Skip to main content

पुरुषांसाठी वेगळा कोनाडा असावा का ?

लेखक प्रा.डॉ.दिलीप बिरुटे यांनी गुरुवार, 03/12/2015 15:28 या दिवशी प्रकाशित केले.
नमस्कार मंडळी, काल पासून आणि काही दिवसांपासून सतत एक चर्चा चाललेली आहे की पुरुषांनाही चर्चेसाठी मिपावर एक गोपनिय दालन असावं का ? माझं मत सांगुन टाकतो की मी अशा कोणत्याही कोनाड्याच्या विरोधात आहे. आणि माझा मित्र वल्ली उर्फ प्रचेतसच्या मते मिपाचं मुख्य बोर्ड म्हणजेच वेगळं दालन आहे. फक्त आपण इथे स्त्रीयांना प्रवेश दिलाय इतकेच. तर असा एखादा कोनाडा असावा काय ? आणि समजा असा एखादा कोनाडा तयार झाला तर तिथे स्त्रियांना प्रवेश असावा काय ? पुरुषांच्या अशा दालनात काय काय चर्चा होतील आणि अशा दालनाचा पुरुष सदस्यांना काही फायदा होऊ शकेल काय ? प्रश्न असे असतील की दुसरे काही - १) पुरुषांचे काही प्रश्न जे मुख्य बोर्डावर लिहायला संकोच वाटतो, आरोग्यविषयक ? २) पुरुष लिंगभेद, उत्तेजित करणारे आणि अश्लिल चर्चा करतील ? ३) पोषाख, देखणेपण आकर्षक व्यक्तिमत्व यावर चर्चा करतील ? ४) एकीकडे प्रेयसी आणि एकीकडे बायको दोघांशी समन्वय कसं राखु असे प्रश्न असतील ? ५) सासरे आणि सासु छळ करतात काही टीप्स प्लीज, असे म्हणतील ६) पत्नी दम देते, दमात घेत असते, काय करु ? ७) पत्नी पॉकेट मनी देत नाही, काय करु ? ८) पत्नीच्या माहेरचे लोक सारखे सारखे मुक्कामी असतात काय करावे ? ९) अन्य..... मंडळी, धागा मौजमजा आणि तसा थोडा गंभीरही आहे. एकच विनंती की मिपावरच्या 'क ख आणि ग' च्या दालनाची चर्चा इथे करु नका. नसता धागा जाईल आणि मालक माझ्या नावावर मायनस गुण टाकायला सुरुवात करतील. टीप : चर्चामंथनातून आणि विचारांच्या देवाणघेवाणीतून एकमेकाना मौलिक माहिती मिळावी व वैचारिक धन मिळावे अशी अपेक्षा आहे. कोणत्याही दालनावर चर्चा न करता.
वाचने 45498
प्रतिक्रिया 224

प्रतिक्रिया

कपिलमुनी गुरुवार, 03/12/2015 16:45
आज मिपातक ला मुलाखत देताना अभ्या..ने कुणालाच (संपादक व्यवस्था सोडून) कसलाच विशेषाधिकार नसावा. असे खळबळजनक विधान केले आहे. मिपावरील सध्या असलेल्या काही विशेष व्यवस्थेस त्याचा विरोध आहे हे स्पष्ट झालेय. कॅमेरामन टकासह नारदमुनी ! मिपातक

अभ्या.. गुरुवार, 03/12/2015 16:48
गप्पे कप्या. हे लै आधी बोललेलो हाय. नवीन अन खळबळजनक काही नाही त्यात. . . निघाला बोंडूक घेऊन थाटात. कॅमेरा पाडल ते टक्या. लक्ष ठेव.

बॅटमॅन गुरुवार, 03/12/2015 16:46
ज्याना ग्रुप हवाय अन कंपूबाजी करायचीय त्यांनी स्वतःच्या हिमतीवर नवीन साईट काढावी अन चालवावी.
वेगळा ग्रूप हवा असणे = कंपूबाजी करायची असणे हे समीकरण खरे आहे का ओ मालक?

प्रा.डॉ.दिलीप बिरुटे गुरुवार, 03/12/2015 16:52
अभ्याचं मत जरा कधी गड्बडीत येत असतं. त्यातला आशय समजून घ्यायचा. माझं मत समीकरण खोटं. :) -दिलीप बिरुटे

अभ्या.. गुरुवार, 03/12/2015 17:05
तुम्हीच गडबडीत थांबवून इचारणार. मग काय करावे बरे. असो. प्राडॉ. कधी चुकीचे बोललेत काय? जातो ओ. भेटू निवांत कधीतरी.

