बिहार विधानसभा निवडणुक-२०१५: निकाल

मतमोजणी सुरू झाली आहे. पहिले कल अजून १०-१५ मिनिटांमध्ये हाती येतील अशी अपेक्षा आहे.

पहिला कल भागलपूरमधून आला आहे. भाजप आघाडीवर आहे. २०१० मध्येही भाजपने ही जागा जिंकली होती.

कल उपलब्ध: २ भाजप आघाडी: २ (+१) संजद आघाडी: ० (-१) इतर: ० पासवानांचे बंधू पशुपती कुमार पारस अलौलीमधून आघाडीवर. मागच्या वेळी ही जागा राजदकडे होती.

कल उपलब्ध: ५ भाजप आघाडी: ३ (+२) संजद आघाडी: २ (-२) इतर: ० कंसातील आकडे २०१० पासूनचा फरक तारापूर मतदारसंघातून जितनराम मांझींच्या पक्षाचे (हामचे) शकुनी चौधरी आघाडीवर. मागच्यावेळी ही जागा संजदने जिंकली होती. रफिगंजमधून आणि दिनारामधून संजद आघाडीवर. २०१० मध्ये या जागा संजदनेच जिंकल्या होत्या.

कल उपलब्ध: १० भाजप आघाडी: ६ (+२) संजद आघाडी: ४ (-२) इतर: ० कंसातील आकडे २०१० पासूनचा फरक नोखामधून, गया शहरमधून भाजप आघाडीवर. मखदुमपूरमधून हाम आघाडीवर. हरनौतमधून संजद आघाडीवर. इथून १९९५ मध्ये नितीशकुमार विजयी झाले होते.

कल उपलब्ध: १५ भाजप आघाडी: ९ (+१) संजद आघाडी: ६ (-१) इतर: ० कंसातील आकडे २०१० पासूनचा फरक जितनराम मांझी मखदुमपूरमधून आघाडीवर. लालूपुत्र तेजस्वी यादव राघोपूरमधून आघाडीवर. गोपालगंजमध्ये भाजप आघाडीवर. हे जरा अनपेक्षित आहे. गोपालगंजमध्ये मोठ्या प्रमाणावर अल्पसंख्यांक मतदार आहेत.

कल उपलब्ध: २१ भाजप आघाडी: १३ (+३) संजद आघाडी: ८ (-३) इतर: ० कंसातील आकडे २०१० पासूनचा फरक पटना साहिबमधून भाजपचे ज्येष्ठ नेते नंदकिशोर यादव आघाडीवर. दरभंगामधून भाजप आघाडीवर. बचाहामधून संजदचे ज्येष्ठ नेते रमाई राम आघाडीवर.

कल उपलब्ध: २५ भाजप आघाडी: १५ (+२) संजद आघाडी: १० (-२) इतर: ० कंसातील आकडे २०१० पासूनचा फरक पटना साहिबमधून भाजपचे ज्येष्ठ नेते नंदकिशोर यादव आघाडीवर. दरभंगामधून भाजप आघाडीवर. बचाहामधून संजदचे ज्येष्ठ नेते रमाई राम आघाडीवर. कहलगावमधून कॉंग्रेस नेते सदानंदसिंग आघाडीवर.

कल उपलब्ध: ४० भाजप आघाडी: २७ (+७) संजद आघाडी: १३ (-६) इतर: ० (-१) कंसातील आकडे २०१० पासूनचा फरक भाजपने असेच मोमेन्टम ठेवले तर चांगले होईल. बांकीपूरमधून भाजप आघाडीवर. या जागेवर कॉंग्रेसचा उमेदवार आहे आणि या जागेवर कॉंग्रेसचा उमेदवार असल्याबद्दलचे मी आश्चर्य मिपावरच व्यक्त केले होते.

