उद्याचे सामने -

(२०) शनिवार २८ फेब्रुवारी, वेळ - पहाटे ६:३० (भाप्रवे), न्यूझीलँड वि. ऑस्ट्रेलिया, स्थळ - ऑकलँड
(२१) शनिवार २८ फेब्रुवारी, वेळ - सकाळी १२:०० (भाप्रवे), भारत वि. यूएई, स्थळ - पर्थ

भारत यूएई विरूद्ध अगदी सहज जिंकेल. किवीज वि. ऑसीज सामना रंगतदार होईल. दोन्ही संघ तगडे आहेत. परंतु सामना न्यूझीलँडमध्ये होत आहे. किवीजचे पारडे जड वाटते. न्यूझीलँड थोड्या फरकाने जिंकेल असा अंदाज आहे.

अपेक्षेप्रमाणे न्यूझीलँड वि. ऑस्ट्रेलिया सामना अत्यंत चुरशीचा झाला आणि अपेक्षेप्रमाणेच न्यूझीलॅंड विजयी झाले. ऑस्ट्रेलियाच्या १५१ धावांना न्यूझीलॅंडच्या फलंदाजांनी गांभिर्याने न घेता आपण सहज जिंकू या भ्रमात राहून बेजबाबदार खेळ करून सामना जवळपास घालविला होता. शेवटी नशिबानेच जिंकले.

दुसरीकडे यूएई विरूद्धचा सामना अपेक्षेप्रमाणे एकतर्फी होऊन भारत अगदी सहज जिंकण्याच्या मार्गावर आहे.

उद्याचे सामने -

(२२) रविवार ०१ मार्च, वेळ - पहाटे ३:३० (भाप्रवे), इंग्लंड वि. श्रीलंका, स्थळ - वेलिंग्टन
(२३) रविवार ०१ मार्च, वेळ - सकाळी ९:०० (भाप्रवे), पाकिस्तान वि. झिंबाब्वे, स्थळ - ब्रिस्बेन

इंग्लंड व पाकिस्तान जिंकतील असा अंदाज आहे.

पुढील सामने - (निकाल अपेक्षितच लागतील)

(२४) मंगळवार ०३ मार्च, वेळ - सकाळी ९:०० (भाप्रवे), द. आफ्रिका वि. आयर्लँड, स्थळ - कॅनबेरा
द. आफ्रिका

(२५) बुधवार ०४ मार्च, वेळ - सकाळी ६:३० (भाप्रवे), पाकिस्तान वि. यूएई, स्थळ - नेपिअर
पाकडे

(२६) बुधवार ०४ मार्च, वेळ - सकाळी १२:०० (भाप्रवे), ऑस्ट्रेलिया वि. अफगाणिस्तान, स्थळ - पर्थ
ऑस्ट्रेलिया
(२७) गूरूवार ०५ मार्च, वेळ - सकाळी ३:३० (भाप्रवे), बांगलादेश वि. स्कॉटलँड, स्थळ - नेल्सन
बांगलादेश

द. आफ्रिकेने तब्बल ४११ धावा केल्या. लागोपाठ दुसर्‍या सामन्यात आफ्रिकेने ४००+ धावा केल्या. आयर्लँड जिंकणे अशक्य आहे. निदान ३००+ धावा करून पराभवाचे अंतर कमी करून निव्वळ धावगती फार कमी होउ नये हीच अपेक्षा. वेस्ट इंडीजप्रमाणे आयर्लँड स्वस्तात बाद झाले तर निव्वळ धावगती खूप कमी होऊन ते पाकड्यांना फायदेशीर ठरेल.

