Skip to main content

घरट्याची ओढ

लेखक चांदणे संदीप यांनी सोमवार, 14/12/2015 13:10 या दिवशी प्रकाशित केले.

वेळूच्या बनात
एक पाखरू एकटे
शीळ देई वारियाला
        सांगे जा तू घरट्याला

वारा उनाड बावरा
घुमे वेळूच्या भवती
म्हणे वेळूचे गे गाणे
        गळा भर, पाखराला

पारा उन्हाचा महान
लखलख मृगजळ करी
कंठी पाखराच्या परि
        पाऊस घरचा ओला

जीव बनी अडकला
जीव एक घरट्यात
देई हळवा संधिकाल
        बळ नाजूक पंखाला

- संदीप चांदणे

काव्यरस
कविता माझी
करुण
लेखनविषय:
वाचने 4969
प्रतिक्रिया 21

प्रतिक्रिया

चांदणे संदीप सोमवार, 14/12/2015 14:25

___/\___
प्रतिसादासाठी धन्यवाद!

प्रचेतस आणि गुर्जींचे प्रतिसाद नेहमीच सुखावून जातात तर ३ए सरांचा प्रतिसाद म्हणजे एका कवीची अनमोल दाद!

धन्यवाद,
Sandy

एक एकटा एकटाच गुरुवार, 17/12/2015 10:29

धन्यवाद संदीप

पण चांगल्या कलाकृतीला दाद ही मिळाल्याशिवाय कधीच रहात नाही.

असेच लिहित रहा....

अभ्या.. गुरुवार, 17/12/2015 11:08

देई हळवा संधिकाल
बळ नाजूक पंखाला
ह्याएवजी
लागे हळव्या संध्याकाळी
पिसे नाजूक पंखांना
चालले असते असे वाटते का?

चांदणे संदीप गुरुवार, 17/12/2015 11:34

लागे हळव्या संध्याकाळी
पिसे नाजूक पंखांना

शब्दरचना उत्तम आहे... पण अपेक्षित अर्थापासून दूर चालल्यासारखी वाटते! :)

अभ्या.. शुक्रवार, 18/12/2015 11:34

अर्थात सॅन्डी.
मला जर कविता करायला येत असती तर.... :(
.
असो. नाही येत तेच बरेय ;)

अभ्या.. गुरुवार, 17/12/2015 11:06

अरे सॅण्डीबाबा त्या बुलेट ट्रेन अन नास्तिक आस्तिकाच्या घोळात हे राह्यलेच की वाचायचे.
सॉल्लीड जमलीय.
पंखांना असलेली ओढ भिडली रे एकदम.