कल उपलब्ध: ६७ भाजप आघाडी: ४३ (+१४) संजद आघाडी: २३ (-१४) इतर: १ (०) कंसातील आकडे २०१० पासूनचा फरक भाजपने आता चांगलीच आघाडी घेतलेली दिसत आहे. पहिल्या आणि पाचव्या फेजमधील जागा भाजपला सगळ्यात जड जातील असे म्हटले जात होते. पण सध्या पहिल्या फेजमधील १० पैकी ८ जागी भाजप आघाडीवर आहे. तर फेज ५ मध्ये १२ पैकी ६ जागांवर दोन्ही भाजप आणि संजद आघाडीवर आहे. चौथ्या फेजमध्ये भाजपला फायदा होईल असे म्हटले जात होते तसे होताना दिसत आहे. संजद आघाडीमध्ये राजदपेक्षा संजदला मोठा झटका बसताना दिसत आहे. लालूंबरोबर हातमिळवणी करायची शिक्षा मतदारांनी नितीशकुमारांनी दिइली असे सध्याचे चित्र आहे.

कल उपलब्ध: ८६ भाजप आघाडी: ५६ (+२२) संजद आघाडी: २८ (-२२) इतर: २ (०) कंसातील आकडे २०१० पासूनचा फरक भाजपने आता चांगलीच आघाडी घेतलेली दिसत आहे. हे कल कायम राहिले तर भाजप आघाडी ही निवडणुक जिंकेल असे म्हणायला हरकत नाही.

कल उपलब्ध: १०२ भाजप आघाडी: ६५ (+२४) संजद आघाडी: ३४ (-२५) इतर: ३ (१) कंसातील आकडे २०१० पासूनचा फरक हे कल कायम राहिले तर भाजप आघाडी १५० पर्यंत जागा मिळवू शकेल. नितीशकुमारांना लालूंबरोबर हातमिळवणी केल्याचा पश्चात्ताप होईल असे दिसते.

कल उपलब्ध: ११५ भाजप आघाडी: ७३ (+२६) संजद आघाडी: ३८ (-२८) इतर: ४ (२) कंसातील आकडे २०१० पासूनचा फरक इतर कोण आहेत हे अजून समजलेले नाही. त्यात ओवेसी आणि पप्पू यादवला आघाडी आहे का हे बघणे इंटरेस्टींग ठरेल.

कल उपलब्ध: १४३ भाजप आघाडी: ९० (+२९) संजद आघाडी: ५८ (-३१) इतर: ५ (२) कंसातील आकडे २०१० पासूनचा फरक

कल उपलब्ध: १६० भाजप आघाडी: ९४ (+२८) संजद आघाडी: ६४ (-२९) इतर: ४ (१) कंसातील आकडे २०१० पासूनचा फरक भाजप आघाडीचे मोमेन्टम थोडे कमी झाल्यासारखे वाटत आहे. बहुमत मिळायला अडचण नसावी. पण कदाचित १५० जागा मिळविणे कठिण जाईल तर गाडी १३५-१४० पर्यंत जाईल असे वाटते.

सगळा प्रकार गोंधळाचा वाटत आहे. एन.डी.टी.व्ही वर भाजप १०३, संजद ६८ दाखवत आहेत. आय.बी.एन वर संजद १०६, भाजप ९० दाखवत आहेत. असा फरक एक्झिट पोलमध्ये बघितला होता. प्रत्यक्ष मतमोजणीतही असा फरक आश्चर्यकारक आहे :)

आय.बी.एन वर तर महागठबंधनला १२१ जागांवर आघाडी--- म्हणजे जवळपास बहुमत दाखवत आहेत. असा गोंधळ मतमोजणीच्या वेळी कधीच बघितला नव्हता.