गवि गुरुवार, 03/12/2015 16:57
ज्याना ग्रुप हवाय अन कंपूबाजी करायचीय त्यांनी स्वतःच्या हिमतीवर नवीन साईट काढावी अन चालवावी.
जावा की मफतलाल पार्कात राहायला.. खुशाल **स्तानात जावा.. ?!?! ;-)

कपिलमुनी गुरुवार, 03/12/2015 16:28
मिपावर दालन मिळो न मिळो , हे मालक ठरवणार पण या निमित्ताने पुरुषांना भावना असतात किंवा त्यांच्याही शंका किंवा प्रश्न असू शकतात हे पटलावर आले . आणि तिथे मोकळेपणाने चेष्टा मस्करी जरी केली तरी कोणाचातरी मानभावी विनयभंग होउन आयडी उडणार नाही.

एस गुरुवार, 03/12/2015 16:29
स्त्रीपुरुष वगैरे वाद सोडून दिल्यास, असे एखादे दालन करता येईल ज्यातले धागे हे फक्त लॉगइन केल्यावरच दिसू शकतील. (खफपेक्षा काहीतरी वेगळे).

गवि गुरुवार, 03/12/2015 16:40
कोनाडा काय म्हणता हो सर? परमिट रुम म्हणा की..!! किंवा खलबतखोली. असावा की नसावा हा मुद्दा सोडा... असावाच. आता नाव काय असावं या नवसाच्या दालनाचं यावर चर्चा सुरु होऊदे. बाकी सीग्राम इम्पिरियल ब्लूची स्पॉन्सरशिप मिळवता येईल का या विभागाला? आणखी काही विषयः १. सिगरेट सोडतानाचे हाल २. रुपा बरी की व्हायपी. व्ही कट की हापचड्डी शेप. ३. व्हिस्कीवादी विरुद्ध रमवादी ४. बर्फवादी विरुद्ध सोडावादी उपरोक्त विषय स्टिरिओटाईप आहेत हे मान्यच आहे. स्त्रियांच्या दालनात सासूसुना, टीव्हीसीरियल्स, मा.पा., विणकाम भरतकाम, स्वैपाक अशाच चर्चा होत असणार अशी समजूत जशी स्टिरिओटाईप दाखवते तसंच इथेही. ;-)

गवि गुरुवार, 03/12/2015 17:02
अनुमोदन. बनियन कंपूही चालेल (जवानमर्द फास्टर फेणे)

नाखु गुरुवार, 03/12/2015 17:07
"चाव"डी चा पार... चार घटका करमणूक, कुणी मागतलाच तर आणि तरच सल्ला, बाकी पीक पाणी आणि इतर गप्पा गावकरी नाखुस

प्रा.डॉ.दिलीप बिरुटे गुरुवार, 03/12/2015 16:48
>>>>> कोनाडा काय म्हणता हो सर? परमिट रुम म्हणा की..!! चुकलंच गवि. कोनाडा या शब्दात जरा मागासलेपण दिसतंय. परमिट रुमसारखं ते दालन असावं याच्याशी सहमत. सालं दोन दोन पेग आणि दोन दोन सिगारेटचे झुरके घेत (मी यातलं काहीही घेत नाही, सांगुन ठेवतो) सालं आयुष्याविषयी मस्त बोलायचं. प्रामाणिक, व्यवस्थेतील (समाज आणि देश) पटत नाही. मस्त शिव्या द्यायच्या. मस्त रडायचं. कोणी परंपरावादी नाही कोणी पुरोगामी नाही. पटत नै चल छोड दिया. १. सिगरेट सोडतानाचे हाल २. रुपा बरी की व्हायपी. व्ही कट की हापचड्डी शेप. ३. व्हिस्कीवादी विरुद्ध रमवादी ४. बर्फवादी विरुद्ध सोडावादी हे सर्व विषय मुख्य बोर्डावर येऊ शकतात. घेऊ कधी तरी. वाचनखुण साठवतो प्रतिसादाची. -दिलीप बिरुटे

