सदाहरित खाद्यजत्रा -- आज कुठे नि काय खाल्लंत

वरणफळं खातोय तुप घालुन स्वतः केलेली.

आज ताजी ताजी पाप्लेट् खाल्लीएत मस्तपैकी तळून आणि कालवण करुन.

आज आलू पराठा विथ कांद्याची चटणी खाल्ला, बरी होती टेस्ट. पराठा बनवायचा अस्मादिकांचा पहिलादुसराच प्रयत्न असल्याने लै खास झाला नै, पण उम्मीद पे दुनिया कायम है.

खाद्यजत्रेत खाऊन झाल्यावर हात धुवून फक्त बातमी द्यायची आहे का प्रत्येकाने ?फोटो बिटो कोणीच देत नाहीयै. पुढच्या वेळेस बुवांना मिसळ खायला घालून रीतसर मुहुर्ताची फुलांची आरास करून सुरुवात करा.

Highway la आहे का हे हॉटेल

आज घरातच जेवले, जसे आपण नेहमी जेवतो तसे. आता पोळी आणि रेड चार्डच्या भाजीचा फोटो नाही काढला. शेजार्‍यांनी चिकन पाठवलेय. ते खाल्ले नाही.

इंद्रायणी भात हा मुख्यत: खेड शिवापूर तसेच भोर खोरे आणि पुरंदर खोर्‍यामध्ये मुबलक प्रमाणामध्ये पिकतो. मटण रश्श्याबरोबर इंद्रायणी भात म्हणजे स्वर्गानुभवच. चवीला अप्रतिम असूनसुद्धा फक्त चिकट होत असल्या कारणाने खूप कमी लोक हा भात प्रेफर करतात. बाकी छान धागा. शुभेच्छा...

आज चिवण्या खाल्ल्या.मस्त गाभोळी होती प्रत्येक चिवणि मधे.चिवणि हा मासा फक्त पावसाळ्यातच मिळतो भाताच्या शेतात किंवा खाडीत.चवीला मस्त पण साफ़ करायला चिकट असल्यामुळे त्रासदायक.

आज आईस्क्रीम खाल्ले.

आज (पण) आम्ही (हिचे) टोमणे खाल्ले. चविष्ट होते. थोड्या वेळाने इडली मिळणार आहे, म्हणून (नेहमीप्रमाणेच) शांतपणे खाऊन घेतले. इडली फस्त करून झाल्यावर जमल्यास (आणि उरल्यास) फोटो टाकतो.

आमच्या शहरातल्या पॅराडाइझ बिर्यानी पॉइंट या उपहारगृहात लंच बुफे खाल्ला. तिथले दक्षिण भारतीय पदार्थ रुचकर असल्याने उत्तर भारतीय पदार्थांकडे पाहिलेही नाही. नावाला थोडेसे चाट, इडली सांभर व चटणी, एकदम खुसखुशीत मेदूवडे, थोडेसे पोरियाल, पुरी भाजी अन दहीभात. त्यानंतर इथल्या सर्वात मोठ्या भारतीय वाणसामानाच्या दुकानातून खरेदी केली. दुर्दैवाने हापूस आंबे यायला अजुन एक आठवडा लागणार आहे असे कळले. त्या दुकानाबाहेर ताजा उसाचा रस मिळतो आजकाल. तेव्हा प्राशन करणे शक्य नसल्याने टू गो करून घरी आणला व निवांतपणे पिला.

१०० झाल्यानिमित्त से स्नेहांकिता तैंचा सत्कार भविष्यात होणार्या तांदूळ मोहोत्सवात एक फ्लेक्ष लावून करणेत येईल हे आश्वासन देउन करणेत येत आहे - शुभेच्छूक अखिलमिपातांदूळवाडीमित्रमंडळ

आज अंडाभुर्जी खाल्ली. फोटो काढायच्या आत संपली.

आज आमचा कुठेतरी बाहेर लंच चा प्लान बनला. साऊथ इंडियन खाण्याचा मूड होता म्हणून south croydon च्या नवरत्न रेस्टोरेंट मधे गेलो होतो. गेल्यावर तेथील माणसाने आमचे अगदी प्रसन्न हसून स्वागत केले आणि आज कुठले कुठले पदार्थ उपलब्ध नाहीत याची लिस्ट पटापटा म्हणून दाखवली. त्याच्या नन्नाच्या लिस्ट मधे लिस्ट मधे वडा नाही, गोडामधे गुलाबजाम नाही, पेयामधे फिल्टर कॉफी नाही वगैरे वगैरे. आता वडा नाही म्हणजे वडा-सांबार, रसम वडा, दही वडा हे सगळे प्रकार कॅन्सल. मग डोसा आणि इडली ऑर्डर केली. डोसा मात्र अप्रतिम. इतका छान डोसा मी तरी अजुन पर्यंत खाल्ला नव्हता. इडली सुद्धा मस्तं.

आज जेवायला मस्त कांदा भजी होती. भरपूर हादडली. कारण बाकी जेवायला भेंडीची भाजी, आमटी आणि पोळी होती. नंतर बायकोला कटकट केली इतकी भजी छान झाली होती त्यामुळे फार खाल्ली आता पोटात जागाच नाही आणि हळूच जेवणाला फाटा मारला.

गवि... मी बर्‍याचदा हा तांदूळ मुंबईत अपना बाजार मध्ये खरेदी केला आहे. तसेच थेट वाशी मार्केटमधून सुद्धा मिळतो.

काल कामानिमित्त अ‍ॅंटॉप हिल ला गेलो होतो तेव्हा जवळच सरदार नगर मध्ये सरदार पाया हाऊस मध्ये पाया अन बटर राईस विथ चिकन सुर्वा चापला. खूप फेमस आहे हे ठिकाण. अप्रतिम चव..फटु काढता आले नाहीत त्या बद्दल क्षमस्व.

डोम्बिवलीतील मिसळीची ही बातमी म. टा. मध्ये आलेली आहे डोम्बिवलीतील मिसळीची