आताच एन.डी.टी.व्ही वर ऐकले लोकसभा टिव्ही भाजप आघाडीवर दाखवत आहेत तर राज्यसभा टिव्हीवर महागठबंधन आघाडीवर आहे असे दाखवत आहेत. कमाल आहे. एक्झिट पोल्सप्रमाणेच प्रत्यक्ष मतमोजणीवरही विश्वास उडाला असे म्हणायचे का? :)

कल उपलब्ध: २२७ भाजप आघाडी: १०५ (+१७) संजद आघाडी: ११५ (-१७) इतर: ७ (०) कंसातील आकडे २०१० पासूनचा फरक

कल उपलब्ध: २३१ भाजप आघाडी: १०१ (+१०) संजद आघाडी: १२४ (-११) इतर: ८ (१) कंसातील आकडे २०१० पासूनचा फरक नितीशकुमार आणि लालूंच्या पक्षाला किती जागा मिळाल्या आहेत हे बघायला हवे. नितीशकुमार मुख्यमंत्री होणार असे दिसते. मी १९८९ पासून प्रत्येक महत्वाची निवडणुक अगदी भक्तीभावाने फॉलो केली आहे. सुरवातीला आघाडीवर असलेला पक्ष इतका मागे जाणे असे आतापर्यंत झालेले नाही. हा प्रकार अगदीच धक्कादायक दिसतो. बहुदा एन.डी.टी.व्ही आणि इतरांनी आकड्यांची खात्री न करताच उत्साहात आकडे रिपोर्ट केलेले दिसतात.

आय.बी.एन वर संजदला १५५ तर भाजपला ७९ जागांवर आघाडी दाखवत आहेत.

या पराभवामुळे मोदींची पकड ढिली झाली आहे असे चित्र नक्कीच उभे राहिल. यानंतर मे २०१६ मध्ये तामिळनाडू, आसाम, केरळ आणि पश्चिम बंगालमध्ये निवडणुका आहेत. या निवडणुकांमध्ये आसामात भाजपला थोडीफार कामगिरी करता येईल.पण तरीही आसामात भाजपला बहुमत मिळेल असे वाटत नाही.इतर राज्यांमध्ये भाजपला विशेष स्थान नाही.त्यानंतर महत्वाच्या निवडणुका आहेत मार्च २०१७ मध्ये उत्तर प्रदेश, उत्तराखंड, पंजाब, गोवा आणि मणिपूरमध्ये. उत्तर प्रदेशात साक्षी महाराज, संगीत सोम, योगी आदित्यनाथ यांच्यासारख्यांनी बेताल बडबड करून पक्षापुढे अडचणी निर्माण करून केल्या आहेत. उत्तर प्रदेश जिंकणे भाजपला नक्कीच कठिण आहे.उत्तर प्रदेश हरल्यास उत्तराखंड, गोवा जिंकल्यास त्याचा फार उपयोग होणार नाही. एकूणच मोदींनी कोर्स करेक्शन केले नाही तर २०१९ मध्ये मोदी परत निवडून येणे फारच कठिण आहे. सगळ्यात पहिले मोदींनी या वाचाळवीरांना वेसण घालायला हवी. काही लोकांना हाकलून द्यायचे धैर्य मोदींनी दाखवले पाहिजे. आणि ज्या लोकांना मोदींनी हाकलून द्यावे असे मला फार फार वाटते त्यात मोहन भागवतांचा नंबर सगळ्यात पहिला आहे. निवडणुकीच्या तोंडावर अत्यंत अडाण्यासारखे विधान करणे अगदीच अक्षम्य आहे.आम्ही तेवढे नितीमान आणि बाकी सगळ्यांचे पाय मातीचे हा होलिअर दॅन दाऊ ऍटिट्यूड असतो ते सगळेच लोक प्रचंड डोक्यात जातात. मग ते केजरीवाल असोत की मोहन भागवत असोत.

दुसरे म्हणजे पराभवाची जबाबदारी मोदी आणि शहांनी स्वत: घ्यायला हवी. कॉंग्रेसमध्ये विजय झाल्यास त्याचे श्रेय गांधी घराण्यातील मंडळींचे आणि पराभव झाल्यास त्याचा दोष इतरांचा असे चित्र असते तसे व्हायला नको. दिल्ली निवडणुकांमध्ये प्रचंड मोठा पराभव होऊनही मोदी आणि शहांनी पराभवाची जबाबदारी आपली हे जाहिरपणे म्हटले नव्हते.