मारवा गुरुवार, 03/12/2015 20:23
वेगळा कोनाडा मिळाला तर माझे कीतीतरी धागा विषय ज्यांचा मी मनातल्या मनात गळा घोटला ते जिवंत होऊन मोकळा श्वास घेतील. हे विषय मी घेऊच शकत नाही कारण कीतीही संयत भाषेत लिहीले तरी ते शेवटी अश्लील अश्लील बोंब होणारच काय हे कसल हे उदा. हे विषय होते १- स्त्री देहांतील सौंदर्यस्थळे २- सालो चित्रपटावर एक लेख लिहायचा होता. ३- सॅन्डविच व गेयशा आणि इतर मसाजाचे विवीध प्रकार ४- अत्याधुनिक ब्युटी पार्लर मध्ये ब्रायडल मेकअप मध्ये केले जात असलेले विधी. ५- सीक्रेट सेक्स सोसायटीज ६- कोलटकरांच्या काही कवितेवरील चर्चा ७- मेल इगो आणि लैंगिकता इ.इ.इ. आता हे मेन बोर्डावर कसे मांडणार म्हणुन विचारच सोडुन दिला.

प्रा.डॉ.दिलीप बिरुटे गुरुवार, 03/12/2015 20:29
आत्ता मला आपलीच आठवण झाली. आपण मागे एका कवितेवर बोललो होतो. खरं तर 'तसं कुठे करतात' मला त्यावर चर्चा करायची होती पण कसं बोलू असं मलाही वाटलं आणि आपण दोघांनीही तो विषय सोडुन दिला. बाकी, कोलटकर माझे फेव्हरेट. नक्की लिहा त्यांच्या कवितेबद्दल. -दिलीप बिरुटे

विश्वव्यापी गुरुवार, 03/12/2015 17:09
मिपावर लोकशाही आहे . सर्व सदस्यांना एकाच मापदंड ..... वगैरे असा समज होता माझा . आता हा रिझरवेशन चा मुद्दा कोठून वर आला बरे ?
१) पुरुषांचे काही प्रश्न जे मुख्य बोर्डावर लिहायला संकोच वाटतो, आरोग्यविषयक ? २) पुरुष लिंगभेद, उत्तेजित करणारे आणि अश्लिल चर्चा करतील ? ३) पोषाख, देखणेपण आकर्षक व्यक्तिमत्व यावर चर्चा करतील ? ४) एकीकडे प्रेयसी आणि एकीकडे बायको दोघांशी समन्वय कसं राखु असे प्रश्न असतील ? ५) सासरे आणि सासु छळ करतात काही टीप्स प्लीज, असे म्हणतील ६) पत्नी दम देते, दमात घेत असते, काय करु ? ७) पत्नी पॉकेट मनी देत नाही, काय करु ? ८) पत्नीच्या माहेरचे लोक सारखे सारखे मुक्कामी असतात काय करावे ? ९) अन्य...
या विषयां साठी इतर फोरम्स उपलब्ध आहेतच की .चाललंय ते छानच आहे मग कम्प्लीकेट का करावे ?
keep It simple
असे आपल माझं वैयक्तिक मत हो . बाकी चालुद्या तुमचे पुढे . चूभूद्याघ्या

प्रा.डॉ.दिलीप बिरुटे गुरुवार, 03/12/2015 17:15
एका कवितेच्या काही ओळी वाचा तोपर्यंत. कवी अरुण कोलटकर. एवढी मोठी मिशी तुझ्या बायकोला चालते तरी कशी एक माझा पेशंट होता प्रोस्टेटची केस काय त्याचं नाव हां हृषिकेश हृषिकेश Such big whiskers O he was a Laugh पण एका रात्री मी ह्ळूच घेतली कात्री अन कापून टाकल्या साफ अर्थात त्याची बायको झाली खूष पण तो एवढा भडकला की O my gosh दोन महिन्यानी दिसला तेव्हा मला बघून आठ्या आणि व्हिस्कर्स बघाव्या तर पहिल्यापेक्षा मोठ्या. -दिलीप बिरुटे

गवि गुरुवार, 03/12/2015 17:24
अ‍ॅज अ मॅटर ऑफ फॅक्ट, सुलभ रेसिपीजची देवाणघेवाण हीदेखील काळानुसार आज पुरुषांच्या दालनातली गरज बनली आहे. सध्याच्या बॅचलरांना पटणार नाही अर्थात. ते भ्रामक सुखस्वप्नात असतील भविष्याच्या.

प्रचेतस गुरुवार, 03/12/2015 17:26
हो ना. मला तर साधा चहादेखील बनवता येत नै. घरी कुणी नसलं तर चिमूटभर साखर आणि चहापत्ती एकत्र करून कोरडीच खातो.

