मिसळपाव
उघड्या घराचे कोंदट श्वास
आता जाहलेत मोकळे
लख्ख डोळ्यानी, निरख वाटा
दिशा दाखवतील वादळवारे
आता घे आवरते सारे ||
प्रत्येक जगण्याने साथ सोडली
गवाक्षी उरलेत पक्ष्यांचे थवे
किती डोळ्यांच्या वाटा करशील
का वाहतोस आठवांचे भारे
आता घे आवरते सारे ||
जनापवाद कुणा न टळला
का बंद करतोस कवाडे ?
मान मनाचे सामर्थ्य तुझीया
अंधारातच तेवतात तारे
आता घे आवरते सारे ||
वाहत्या आसवांनी कुणी का परतते ?
सोडूनी वर्तमानास भविष्य येते
कुरवाळुनी अवमानीत भुतकाळाला
कुणी असे जगतात का रे ?
आता घे आवरते सारे ||
बघ जगी , दुख राहीले भरून
सुख मिळते का कधी मरुन ?
परवेदनेस मानूनी आपले
डोळे पुसण्यासाठी जग रे
आता घे आवरते सारे ||
जगभरूनी वाहतात आसवे
कुणी वाहते का त्यासवे ?
पिऊनी सा-या यातनासागराला
एकदा तरी अगस्ती बन रे
आता घे आवरते सारे ||
विजयकुमार.....................
14 / 12 / 2008
| लेखनविषय: |
|---|
वाचने
2346
प्रतिक्रिया
13
प्रतिक्रिया
आता असे वेगळे लिहिले तर कोणिच
आता असे वेगळे लिहिले तर कोणिच वाचत नाहि
ओ मालक...
In reply to आता असे वेगळे लिहिले तर कोणिच by पालीचा खंडोबा १
ओ मालक... तुमची शप्पथ! आधीच वाचलेली.
प्रतिसादच द्यायला आलो होतो, तोवर तुमचा प्रतिसाद हजर!
कविता उत्तम जमली आहे! वेगळा प्रयत्न करताय याबद्दल अभिनंदन!
संध्य
:)
In reply to ओ मालक... by चांदणे संदीप
माझ्या नावाचा नवा अवतार = संध्य = Sandy
नेहमीप्रमाणेच कविता आवडली. पण
In reply to आता असे वेगळे लिहिले तर कोणिच by पालीचा खंडोबा १
नेहमीप्रमाणेच कविता आवडली. पण तुम्ही असा प्रतिसादांचा जोगवा मागू नका हो, तुमचं लेखन त्याहून खूप वरच्या प्रतीच आहे.
+१
In reply to नेहमीप्रमाणेच कविता आवडली. पण by प्राची अश्विनी
+१
असंच म्हणतो.
In reply to नेहमीप्रमाणेच कविता आवडली. पण by प्राची अश्विनी
कविता वाचनीय असतात. प्रतिसादाची चिंता करू नका.
-दिलीप बिरुटे
कविता आवडली
सकारात्मक आहे खूप.
छान लिहिलंय.
छान लिहिलंय.
कविता आवडली.
कविता आवडली.
प्रा.डॉ.दिलीप बिरुटे -
प्रतिसादाची चिंता नाही हो. तो तर तुम्ही देताच परंतु माझ्या नेहमीच्या शैलीशी फारकत घेवून काही लिहिले तर ते माझ्या मित्र परिवाराने वाचावे हि माफक अपेक्षा
कविता आवडलीच.
कविता आवडलीच.
छान कविता
रंगीत शब्दांचे खडे बोचले नाहीत त्यामुळे आवडली.
छान कविता
छान कविता