पाकड्यांनी यूएई विरूद्ध चक्क ३३९ धावा केल्या. शाहजादचा १० वर असताना पॉईंटवर सोडलेला झेल फारच महागात गेला. सुदैवाने यूएईचे फलंदाज बर्‍यापैकी झुंज देत आहेत (३४.४ षटकांत १३१/४). यूएई हरणार हे नक्की, परंतु २०० च्या पुढे जाऊन पाकड्यांना खूप मोठ्या फरकाने विजय मिळू देणार नाहीत असं दिसतंय. विंडीजने व आयर्लँड आफ्रिकेविरूद्ध तब्बल २५७ आणि २०१ धावांनी हरून स्वतःची निव्वळ धावगती खूपच कमी करून घेतली व त्यामुळे पाकड्यांच्या आशा प्रज्वलित झाल्या. आज पाकडे जिंकतील पण २००+ धावांच्या फरकाने ते जिंकणार नाहीत. त्यामुळे पाकड्यांची निव्वळ धावगती प्रचंड प्रमाणात वाढणार नाही. त्यातून यूएईने २५०+ धावा केल्या तर सोन्याहून पिवळं.

'ब' गटात भारत व द. आफ्रिका प्रथम दोन क्रमांकावर आहेत. प्राथमिक फेरीनंतर बहुतेक हाच क्रम राहील. भारत विंडीज/आयर्लँड कडून हरले किंवा द. आफ्रिका पाकड्यांकडून हरले तरच बदल होऊ शकेल. ४ सामन्यानंतर विंडीजची निव्वळ धावगती -०.३१३ व पाकड्यांची निव्वळ धावगती -०.३८५ आहे. आयर्लँडची निव्वळ धावगती -१.१३७ असली तरी त्यांचे अजून ३ सामने शिल्लक आहेत (पाकडे, भारत व झिंबाब्वेविरूद्ध). पाकड्यांचे उर्वरीत सामने द. आफ्रिका व आयर्लँड विरूद्ध आहेत. विंडीजला अजून भारत व झिंबाब्वेविरूद्ध खेळायचे आहे. विंडीज बहुतेक बाद फेरीत येईल. 'ब' गटातला बाद फेरीत जाणारा ४ था संघ हा पाकडे वि. आयर्लँड या सामन्यातला विजेता असेल.

'अ' गटात न्यूझीलँड, ऑस्ट्रेलिया व श्रीलंका नक्कीच बाद फेरीत येतील. बांगलादेश वि. इंग्लंड या सामन्यातला विजेता 'अ' गटातील ४ था संघ असेल.

बांगलाच्या फलंदाजांनी जबरदस्त फलंदाजी करून स्कॉटलँडच्या ३१८ धावांचा यशस्वी पाठलाग करून सामना जिंकला. हातात तब्बल ३१८ धावा असूनसुद्धा स्कॉटलँडच्या गोलंदाजांनी अत्यंत खराब गोलंदाजी करून सामना घालविला. आजचा सामना बांगलादेश हरला असता तर त्यांचा पुढील मार्ग बंद होऊन इंग्लंडची वाट सुकर झाली असती. परंतु आजच्या विजयामुळे बांगलादेशाला बाद फेरीत जाण्याची अजूनही आशा आहे.

अर्थात हा निकाल भारतासाठी चांगलाच आहे. बांगलादेश 'अ' गटातून ४ थ्या क्रमांकाने बाद फेरीत आल्यास त्यांची 'ब' गटात प्रथम असणार्‍या भारताशी गाठ पडून भारत उपांत्य फेरीत नक्कीच जाईल.

मात्र उपांत्य फेरीत भारताला ऑस्ट्रेलिया किंवा न्यूझीलँडला टाळता येणार नाही. दोन्ही संघ अत्यंत भरात असल्याने भारत त्यांच्याविरूद्ध जिंकणे अत्यंत अवघड आहे. तरीसुद्धा भारत न्यूझीलँडविरूद्ध ऑस्ट्रेलियामध्ये किंवा ऑस्ट्रेलियाविरूद्ध न्यूझीलँडमध्ये खेळल्यास भारत जिंकण्याची शक्यता वाढते.