अत्रुप्त आत्मा गुरुवार, 03/12/2015 18:46
@घरी कुणी नसलं तर चिमूटभर साखर आणि चहापत्ती एकत्र करून कोरडीच खातो.>> http://www.sherv.net/cm/emo/laughing/xd-laugh.gif ल्लुल्लुल्लुल्लु :-/ खोट्टं! आणि नंतर गरम पाणी व वरती दुध पिऊन ढेरीवर गदागदा लोळतो! http://www.sherv.net/cm/emo/laughing/rolling-on-the-floor-laughing-smiley-emoticon.gif अता झालं पूर्ण. http://www.sherv.net/cm/emo/laughing/giggle.gif

जेपी गुरुवार, 03/12/2015 17:28
पन्नास झाल्याबद्दल सर्वांचा सत्कार "जो जे वांछील ,तो ते लाहो" अशी प्रार्थना भावी संपादकपदी करुन करण्यात येत आहे.

उगा काहितरीच गुरुवार, 03/12/2015 17:51

माझा पूर्ण पाठिंबा अशा गुप्त पुरूष विभागाला.

भरपूर कारणे आहेत . पण इथं चर्चा करणे योग्य नाही. खुपच उत्सुकता असेल तर व्यनि करा . ;-) जेपीभौ , आंदोलनाची सुपारी घेणार का ?

पगला गजोधर गुरुवार, 03/12/2015 18:25
अरे अयं, 'गुप्त' नसणार आहे तो, 'पुरुषेतर प्रतीबंधित' विभाग असणार आहे. फक्त उद्घाटनाला अपवाद म्हणून सनी लिओन आणायची. विभागाचे नाव आपण 'वाडा' ठेवूया. म्हणजे तिला आमंत्रण देताना आपण म्हणू, 'बाई वाड्यावर चला'

उगा काहितरीच गुरुवार, 03/12/2015 18:45
'गुप्त' नसणार आहे तो, 'पुरुषेतर प्रतीबंधित' विभाग असणार आहे.
चालेल भौ! रच्याकने उगाच अभिनव भारत वगैरे संघटनांचे गुप्त खलबते आठवली.

पगला गजोधर गुरुवार, 03/12/2015 20:01
विरोधी लोकांनी 'गे क्लब' म्हणून खुसपट काढायला संधी नको, म्हणून सनी लीओनीची नियमित विसिट पण ठेवूया.....

प्रसाद गोडबोले गुरुवार, 03/12/2015 18:34

भले रिकामा का राहिना पण असा एक पुरुषांसाठीचा स्वतंत्र कोनाडा असावाच

, ह्या मागे उद्देश इतकाच की संपुर्ण मिसळपावचेच माजघर करायचा जो प्रयत्न चालु आहे तो कोठे तरी थांबला पाहिजे ! मिसळ्पाव बहुरंगी बहुढंगी बहुआयामी असावी , माजघर असावे ना काही हरकत नाही आमची पण अंडर द ओपन स्काय टेरेस गार्डनही विथ अ पर्सनल बारही असु दे . सगळीकडेच सतत सोवळे घालुन वावरावे ही अपेक्षा फारच कैच्याकै आहे. ज्यांना चेष्टा मस्करी झेपत नाही नाही त्यांनी माजघरात बसुन राहावे , आम्ही फिरकणार सुध्दा नाही तिकडे . पण सर्वत्रच सात्विक सोवळे वातावरण असावे अशी अपेक्षा म्हणजे फारच झाले बुवा ! अवांतर : काही दिवसांपुर्वी "Advice to a Friend on Choosing a Mistress" - a letter by Benjamin Franklin , June 25, 1745 वाचनात आले . आता बोला ह्या विषयावर "माजघरात" कसे बोलणार ? त्या साठी मस्त टेरेस गार्डनच हवे मग मस्त बीन ब्यॅग टाकुन खदाखदा लोळत अन बीयर चे सीप मारत गफ्फा मारता येतील !!

राजेश घासकडवी गुरुवार, 03/12/2015 19:40
मिपाचं मुख्य बोर्ड म्हणजेच वेगळं दालन आहे. फक्त आपण इथे स्त्रीयांना प्रवेश दिलाय इतकेच.
आपण??? प्रवेश दिलाय??? च्यायला मिपाचं मुख्य बोर्ड म्हणजे काय शनिशिंगणापूरचा चौथरा आहे की काय, परवानगी द्यायला किंवा न द्यायला? तरी बरं स्कॅनर लावलेला नाहीये. या वाक्याचा निषेध. बाकी पुरुषविभागाला माझा पूर्णपणे पाठिंबा आहे. तसा तो व्हावा म्हणून मी एक दाढी करण्याबद्दलचा लेखही लिहिलेला होता. पुरुषांच्या सुकोमल हृद्गतांना तोंड फुटण्यासाठी एक वेगळा कोपरा व्हायलाच हवा.

