माझे मत आहे की विकत घ्यावा नेसले चा शेयर. नेसले म्हणजे फक्त मॅगी नूडल्स नाहित. त्याव्यतिरिक्ता खालील ब्रँड्स सुद्धा आहेतः १. मॅगी सॉस २. एवरीडे ३. मिल्कमेड ४. नेसले दही, दूध ५. नेसकॉफी ६. नेसटी ७. किटकॅट ८. मॅगी मसाले आणि इतर फूड प्रॉडक्ट्स ९. पॉलो ९. मिल्कीबार १०. मंच ११. अल्पिनो, बारवन आणि इतर चॉकोलेट्स यातला मॅगी नूडल्सचा हिस्सा किती आहे ते माहिती नाही पण बाकीचे ब्रँडसदेखील तगडे आहेत ज्याच्या विक्रीवर काही परिणाम होणार नाही (मॅगी ब्रँडेड प्रॉडक्ट्स वगळता). शिवाय एक दोन महिन्यात लोक सगळे विसरतील. मॅगी नूडल्स न्युट्रिशियस असल्याचे प्रमाणपत्र मिळेल. काही सिने तारका आणि क्रिकेटपटु येउन मॅगीतली पोषणमूल्ये समजावुन सांगतील, काही आया आपली पोरे कशी मॅगी नूडल्समुळे भाज्या खायला शिकली ते सांगतील. मॅगी हे आधुनिक संजीवनी असल्याचा आभास निर्माण केला जाइल. एक - २ महिन्यात लोक सगळे विसरतील. आणी मॅगी नूडल्सचा खप परत सुरु होइल. त्यामुळे आत्ता वाहत्या गंगेत हात धुवुन घ्या. अर्थात भाव अजुन पडणार नाहित याची काही ग्यारंटी नाही. अवांतरः खरेदी आपल्या जोखमीवर करावी माझ्या मतावर नाही.

अगदी बरोबर पण नेस्ले च्या दुध भुकटी मधे पण काहीतरी गड्बड सापडली आहे. भाव ५५००/- पर्यंत खाली आल्यास ३ वर्षांसाठी घेण्यास उपयुक्त ! बाकि : आपआपली सदसदविवेकबुद्धी वापरावी. माझी नको.

ठरवून राडा घातल्यासारखे वाटते आहे. त्यामुळे पडत्या भावात खरेदी करणार आहे.

मी आत्ताच थोडासा युनिटेक (३५% कोसळला) खरेदी करण्यासाठी ऑव्हर्नाईट ऑर्डर प्लेस केली आहे. अदानी ८२% कोसळला आहे. त्याबद्दल आपलं काय मत आहे?

विचार करणेस हरकत नाही....

मला पूर्वी एक SMS आला होता "तुम्ही तुमच्या १० लाखाची गाडी रॉकेल वर चालवता का, जर नाही तर तुमच्या शरीरात अपायकारक गोष्टी का टाकता ?" आता कधीतरी ठीक आहे पण 'प्रसाद१९७१' म्हणतात तसे "आजच पुढच्या ६ महीन्यांचा स्टॉक करुन ठेवणार आहे. आणि माझ्या सारखे लाखो आहेत" यावर काय बोलावे समजत नाही. मग गुणवत्ता आश्वासन, गुणवत्ता नियंत्रण वैगेरे विभागाची ची गरजच काय. आपण आपल्या बद्दल जागरूक नसलो तर दुसरे आपली काळजी कशाला करतील. बाकी मला माहित आहे माझा मुद्दा धाग्याच्या विषया पासून वेगळा आहे पण राहवले नाही म्हणून मत मांडले.

नेसले मागची कटकट संपलीयसं वाटत नाही. भाव उद्या सुद्धा खाली जावू शकतो. जोपर्यंत हा इश्श्यू हॉट आहे, तोपर्यंत कंपनीच्या स्टॉक वर नकारात्मक परिणाम होईलसं वाटतंय. उद्या वॉच ठेवून निर्णय घ्यावा म्हणतोय. भागवत साहेब, उद्या साठी काय प्रेडिक्शन आहे?