आतापर्यंत झालेल्या २७ सामन्यांपैकी १ पावसामुळे रद्द झाला. उर्वरीत २६ सामन्यांसाठी केलेल्या भाकितामध्ये २२ सामन्यांच्या निर्णयाचे भाकीत बरोबर आले आणि ४ सामन्यांचे भाकीत चुकले.

पुढील सामने -

(२८) शुक्रवार ०६ मार्च, वेळ - सकाळी १२:०० (भाप्रवे), भारत वि. वेस्ट इंडीज, स्थळ - पर्थ

भारत नक्की जिंकणार. गेल अपयशी ठरेल. सॅम्युअल्स, डॅरेन ब्राव्हो, सिमन्स हेच फलंदाज चांगले खेळतील. विंडीजचे बहुतेक सर्व गोलंदाज अपयशी ठरतील. रोहीत शर्मा "सामनावीर" असेल. किमान शतक ... कदाचित द्विशतकही करेल.

(२९) शनिवार ०७ मार्च, वेळ - पहाटे ६:३० (भाप्रवे), पाकिस्तान वि. द. आफ्रिका, स्थळ - ऑकलँड

द. आफ्रिका निर्विवादपणे मोठ्या फरकाने जिंकेल.

(३०) शनिवार ०७ मार्च, वेळ - पहाटे ९:०० (भाप्रवे), आयर्लँड वि. झिंबाब्वे, स्थळ - होबार्ट

अत्यंत चुरशीचा सामना होईल. आयर्लँड थोड्या फरकाने जिंकेल.

श्या! आफ्रिकेने दगा दिला. पूर्ण अंदाज चुकला. आता पाकड्यांचा उपांत्यपूर्व फेरीत प्रवेश बराचसा नक्की झालाय आणि विंडीज व आयर्लंड दोघेही संकटात सापडलेत. पाकडे सुरवातीचे दोन सामने हरल्यावर एकदम बदलले आणि लागोपाठ ३ सामने जिंकलेत. त्यांनी चक्क द. आफ्रिकेला हरवलं.

पाकडे आणि विंडीजचे ५ सामने झालेत आणि आयर्लंडचे ४ झालेत.

उर्वरीत सामने - पाकडे वि. आयर्लँड, भारत वि. आयर्लँड आणि विंडीज वि. यूएई.
निव्वळ धावगती - पाकडे: -०.१९४, विंडीज: -०.५११, आयर्लंड: -०.८२०,
गुण - पाकडे: ६, विंडीजः ४, आयर्लंडः ६

पाकडे पुढील फेरीत येऊ नयेत ही माझी इच्छा आहे. परंतु पाकडे बहुतेक येतील असं दिसतंय. विंडीज यूएई विरूद्धचा सामना नक्की जिंकेल. परंतु त्यांना तो मोठ्या फरकाने जिंकावयास हवा. तरच त्यांचे ६ गुण होऊन निव्वळ धावगती वाढेल.

सामना: भारत वि. आयर्लंड - भारत हरला किंवा जिंकला तरी भारताला फार फरक पडणार नाही. आयर्लँड जिंकल्यास त्यांचे ८ गुण होतील आणि ते उपांत्यपूर्व फेरीत जातील व विंडीजची परिस्थिती अजूनच अवघड होईल.

सामना: विंडीज वि. यूएई- यूएई जिंकल्यास विंडीजची वाट बंद होईल. विंडीजला कोणत्याही परिस्थितीत हा सामना मोठ्या फरकाने जिंकावाच लागेल. सामना जिंकल्यास विंडीजचे ६ गुण होतील.

सामना: पाकडे वि. आयर्लँड - आयर्लंड जिंकल्यास विंडीजची परिस्थिती अत्यंत अवघड होईल. पाकडे जिंकल्यास ते उपांत्यपूर्व फेरीत जातील.