प्रा.डॉ.दिलीप बिरुटे गुरुवार, 03/12/2015 20:51
मिपावर स्त्री-पुरुष यांना प्रवेश सहज मिळतो. मिपाचा मुख्य बोर्डावर सर्वच विषय असतात तेव्हा गमतीने आपण हे चुकुन टंकल्या गेलं आहे. >>>> पुरुषांच्या सुकोमल हृद्गतांना तोंड फुटण्यासाठी एक वेगळा कोपरा व्हायलाच हवा. भावना पोहचल्या आभार. -दिलीप बिरुटे

कंजूस गुरुवार, 03/12/2015 22:43
आणि कोनाड्यात एक सुंद्री हवीच.ती भुलेश्वरची आरसावाली नाय हो,ती दुसरी उजेड पाडणारी. ( पुर्वी एक खास दिवा होता कोनाड्यात ठेवण्याचा.त्याला सुंद्री म्हणत.जाणकारानी व्यत्पत्ती द्यावी. )

कंजूस गुरुवार, 03/12/2015 22:44
आणि कोनाड्यात एक सुंद्री हवीच.ती भुलेश्वरची आरसावाली नाय हो,ती दुसरी उजेड पाडणारी. ( पुर्वी एक खास दिवा होता कोनाड्यात ठेवण्याचा.त्याला सुंद्री म्हणत.जाणकारानी व्यत्पत्ती द्यावी. )

बोका-ए-आझम गुरुवार, 03/12/2015 20:03
पण हे वेगळं दालन होणार आहे का? म्हणजे इथे लोकांनी ' जास्तीची मेजारटी' म्हून बोंब ठोकायची आणि तिथून मालकांनी ठगा दाखवायचा असं तर नाहीये ना? का आपण सगळे hypothetical चर्चा करताय?

प्रा.डॉ.दिलीप बिरुटे गुरुवार, 03/12/2015 20:47
दालन होणार आहे का ? अजिबात दालन होणार नाही आणि मालकांचा या चर्चेत काहीच रोल नाही. प्रा.डॉ.लाच वेगळ्या कोनाड्याच्या मिपाकर म्हणुन विषयाची खाज आली. असं झालं तर काय काय विषय तिथे आपण चर्चेला घेऊ शकतो असे वाटल्याने ही चर्चा. (किंवा मुख्य बोर्डावर हे विषय घेता येतील का अशा अर्थाने) -दिलीप बिरुटे

जेपी गुरुवार, 03/12/2015 20:19
बात निकली हय तर दुर तक जायेगी... वर्षभरा पुर्वी डबल बॅरल वाल्यांनी आमच्या या प्रयत्नाला नख लावला होता.. हेल मी पयला संघटना..

परिकथेतील राजकुमार गुरुवार, 03/12/2015 20:22
a b c d कसले डब्बल बॅरल 'गे' शिर्षक आहे हे प्रा. डॉ. बाकी, आमचे मत म्हणाल तर स्त्रीयांच्या कोनाड्याला आम्ही केलेला विरोध आणि त्यावर घडलेले महाभारत तुम्ही जाणताच. कशाला हवी गोपनीयता? काय साध्य होणारे त्यातून? बाकी, जबाबदारीतून मोकळे झाल्यामुळे तुम्ही परत आम्हा कंटकाच्या कंपूत परत आलात ह्याचा 'आणंद' झाला गेल्या आहे.

प्रा.डॉ.दिलीप बिरुटे गुरुवार, 03/12/2015 20:42
सालं मी सरळ लिहिलं तरी तुम्हाला ते पालथंच दिसतं. ;) 'क ख आणि ग' च्या दालनाची चर्चा इथे करु नका असं सांगितलं आहे. आपले पुरुषांचे काही प्रॉब्लेम्स सॉरी काही अडचणी आहेत का आणि तसं झालं तर पुरुषांचा फायदा होईल का अशा शुद्ध हेतुने ही चर्चा. सरळ लिहा. कोयी पडदा नही चाहिये. जे लिहु ते मुख्य बोर्डावर दॅट्स ऑल. -दिलीप बिरुटे

