सकाळच्यान साहेब खुशीत होते.

फायद्याचं कलम असणार हे सगळ्यांनी ओळखलं.

सायबांनी बेल मारली - केबिनमधे सगळे शिपाई जमले.

''आपल्या संस्थेत स्वच्छ्ता चांगली होत नाई.

तुमची टाळाटाळ असतेच, त्यातून आपली संस्था जुनी. खोल्यांची उंची जास्त आहे.
त्यामुळे आपण शासनाला प्रस्ताव दिलावता - व्ह्याक्यूम क्लिनर्सची गरज आहे.
त्याप्रमाणे लगेचच टेंडर पास हून पाच यंत्रं आलीयत . . सगळ्यांनी नीट बघा कशी वापरायची.

सोमवारपासनं संस्था एकदम चकाचक दिसायला पायजेल !''.

***

महिना निघून गेला

रुटीन सुरु ऱ्हायलं- घाण तशीच!

सायबानं घेतलंन सगळ्याना .

रामा तसा धीट हाय .

बोल्ला '' सायेब मशिनी आणल्या -पर ट्रेनिंग कुटं झालं!

शिवाय शिड्या, एक्स्टेशन बोर्डबी लागतील ! ''

'' म्हनतोस तेबी बरोबरच हाय - सगळ्याबर्बर ट्रेनिंगचंबी टेंडर मार्गी लावतो आजच!''