म्हणजे आयर्लंड भारताविरूद्ध जिंकले व पाकड्यांविरूद्ध हरले तर विंडीजच्या शेवटच्या सामन्याला महत्त्व राहणार नाही. समजा आयर्लँड ने दोन्ही सामने जिंकले तर आयर्लंड कदाचित दुसर्‍या क्रमांकाने उपांत्यपूर्व फेरीत जाईल व विंडीजच्या आणि पाकड्यांच्या आशा यूएई विरूद्धच्या सामन्यावर अवलंबून राहतील. विंडीज यूएई विरूद्ध हरला तर सगळाच गोंधळ संपतो आणि पाकडे व आयर्लंड पुढील फेरीत जातील.

पाकडे: पुढील फेरीसाठी आयर्लंडविरूद्धचा सामना जिंकणे किंवा हरल्यास विंडीज यूएई विरूद्ध हरावे किंवा त्यांची निव्वळ धावगती कमी रहावी यासाठी प्रार्थना करावी लागेल. हा सामना अनिर्णित राहिल्यास किंवा बरोबरीत सुटला तर विंडीज बाहेर जाऊन हे दोघेही आत येतील.

विंडीजः पुढील फेरीसाठी आयर्लंड पाकड्यांविरूद्ध जिंकावे ही प्रार्थना करावी लागेल आणि यूएईविरूद्धचा सामना मोठ्या फरकाने जिंकावाच लागेल.

आयर्लंड: भारत किंवा पाकड्यांविरूद्ध जिंकावे लागेल (यातला एकही सामना अनिर्णित राहिला किंवा बरोबरीत सुटला तरी चालेल). जर दोन्ही सामने हरले तर विंडीज यूएईविरूद्ध हरावे किंवा त्यांची निव्वळ धावगती आपल्यापेक्षा कमी रहावी अशी प्रार्थना करावी लागेल.

एकंदरीत पाकड्यांची स्थिती पुष्कळ बरी आहे. विंडीज व आयर्लँड मध्येच आता चुरस आहे.

पुढील सामने -

३१) रविवार ०८ मार्च, वेळ - सकाळी ०३:३० (भाप्रवे), न्यूझीलँड वि. अफगाणिस्तान, स्थळ - नेपिअर

न्यूझीलँड सहज जिंकेल.

(३२) रविवार ०८ मार्च, वेळ - पहाटे ९:०० (भाप्रवे), ऑस्ट्रेलिया वि. श्रीलंका, स्थळ - सिडने

ऑस्ट्रेलिया जिंकेल.

(३३) सोमवार ०९ मार्च, वेळ - सकाळी ९:०० (भाप्रवे), इंग्लंड वि. बांगलादेश, स्थळ - अ‍ॅडलेड

अत्यंत महत्त्वाचा सामना. या सामन्यातला विजेता 'अ' गटातून उपांत्यपूर्व फेरीत जाणारा ४ था संघ असेल. बांगलाला हा सामना बरोबरीत सुटला किंवा अनिर्णित राहिला तरी चालेल. इंग्लंडला मात्र हा सामना जिंकायलाच हवा.

(३४) मंगळवार १० मार्च, वेळ - सकाळी ६:३० (भाप्रवे), भारत वि. आयर्लँड, स्थळ - हॅमिल्टन

भारत जिंकेल.

श्रीलंकेने जबरदस्त झुंज दिली. श्रीलंकेला शेवटच्या १० षटकात १०५ धावा हव्या होत्या व फक्त ४ गडी बाद झाले होते. चंडीमल व मॅथ्यूज तुफान मारत होते. फक्त २४ चेंडूत नाबाद ५२ धावा करणार्‍या चंडीमलचा अचानक स्नायू दुखावला व त्यामुळे त्याला निवृत्त व्हावे लागले. तो आज जाताच लगेचच मॅथ्यूज व थिसारा परेरा बाद झाल्याने श्रीलंकेची झुंज संपली.