परिकथेतील राजकुमार गुरुवार, 03/12/2015 20:50
सालं मी सरळ लिहिलं तरी तुम्हाला ते पालथंच दिसतं. ;)
आम्ही पालथे धंदे करण्यातच एक्सपर्ट आहोत हे तुम्ही जाणताच.
'क ख आणि ग' च्या दालनाची चर्चा इथे करु नका असं सांगितलं आहे. आपले पुरुषांचे काही प्रॉब्लेम्स सॉरी काही अडचणी आहेत का आणि तसं झालं तर पुरुषांचा फायदा होईल का अशा शुद्ध हेतुने ही चर्चा.
पुरुषांना अडचण येत नाही (ह्या विधानाचा वैज्ञानीक अर्थ काढू नये). मात्र पुरुषांमुळे स्त्रीयांना घरापासून रस्त्यापर्यंत अनेक अडचणींचा सामना करावा लागतो अशी त्यांची तक्रार असते. पुरुषप्रधान संस्कृतीमध्ये पुन्हा अजून वेगळा कोनाडा कशाला असा आमचा आक्षेप आहे. ;)
सरळ लिहा. कोयी पडदा नही चाहिये. जे लिहु ते मुख्य बोर्डावर दॅट्स ऑल.
वोच बोलता हय! लिहा ते खुलेआम. कोनाड्यात व्हिंदमाता पण नको आन पुरुष पण.

चतुरंग गुरुवार, 03/12/2015 21:39
एक कोनाडा नाही का? आताही जे वाटेल ते लिहिले जातेच की. ;) हां, पुरुषांनाही खास त्यांच्याच अशा अडचणी नक्कीच असू शकतात आणि त्याबद्दल फक्त इतर पुरुषांशीच व्यक्त व्हावे असे वाटू शकते त्यामुळे प्रायोगिक तत्त्वावरती वेगळा पुरुष विभाग करुन बघायचा असला तर काहीच हरकत नाही. पण मग आयडीमागची व्यक्ती पुरुष आहे हे खातरजमा करुनच प्रवेश द्यायला हवा अन्यथा त्या विभागाला काहीच अर्थ नाही. असा विभाग काढल्यावर त्यात येणारे लिखाण्/प्रतिसाद यांचे मॉडरेशन करायचे का? आणि असल्यास कोण बघणार? तिथल्या सदस्यांमधले दंगे कोण सोडवणार? याचा विचार करुन ठेवायला हवा. केवळ चावट गप्पा, फाजील जोक्स, निव्वळ वैषयिक लिखाण, वैयक्तिक हल्ले अशांकडेच हे जायला लागले तर काय करायचे ह्याचाही विचार करुन ठेवायला हवा. नाहीतर 'पिवळा कोनाडा' व्हायचा! ;) मजा मारायला सगळे पुढे आणि जबाबदारीच्या वेळी हळूच काढता पाय घेणारे बहुतांश हे मुख्य बोर्डावरती संपादक असताना अनेकदा अनुभवले आहे आणि त्यावेळी जे जबाबदारी घेतात त्यांचे हाल कुत्रा खात नाही आणि नावाला सगळेच संपादक असतात ..त्यामुळे सूचना..... बाकी कोनाड्याला शुभेच्छा! :) (खुद के साथ बातां - रंगा, नाव काय ठेवावं रे या कोनाड्याचं? 'अंदरकी बात!' चालेल का? ;) ) (कोनाडाप्रेमी)रंगनाड

परिकथेतील राजकुमार गुरुवार, 03/12/2015 21:59
हां, पुरुषांनाही खास त्यांच्याच अशा अडचणी नक्कीच असू शकतात आणि त्याबद्दल फक्त इतर पुरुषांशीच व्यक्त व्हावे असे वाटू शकते
दोन वर्षापूर्वी आमच्या विजुभौंनी वाईट स्वप्नांवरती काही 'व्यक्त होणारे' लिखाण केले होते. मी तिथे 'विजुभौंना स्वप्नदोषाचा प्रॉब्लेम कधी झाला?' असे काळजीने विचारले तर कोणितरी प्रतिसादच उडवला. असा कोनाडा निघाल्यास अशा प्रतिसादांना गंभिरतेने घेऊन त्यावर नीट चर्चा व्हायला हवी.