नेस्लेच्या समभागाला घेणारा दिवसाखेरीस कोणीही नव्हता. आताच आलेल्या बातमीनुसार माग्गीच्या नुडल्सच्या विक्रीवर दिल्लीत १५ दिवस बंदी घातली आहे. याचा अर्थच हा आहे कि उद्या तो अजून ५-१० % पडेल. आणी येत्या महिन्याभरात तो सहजरीत्या चढणार नाही. कारण कायद्याच्या कटकटीतून बाहेर पडण्यास त्यांना अजून थोडा वेळ लागेल. आज सहा हजार दोनशेच्या आसपास एक समभाग घेऊन तो जास्तीत जास्त किती चढेल तर सात हजार पर्यंत( गेल्या सहा महिन्यांची सरासरी) आजमितीस सर्वात जास्त ( लाइफ टाईम हाय) ७५०० होता. तेंव्हा मिळणारा परतावा हा १३% असेल यातून १.५ टक्के ब्रोकर चे कमिशन आणी नफ्या वर १५ % कमी वेळाचा भांडवली परतावा(SHORT TERM CAPITAL GAINS) म्हणजे २% असे ३. ५% कमी केलेत तर मिळणारा परतावा जास्तीतजास्त ९.५% असेल. यात जर मॉन्सून कमी उतरला तर ग्रामीण भागातील त्यांची विक्री कमी राहील. अशा तर्हेच्या धोक्यांचा विचारही व्हावा ब्लू चीप कंपनी असल्याने भांडवल बुडणार नाही हे नक्की. परंतु त्याऐवजी त्याच श्रेणीतील टाटा स्टील घेतला तर ३१६ रुपयाचा समभाग ३५० रुपये नक्की होईल. म्हणजे वर दिल्याप्रमाणे सर्व खर्च वजा जाता १०% परतावा नक्की मिळेल. शिवाय एकदम एवढे पैसे एका समभागात गुंतवण्याऐवजी तुम्हाला पाहिजे तेवढे समभाग घेता येतील. किंवा आय सी आय सी आय बँक २९७ रुपयाला घेतल्यास तो नक्की तितकाच परतावा देऊ शकेल. ज्यांना एकदम एवढे पैसे एका समभागात गुंतवायचे नाहीत त्यांनी अशा तीन चार कंपन्यांचे पाच पाच समभाग घेतले तर त्यातून मिळणारा नफा तेवढाच असेल पण पैसे जास्त खेळते राहू शकतील आणी धोका तितका कमी होईल. ता क़:- मी एक सामान्य गुंतवणूकदार आहे आणि माझे पैसे मी समभागात गुगलवर बातम्या काढून वाचल्यानंतर कुठे गुंतवायचे ते ठरवतो. प्रत्येकाने आपल्या स्वतःच्या बुद्धीनुसार गुंतवणूक कशी करावी हे ठरवावे

आईसीआईसीआई ब्याङ्क एकदम सुरक्षित.

एस बी आय आय टी सी सध्या च्गा भाव खरेदी करयला उत्तम बाकी नेहमीचे डिस्केमर - स्वताची सद सद विवेकबुद्धी वापरावी.

१. चीन मध्ये मंदी सुरू झालेली आहे. त्याचा फटका कदाचित खनिजे आणि धातूंना बसू शकतो कारण भारत हे निर्यात करतो. http://www.cbc.ca/news/business/china-s-central-bank-cuts-interest-rates-as-slowdown-deepens-1.2977221 २. भारतात हे वर्ष दुष्काळाचं आहे. ऑटो उद्योगाला मोठा फटका बसू शकतो. रियल इस्टेट मध्ये मंदी आहेच. मोठ्ठी इन्व्हेन्टरी पडून आहे आणि आता दुष्काळात लोक गुंतवणूक करतील अशी शक्यता कमी आहे. बिल्डर्स आता काम अर्धवट सोडून पळून जाण्याची शक्यता जास्त आहे. नवीन प्रोजेक्ट मध्ये गुंतवणूक करताना विचार करून करा. ३. बँकांचे एन.पी.ए. सध्या उंच जागी आहेत. विशेष करून युनायटेड बँकेचे एनपीए पहा. एस बी आय सुद्धा एन.पी.ए. च्या बाबतीत धोक्याच्या जागी उभी आहे. http://www.blog.sanasecurities.com/non-performing-asset-npa-in-public-sector-banks/

