला गारठा, धुक्यासह माझ्या घरात शिरतो, तेवणार्‍या रोशनदानाचे तरंग घरात नाचायला लागतात ! आता मला कविता करावीशी वाटते, तू नसताना ? मी कवितेची कल्पनासुध्दा करू शकत नाही, तुझ्या नसण्याचे भान मला असले तरी, कल्पना अनभिज्ञ आहे ! पावसाळाभर दमट पडलेल्या तुझ्या वसनांनचा आवेगी सुगंध नाकपुड्या, घोड्यासारख्या फुरफुरवतो, "फायरप्लेसमधे" जळणारी ओली लाकडेही त्यात भर घालतात, उष्णता कमी विरहच जास्त देतात ! तुझ्या तसबिरीवर मी तूच विणलेला क्रोशा पांघरलाय, वार्‍यावर हलताना, नक्षीला चिरून, रोशनदानाचे तरंगते प्रकाश, तुझ्या तसबीरीला उजळवतात ! अचानक कोनाड्यातल्या इटालियन कटग्लासाला गार हाताचा स्पर्श करून मी, सेलिब्रेशन साठी ठेवलेली Chivas Regal काढतो, तुझ्या नसण्याचं माझ्या एकांताचं एकट्या फायरप्लेसचं दमट सुगंधाचं मला आता Celebration करायचं असतं Celebration मधे तुझं नसणं तितकच प्राकर्षाने जाणवत ! विजयकुमार............................ 23 / 11 / 2008
लेखनविषय:
वाचने 1851
प्रतिक्रिया 10

प्रतिक्रिया

निनाव मंगळवार, 19/01/2016
Jabbardast sundar. English shabdaancha waapar khoopach sundar jamlaay. wah.. punha punha waachale kaahi kaDve..

प्रा.डॉ.दिलीप बिरुटे गुरुवार, 21/01/2016
शेवटच्या समारोपाच्या ओळी खासच द्याट इज नॉट क्वश्चन. पण - आता मला कविता करावीशी वाटते, तू नसताना ? मी कवितेची कल्पनासुध्दा करू शकत नाही, तुझ्या नसण्याचे भान मला असले तरी, कल्पना अनभिज्ञ आहे ! वरील ओळीत जरा गडबड वाटली. कल्पना अनभिज्ञ आहेत म्हणुन कविता न सुचणे आणि एकीकडे कविता करावीशी वाटते तु नसतांना हे काँबीनेशन जमलं नाही असे वाटते की मला नीटसे समजले नाही काय माहिती. पण मला वरील ओळींचा आनंद घेता आला नाही. लिहित राहा. -दिलीप बिरुटे

प्रा.डॉ.दिलीप बिरुटे गुरुवार, 21/01/2016
प्रतिसादाचं शीर्षक सुरेख कविता असं करावं अशी संपादकांना विनंती. -दिलीप बिरुटे

पालीचा खंडोबा १ शुक्रवार, 22/01/2016
कवी कल्पनेतही तिचे नसणे मान्य करत नाही असा अर्थ आहे. ह्या कविता पूर्वी लिहिल्या गेल्या आहेत त्यामुळे त्यावेळेची मन:स्थिती तितकी लक्ष्यात राहिली नाही

पालीचा खंडोबा १ शुक्रवार, 22/01/2016
टोचणारे नाही हो भोगणारे लिहितो. सगळेच काही मला लागू होत नाही काही वेळा इतर माझ्याशी जे शेअर करतात त्यांच्या वेदनाही इथे उमटतात

चाणक्य गुरुवार, 21/01/2016
आवडली