आता घे आवरते सारे

प — पालीचा खंडोबा १,
उघड्या घराचे कोंदट श्वास आता जाहलेत मोकळे लख्ख डोळ्यानी, निरख वाटा दिशा दाखवतील वादळवारे आता घे आवरते सारे || प्रत्येक जगण्याने साथ सोडली गवाक्षी उरलेत पक्ष्यांचे थवे किती डोळ्यांच्या वाटा करशील का वाहतोस आठवांचे भारे आता घे आवरते सारे || जनापवाद कुणा न टळला का बंद करतोस कवाडे ? मान मनाचे सामर्थ्य तुझीया अंधारातच तेवतात तारे आता घे आवरते सारे || वाहत्या आसवांनी कुणी का परतते ? सोडूनी वर्तमानास भविष्य येते कुरवाळुनी अवमानीत भुतकाळाला कुणी असे जगतात का रे ? आता घे आवरते सारे || बघ जगी , दुख राहीले भरून सुख मिळते का कधी मरुन ? परवेदनेस मानूनी आपले डोळे पुसण्यासाठी जग रे आता घे आवरते सारे || जगभरूनी वाहतात आसवे कुणी वाहते का त्यासवे ? पिऊनी सा-या यातनासागराला एकदा तरी अगस्ती बन रे आता घे आवरते सारे || विजयकुमार..................... 14 / 12 / 2008
2301 वाचन
💬 प्रतिसाद (13)

चांदणे संदीप
गुरुवार, 01/14/2016 - 21:23 नवीन
ओ मालक... तुमची शप्पथ! आधीच वाचलेली. प्रतिसादच द्यायला आलो होतो, तोवर तुमचा प्रतिसाद हजर! कविता उत्तम जमली आहे! वेगळा प्रयत्न करताय याबद्दल अभिनंदन! संध्य
↩ प्रतिसाद: पालीचा खंडोबा १

चांदणे संदीप
गुरुवार, 01/14/2016 - 21:33 नवीन
माझ्या नावाचा नवा अवतार = संध्य = Sandy
↩ प्रतिसाद: चांदणे संदीप

प्राची अश्विनी
Fri, 01/15/2016 - 07:34 नवीन
नेहमीप्रमाणेच कविता आवडली. पण तुम्ही असा प्रतिसादांचा जोगवा मागू नका हो, तुमचं लेखन त्याहून खूप वरच्या प्रतीच आहे.
↩ प्रतिसाद: पालीचा खंडोबा १

चांदणे संदीप
Fri, 01/15/2016 - 07:52 नवीन
+१
↩ प्रतिसाद: प्राची अश्विनी

प्रा.डॉ.दिलीप बिरुटे
Fri, 01/15/2016 - 09:44 नवीन
कविता वाचनीय असतात. प्रतिसादाची चिंता करू नका. -दिलीप बिरुटे
↩ प्रतिसाद: प्राची अश्विनी

पालीचा खंडोबा १
Fri, 01/15/2016 - 11:06 नवीन
प्रतिसादाची चिंता नाही हो. तो तर तुम्ही देताच परंतु माझ्या नेहमीच्या शैलीशी फारकत घेवून काही लिहिले तर ते माझ्या मित्र परिवाराने वाचावे हि माफक अपेक्षा

सस्नेह
Fri, 01/15/2016 - 11:16 नवीन
रंगीत शब्दांचे खडे बोचले नाहीत त्यामुळे आवडली.