या सेक्टर बद्दल काय मत आहे?

http://www.nestle.com/aboutus/ask-nestle/answers/maggi-noodles-india एक शंका आहे त्यांनी असे म्हटले आहे की उत्तर प्रदेश मध्ये maggi packets मध्ये जास्त लीड सापडले ते lot नोव्हेंबर २०१४ expiry असलेले होते.. पण ह्याचा अर्थ असा आहे का की Maggi expire झाली की त्यातले लीड कंटेट वाढते? एकूणच बर्याचादा maggi हानिकारक अशी डिबेट होत असते..कोणी तज्ञ ह्या बाबत अधिक माहिती देऊ शकेल काय?

नेस्ले ५८००

सुवेन लाईफ सायंसेज घ्यावा काय?

एकेकाळी प्रत्येक थिएटरमध्ये प्रत्येक शो आधी हळद आणि चंदनाच्या गुणांनी युक्त अशा क्रीमची जोरात जाहिरात होत असे. एकवेळ पोलिसांची एंट्री न होता सिनेमा संपेल पण ह्या 'हल्दी/चंदन के गुणवाल्या' क्रीमची जाहिरात लागल्याशिवाय सिनेमा सुरु होणे अशक्य अशी स्थिती होती. पुढे काही काळाने ,.......WSO क्रीम बनले. 'WSO' हे 'Without Sandal Oil' या ' सत्याचे' लघुरुप आहे हे कितीजणांना माहित आहे ??... हे आठवायचे कारण म्हणजे अर्थातच मॅगीपुराण. गेला बाजार काय होईल ?? Maggi(WML)....with Led & monosodium असा नावांत बदल होईल.दुसरे काय?? गेला बाजार काय होईल ?? Maggi(WML)....with Led & monosodium असा नावांत बदल होईल.दुसरे काय?? - प्रसाद भागवत.

भागवत साहेब हा सगळा गदारोळ कुणी उठवला आहे हे सांगणे कठीण आहे. नेसले हि ब्लू चीप कंपनी आहे त्यामुळे ती उद्या वर येणार हे नक्की आणि शिवाय भांडवल बुडणार नाही हे नक्की. त्याचा समभाग घेणे कि न घेणे हा एकदम वेगळा विषय आहे. मुळात नुडल साठी वापरलेल्या गव्हाच्या पिठातच किंवा त्यात वापरलेल्या तेलात शिसे ( लेड) नाही हे ठरवणे आवश्यक आहे. जिथे गहू पिकतो ती राज्ये उदा. उत्तर प्रदेश, मध्य प्रदेश, बिहार येथे . वाहनाच्या बॅंटरीची( ज्यात शिसे वापरले जाते) विल्हेवाट कशी लावतात हि सुरस आणि चमत्कारिक संशोधनाची कथा आहे.तेंव्हा हे शिसे पाण्यात मिसळून गव्हात येत नाही हे म्हणणेच धारिष्ट्याचे ठरेल.गाझियाबाद, कानपूर इ ठिकाणी असणारे कारखाने आणि ते सोडत असलेले सांडपाणी बंद कोण आणि कसे करणार? पण कुठलीही ऑरगेनिक वस्तू म्हणजे स्व्च्छ आणि शुद्ध असते हे म्हणणाऱ्या लोकांना तुमचा गहू किवा तेलच शुद्ध नाही हे म्हणणे पचेल का? ( मग ते तेल अगदी घरगुती तेलघाणीत पिळून काढलेले असेल तरीही) परंतु या प्रकरणातून वर उठायला नेसलेला बराच वेळ( सहा महिने तरी) लागेल असे वाटते. तेंव्हा म्यागी खायचे कि नाही तसेच नेस्लेचा समभाग घ्यायचा कि नाही हे ज्याचे त्याने ठरवणे आवश्यक आहे पण या दोन्ही गोष्टीं मुळात वेगळ्या आहेत.

