Skip to main content

मी तुझा

लेखक माहीराज यांनी बुधवार, 18/11/2015 21:14 या दिवशी प्रकाशित केले.

या नभातील तारका तू मी तुझा गं चांदवा
सावली माझी जणू तू मी तुझ्यातील गारवा ।।

रंग हे तारांगणीचे रंगले नयनी तुझ्या
छंद माझे गंध होऊन दंगले स्वप्नी तुझ्या
तू असे आकार माझा मी गुलाबी ही हवा
सावली माझी जणू तू मी तुझ्यातील गारवा ।।

अंतरीचे ते चिरंतर स्वप्न तु जे पाहीले
तेच माझ्या या मनाच्या अंतरीही रंगले
तुच सारी राञ माझी मी नशीला काजवा
सावली माझी जणू तू मी तुझ्यातील गारवा ।।   

काव्यरस
कविता माझी
लेखनविषय:
वाचने 3060
प्रतिक्रिया 12

प्रतिक्रिया

चांदणे संदीप गुरुवार, 19/11/2015 11:02

या नभातील तारका तू मी तुझा गं चांदवा
सावली माझी जणू तू मी तुझ्यातील गारवा ।।

तू असे आकार माझा मी गुलाबी ही हवा
सावली माझी जणू तू मी तुझ्यातील गारवा ।।

तुच सारी राञ माझी मी नशीला काजवा
सावली माझी जणू तू मी तुझ्यातील गारवा ।।

जबरदस्त! खूपच आवडल्या ह्या ओळी!

कुठे होतात मालक इतके दिवस? ___/\___

Sandy

पैसा रविवार, 22/11/2015 16:20

छान!

मात्र हल्ली खूपजण "त्र" हा "ञ" असा का लिहितात काही कळत नाही.

पैसा सोमवार, 23/11/2015 16:35

मोबाईलवर जे स्वरचक्र कीबोर्ड वापरतात, त्यानी "त्र" टाईप केला तरी "ञ" असंच उमटतं. मी तो कीबोर्ड वापरला नाही त्यामुळे सांगू शकत नाही.