चतुरंग गुरुवार, 03/12/2015 22:30
असा उडवतात का प्रतिसाद एकदम? चर्चा तरी बघायची नीट...स्वप्नदोष हा दोष असे 'स्वप्ना'चा... (स्वप्नाळू)रंगा

विजुभाऊ शुक्रवार, 04/12/2015 10:08
मिपा वर आजवर कट्टे व्हायचे. पण मला वाटते बहुतेक या नंतर "कोनाडे" होणार. मिपा इतके कानकोंडे कधीपासून झाले? हरीकथेतील राजकुमार हरी हरी म्हणतात तेंव्हा त्याना हरी हवा असतो अशी कोणीतरी शंका घेतली होती म्हणे. असो. काल पाहिले मी स्वप्न नवे दोशासोबत भाजी होती साम्बारासवे.....

निनाद मुक्काम … गुरुवार, 03/12/2015 21:56
काही शंका मनात आल्या केवळ पुरुषांचा कोनाडा किंवा परमिट रूम असेल तर अश्लीलता ;लैंगिकता चावटपणाव चाहतळपण वाह्यातपणाचे नियम थोडे सैल असतील का: पुरुषांच्या काय आप्पा ग्रुप मध्ये ह्याचा अनुभव नेहमी येतो त्याचे वावगे वाटत नाही आपण सुजाण सुसंस्कृत माणसे आहोत क्षणिक भंकस टवालकी करण्यास काहीच हरकत नाही: अजून प्रतिसादांच्या मध्ये एकही स्त्री सदस्येचा प्रतिसाद का नाही आला; निवडणुकीत मतदार त्यांचा कल राज्यकर्त्यांना संदेश मतपेटीतून व्यक्त करतो तसे येथे प्रतिसाद न देऊन ::: असो परमिट रूम का सिगर क्लब जे म्हणाल ते ते झाले तर त्याचा मिपाला फायदा होणार आहे का त्या निमित्ताने काही चांगले भविष्यातील मिपाकर व मूकवाचक मिळणार आहेत का असे प्रश्नही मनात आले वेगळा कोनाडा झाला तर त्यात आपला सक्रीय सकारात्मक सहभाग असेल नाही झाला तर तो झाला पाहिजे असा काही विशेष आग्रह नाही आणि त्यासाठी पडद्यामागून खलबते चर्चा मोहीम चालवणे आपल्या प्रकृतीला झेपत नाही: आपले पंचतारांकित नगरीत स्वागत आहे:

मित्रहो गुरुवार, 03/12/2015 22:42
त्यात इतरांना बंदी असे नको फक्त वॉर्णिंग की हे पुरुषांना त्यांच्या समस्या मांडायचे दालन आहे आणि फक्त सभासदांनाच प्रवेश हवा.

डॉ सुहास म्हात्रे गुरुवार, 03/12/2015 23:17
प्राडॉ, आता इथे विरोध करणार्‍यांच्या नावांची नोंद करून ठेवा. खरोखरच कोनाडा बनला तर सभासदत्वाचा निर्णय करताना उपयोगी पडेल ;) :)

ब्रिटिश टिंग्या शुक्रवार, 04/12/2015 00:37
हा धागा मौजमजा सदरात मोडत नसल्यास वेगळ्या विभागास अनुमोदन! - टिंग्या

अविनाशकुलकर्णी शुक्रवार, 04/12/2015 01:05
चालेल... आमच्या परीने यथायोग्य योगदान दीले जाईल....खुप किस्से आठवणी गप्पा आहेत

विजुभाऊ शुक्रवार, 04/12/2015 10:20
हा धागा मौजमजा सदरात मोडत नसल्यास... वेगळ्या विभागाची गरज काय? नुसत्या द्व्यर्थी चकाट्या होणार असतील तर काहीच उपयोग होणार नाही. समुपदेशन,सल्ले वगैरे साठी वेगळे दालन असायला हरकत नाही पण तेथे केवळ पुरूषांसाठी वेगळे दालन हे मात्र चुकीचे वाटतय. स्त्रीयांचे काही प्रश्न हे पुरुषांनाही तितकेच त्रासदायक ठरत असतात. उदा: मेनॉपॉज मधे स्त्रीयांचे अचानक बदलते मूड्स, चिचिडेपणा हा संपूर्ण घराचे वातावरण बिघडवत असतो. वास्तावीक त्या चाळीशी उलटलेल्या नवरोबाला सुद्धा इतके दिवस समजूतदार असणारी बायको अचानक असा बोलभांडपणा का करायला लागली हे कळत नसते. त्याला त्याच्या शारीरीक व्यावसायीक समस्या असतात. किमान त्या कोणी सम्मजून घ्याव्या ही त्याची गरज असते. असा परिस्थीत पुरुषांसाठी वेगळे दालन काढून काय होणार? सगळे एकतर्फी बोलणेच होणार. पुरुषांच्या समस्या काय असतात या बाबतीत स्त्रीवर्ग अनभीज्ञच रहाणार. त्याचा त्याना काय त्रास होतो याबाबत पुरुषवर्ग अनभीज्ञ रहाणार.