मी बर्‍याचदा पाहतो की या अशा लेखांमध्ये टेक्निकल ॲनालिसिसच केलेले असते; फंडामेंटल ॲनालिसिस औषधालाही सापडत नाही. मॅगीवर बंदी आणली काही दिवस म्हणून नेसले कंपनी बंद पडणार नाही हे शेंबडं पोरही सांगेल पण मॅगी हा नेसलेचा जुना आणि प्रस्थापित ब्रँड आहे आणि कंपनीच्या शेअरच्या किंमतीत ब्रँडची किंमतही अंतर्भूत असते. इतक्या वर्षांच्या प्रस्थापित ब्रँडला धक्का बसणे याचा कंपनीच्या पुढील उत्पन्नावर परिणाम होतो आणि शेअरच्या किंमती कंपनीच्या भावी उत्पन्नावर आणि वाढीच्या दरावर अवलंबून असतात. याठिकाणी रेझिस्टन्स लेव्हल आणि सपोर्ट लेव्हल हे शब्द नुसतेच अनाठायी नसून दिशाभूल करणारे आहेत. लेखकाने विश्लेषण करुन ब्रँडच्या डॅमेजचा अंतर्भाव करुन शेअरची नवी किंमत किती असायला हवी याचा अंदाज काढून मग सध्याच्या किंमतीवरुन शेअर अंडरव्हॅल्यूड आहे कीओव्हरव्हॅल्यूड आहे ते ठरवण्याचा प्रयत्न केला असता तर अधिक समर्पक झाले असते. बाकी अचानक लोकांना आपले गहू-तांदूळही जास्त विषारी असतील याची अचानक खात्री पटायला लागणे व नेसलेचा पुळका येणे आश्चर्यकारक आहे. मॅगीची जागा दुसर्‍या नूडल्स भरुन काढतील; त्यासाठी आपल्या सगळ्याच अन्नपदार्थांना विषारी ठरवण्याची गरज नाही! :-) उलट ही इतर लोकांना संधी आहे; उगाचच कोणत्याही क्षेत्रात ओलिगोपॉली असणे चुकीचेच आहे तसेही.

हेच जर युरोपातल्या गोर्‍या मर्कटांनी भारतीय कंपनीच्या उत्पादनावर वा भारतीय आंबे किंवा द्राक्षादिंवर बंदी आणली असती तर लोकांनी हूं का चूं नसतं केलं. कसला हा न्यूनगंड?

फंडामेंटल्स रिपोर्ट्स ब-याच वेळा फुकट उपलब्ध नसतात. त्यात वेळ द्यावा लागतो. ॲप्रोक्स रेव्हून्यू इंपॅक्टचे भाकीत करणे नक्कीच सोपे नाही. मार्केट शेअर मध्ये काय बदल होतील? कुठल्या प्रतिस्पर्धी कंपनीला फायदा होईल? याचा अंदाज घेणे कठीण आहे (अनुभवी माणसाचे काम आहे. ब्रिटानियाचा स्टॉक मिन टाईम वाढला). तसाही नेस्ले मला खूपच महाग वाटतो अजूनही. ईटी इंटेलिजन्स वगळता मी फॉलो करत असलेल्या कुठल्याच ब्रोकरची रेटींग नव्हती. (ब्रोकरच्या रिपोर्ट्स वर किती विश्वास ठेवायचा हाही प्रश्न आहेच) इटी इंटिलिजन्सचं सब्स्क्रिब्शन नसल्याने नेमकं ॲनालिसिस अजूनही मिळालं नाही वाचायला. सीकींग अल्फा नावाचं संकेतस्थळ आहे पण त्यात खास करून अमेरीकेतल्या स्टॉक्स वरचे रिपोर्ट्स हरहुन्नरी, नवशिखे देत असतात. आपल्याकडे असं कुठलं संकेतस्थळ आहे का याची कल्पना नाही.

