शत सर्व्हर शोधताना...

काल मिसळपाव सेवादात्याच्या कामासाठी दिवसभर बंद होते. आहे तो सेवादाता(सर्व्हर) बदलून मोठ्या क्षमतेच्या सेवादात्याकडे आपले संकेतस्थळ हलवलेले आहे. मिसळपावचा सतत वाढणारा डेटाबेस बघता हे काम मिपा काही काळ विश्रांती अवस्थेत नेल्याशिवाय शक्य नव्हते. रात्री ९ पर्यंत काम होईल अशी अपेक्षा होती मात्र काही अनपेक्षीत अडचणींमुळे मिपा सुरू व्हायला १२:४१ वाजावे लागले. आता मिपा सुरळीत सुरू आहे. गेले दोन तीन महिने मिपासाठी नवा सेवादाता शोधतांना अनेक बाबी जाणवल्या. त्यातील खास बाब म्हणजे मिपावर वाढत जाणारा सदस्यांचा आणि पाहूण्यांचा ओघ. त्यांना सेवा पुरवण्यासाठी आहे तो सेवादाता कमी पडत होता. नवा घेणे गरजेचे आहे मात्र सर्व्हरची प्रोसेसिंग पावर जास्त असलेला सर्व्हर शोधणे आवश्यक होते. कारण मिपासारखी संकेतस्थळे जागा कमीच व्यापतात, त्यांना बॅन्डविड्थ जास्त हवी असते. आणि ज्या कोअर वर मिपा आहे त्यासाठी प्रोसेसर जास्त क्षमतेचा हवा असतो. ह्या प्रोसेसरचा भाग सहसा शेअर्ड होस्टींगमध्ये कमी असतो. नवीन सर्व्हर शोधतांना अश्या ठराविक गरजा असतांना अनेक पर्याय समोर आले. त्यापैकी काही अंतीम निवडीत होते. पैकी आता निवडलेला उत्तम आहेच मात्र हा सर्वोत्तम नाही. जस जसा मिपाचा युजरबेस वाढत जाईल तसतसा मिपाच्या क्षमता वाढवण्याची गरज भासत राहील. यावेळी माझ्या मनात आलेली एक बाब म्हणजे मिसळपावने काही अंशी तरी स्वत:चा खर्च स्वतः उचलायला हवा. मी असं म्हटलेलं कदाचीत तात्यांना आवडणार नाही, मात्र हे खरं आहे की मिसळपावला आता खर्च वाढता आहे. तो केवळ एकट्याने करावा यात म्हणावे तसे लॉजीक दिसत नाही. मिसळपावची क्षमता वाढतेय, लोक येताहेत याचा आनंद व्हायला हवा आणि एवढे लोकप्रिय संकेतस्थळ काही प्रमाणात तरी स्वतःचा खर्च उचलण्याच्या लायक व्हावे असे मला वाटते. लोकांना त्रास न होता असे करण्याचे पर्याय आहेत. उद्या कुठल्याच कारणाने मिपाचे नुकसान होऊ नये आणि मिपाचा सदस्य या नात्याने मिपा अधीकाधीक समृध्द व्हावं असं मला वाटतं. एकहाती तात्या हा डोलारा सांभाळू शकतात मात्र काही मार्गांनी याकार्यात मदत झाली तर बरंच होईल ना? शेवटी काय घ्यायचा तो निर्णय तात्या घेतील, मी माझं मत मांडलेलं आहे. मिसळपाव च्या नवीन सर्व्हरमुळे काही बदल जाणवतो का? अर्थात खरा कस एकाच वेळी प्रचंड प्रमाणात पाहूणे आल्यावरच लागेल :( तुमच्या काही सुचना असतील तर येथे द्या अथवा सरपंचाना व्यक्तिगत निरोप पाठवा. नीलकांत