अत्रुप्त आत्मा शुक्रवार, 04/12/2015 10:26
पुरुषांच्या समस्या काय असतात या बाबतीत स्त्रीवर्ग अनभीज्ञच रहाणार. त्याचा त्याना काय त्रास होतो याबाबत पुरुषवर्ग अनभीज्ञ रहाणार.
अगदी सहमत! पण मग अश्या (सगळ्याच)चर्चा खुल्या वातावरणात घडू शकतात का? आपल्या इथे ते शक्य आहे का? जरी झाल्या तरी त्यात सर्व जण मोकळे पणानि सहभागी होऊ शकतात का? याबाबतचा इतिहास काय आहे?

सुबोध खरे शुक्रवार, 04/12/2015 10:34
विजुभाऊ, पुरुष आपल्या भावनिक आणि लैंगिक बाबी चार चौघात चर्चा करायला संकोचतात. या उलट एखाद्या स्त्रीचा असा प्रश्न नवर्यापेक्षा तिच्या मैत्रीणीना व्यवस्थित माहिती असतो.( त्यातून भावनिक निचरा सोडून फारसे काही निष्पन्न होत नाही हा भाग विरळा). किती पुरुष आपला लैंगिक किंवा भावनिक प्रश्नाबद्दल आपल्या जवळच्या मित्राबरोबर चर्चा करू शकतात? अगदी चखणा आणि दारू घेऊन बसणारे मित्र सुद्धा दोन पेग घेऊन "हलके" वाटल्यावरहि असे प्रश्न सहज चर्चा करायला संकोचतात. हा पुरुष स्वभाव आहे यासाठी वेगळे दालन असेल तर एका पुरुषाने प्रश्न विचारला तर दुसर्याला तसाच किंवा वेगळा प्रश्न विचारायला धीर येउ शकतो. एकदा धीर चेपला कि त्यावर जास्त मोकळेपणाने ते चर्चा करू शकतात. प्रत्येक वेळेस त्यातून मार्ग निघेलच असे नाही पण निदान आपल्यासारखे प्रश न केवळ आपल्यालाच आहेत असे नाही हा विचार सुद्धा मनाला धीर देऊन जातो. मी एक पैज लावतो-- लैंगिक/ भावनिक प्रश्नानची उत्तरे मासिकात येतात. उदा डॉ. महिन्दर वत्स किंवा राजन भोसले यांचे रकाने. मिपा वरील किमान ८० ते ९० % लोक चवीने किंवा कुतूहलाने वाचतात. खोटे असेल तर सांगा. यास्तव पुरुषांना सुद्धा मोकळे होण्यासाठी एक व्यासपीठ असावे असे वाटते.

अत्रुप्त आत्मा शुक्रवार, 04/12/2015 10:42
हा पुरुष स्वभाव आहे यासाठी वेगळे दालन असेल तर एका पुरुषाने प्रश्न विचारला तर दुसर्याला तसाच किंवा वेगळा प्रश्न विचारायला धीर येउ शकतो. एकदा धीर चेपला कि त्यावर जास्त मोकळेपणाने ते चर्चा करू शकतात. प्रत्येक वेळेस त्यातून मार्ग निघेलच असे नाही पण निदान आपल्यासारखे प्रश न केवळ आपल्यालाच आहेत असे नाही हा विचार सुद्धा मनाला धीर देऊन जातो.
+++++१११११ अगदी हेच !

आदिजोशी शुक्रवार, 04/12/2015 11:55
ह्या चर्चेवर मिपावरील समस्त स्त्रीयांनी ठरवून बहिष्कार घातलेला दिसतोय. असो. मुळात मिसळपाव हाच एक कट्टा असताना पुरुषांच्या वेगळ्या विभागाची गरज काय ह्या चर्चेतून पुढे, असं असेल तर मग वेगळ्या अनाहिता विभागाची गरज काय? असा प्रश्न उद्भवू शकण्याच्या शक्यतेमुळे कदाचित स्त्रीया इथून लांब राहिल्या असतील. असो. आम्हाला गरज वाटते. विभाग सुरु करायचा की नाही हा सर्वस्वी मालकांचा निर्णय आहे.