म्हणुन नेस्लेला उडवले असेल का ?

नेस्ले शेयरविषयी तज्ञ चर्चा करत आहेतच .. पण एक अवांतर माहिती शेयर करतोय .माझी या आधीची कंपनी नेस्लेला गेल्या ३० वर्षांपासून बॉयलर पुरवठा करते. नेस्लेच्या भारतातील सगळ्याच प्लांट मध्ये त्या कंपनीचा बॉयलर आहे असे म्हटल्यास अतिशयोक्ती ठरणार नाही. माझ्या एका वरीष्ठांनी सांगीतल्याप्रमाणे देशभरात रोज २५० टन मॅगीचे उत्पादन होते. मॅगी जर तीन-चार महिने बाजारात आली नाही तर नेस्लेचे किती नुकसान होईल याचा जाणकारांनी अंदाज लावावा.

नेस्ले ५६६१

मी आज नेस्ले ५६७० रूपयांना घेतला. बघू अजून किती खाली जातोय ते.

अरे लोकांनो.. घेऊ की नको..? ५६०० ला पोचतंय आता. की थोडेथोडे दर आठवड्याला घेऊ? -(उडी टाकण्यासाठी नाक मुठीत धरुन विहिरीच्या काठावर पुढेमागे डोकावत उभा) गवि

गवि साहेब, दुसर्‍याच्या सल्ल्याने शेअर घेतला किंवा विकलात तर नुकसान होण्याचे चान्सेस खूप जास्त असतत. तर, स्वत; अभ्यास करा आणि निर्णय घ्या प्रेमाचा सल्ला ! (अशा प्रकारात हात पोळलेला) आनंद

मोतिलाल ओस्वालचा रिसर्च रिपोर्ट इथे पहाता येईल. त्यांच्या मतानुसार नेस्टलेच्या संपूर्ण रेव्हिन्यूपैकी २०% हिस्सा आणि नेट प्रॉफिटचा २५% हिस्सा हा न्यूडल्स मधून येतो. (१/४ हा मोठा आकडा आहे). आणि २०१४ मध्ये याच कॅटेगरीचा सेल्स ग्रोथ सर्वात जास्त होता. मॅगी लहान मुलं खात असल्याने ब्रॅंड इक्विटी वर मोठा फरक पडणार आहे. कारण परत विश्वासार्हता परत मिळवण्यास वेळ जाईल. आणि सर्वांना ज्यात जास्त उत्सुकता आहे त्या प्रश्नाचं उत्तर देताना ("स्टॉक खरेदी करण्याच्या पातळीवर पोहोचला का?" ) रिपोर्ट म्हणतो. अजून त्या पातळीवर आलेला नाही. २०१५ आणि २०१६ च्या एक्सपेक्टेड अर्निंग नुसार स्टॉक (फॉर्वर्ड) पीई रेशो ३७ आणि ३२ आहे. (37x CY15E and 32x CY16E EPS) भविष्यकाळात नेस्टलेच्या डॅमेज कंट्रोल अ‍ॅक्टिव्हीटीनुसार त्यांचे अंदाज बदलू शकतात. २०१६ चा एक्स्पेक्टेड ईपीएस (रु. १९०, त्यांच्या रिसर्च नुसार) च्या साधारण ३३ पट त्यांनी टार्गेट किंमत (रु. ६३००) ठरवली आहे आणि स्टोक्स अजून करेक्ट होईल असे त्यांना वाटते. रिपोर्टच्या डिस्क्लोजर मध्ये "अ‍ॅनालिस्ट कडे स्टॉक्स नाहीत आणि अ‍ॅनालिस्ट नेस्टलेच्या बोर्ड ऑफ डायरेक्टरवर, वा नेस्टलेचा एम्प्लॉई नाही" असे नमुद केले आहे. ओस्वालखेरीज दुसर्‍या कुणाचा रिपोर्ट मिपाकरांना माहीत असेल तर जरूर शेअर करा.