आज श्रीलंका जिंकले असते तर 'अ' गटातून श्रीलंका २ र्‍या क्रमांकाने व ऑस्ट्रेलिया ३ र्‍या क्रमांकाने उपांत्यपूर्व फेरीत आले असते. अशा परिस्थितीत उपांत्यपूर्व फेरीत ऑस्ट्रेलियाची गाठ 'ब' गटातील दुसर्‍या क्रमांकाच्या आफ्रिकेशी पडून दोघातला एक धारातिर्थी पडला असता. परंतु आता तसे होईल असे दिसत नाही. उपांत्य फेरीत बहुतेक न्यूझीलँड, ऑस्ट्रेलिया, द. आफ्रिका व भारत हे देश असतील. भारताला उपांत्य फेरीत ऑस्ट्रेलिया किंवा न्यूझीलँडला टाळणे खूप अवघड आहे. जर ऑस्ट्रेलिया किंवा न्यूझीलँडला आपापल्या मायभूमीवर उपांत्य फेरीचा सामना खेळायला मिळाला नाही तरच विरूद्ध संघाला थोडी जास्त संधी आहे.

'अ' गटातून उपांत्यपूर्व फेरीत न्यूझीलँड, ऑस्ट्रेलिया व श्रीलंका नक्की येणार. ४ था संघ इंग्लंड असेल की बांगलादेश याचे उत्तर उद्या मिळेल. बांगलाचे ४ सामन्यात ५ गुण आहेत तर इंग्लंडचे ४ सामन्यात २ गुण आहेत. बांगला आपला शेवटचा न्यूझीलँड बरोबरचा सामना नक्की हरणार व इंग्लंड आपला शेवटचा अफगाणिस्थान बरोबरचा सामना नक्की जिंकतील. त्यामुळे उद्याचा सामना इंग्लंडला जिंकावाच लागेल. बांगलादेशाला उद्याचा सामना अनिर्णित राहिला किंवा बरोबरीत सुटला तरी चालेल. दोन्ही संघांच्या दृष्टीने उद्याचा सामना 'अ' गटातून उपांत्यपूर्व फेरीत जाणारा ४ था संघ ठरवेल.

बांगलाने २७५ धावा करून बर्‍यापैकी आव्हान दिले आहे. इंग्लंडची फलंदाजी व बांगलाची गोलंदाजी बघता हे आव्हान इंग्लंडला फारसे अवघड नाही. १४ षटकात १ बाद ६७ धावा करून इंग्लंडने चांगली सुरूवात केली आहे. खराब फटके मारून बळी गमावले नाहीत तर इंग्लंड नक्की जिंकेल असं दिसतंय.

शी! बांगलासारख्या फालतू संघाकडून इंग्लंड हरले. बांगला उपांत्यपूर्व फेरीत आल्याने भारताची वाट सोपी झाली असली तरी उपांत्यपूर्व फेरीत इंग्लंडला हरविण्यात जी मजा आली असती, तशी मजा बांगलाला हरविण्यात येणार नाही. मोईन अली आणि नंतर जॉर्डन मुर्खासारखे धावबाद झाले. मॉर्गनला आल्याआल्या विकेट फेकायची काहीही गरज नव्हती. आपण बाद झालेल्या चेंडूवर कसे वेड्यासारखे खेळलो हे जेम्स टेलरला अजूनही समजलं नसेल. आज स्टीव्ह फिनला का बाहेर ठेवलं ते समजलं नाही. बोपाराला एकही सामना खेळविला नाही.

विश्वचषक सुरू होण्याच्या तोंडावर कुकची हकालपट्टी करण्याची आणि केव्हिन पीटरसन् ला बाहेर ठेवण्याची किंमत इंग्लंडला मोजावी लागलेली आहे.

१९९२ पर्यंत इंग्लंड विश्वचषकातला बर्‍यापैकी दादा देश होता. पहिल्या ५ स्पर्धात, ४ वेळा इंग्लंड उपांत्य फेरीत दाखल झाले होते. त्यापैकी ३ वेळा त्यांनी अंतिम फेरीत धडक मारली होती. १९९६ पासून इंग्लंड कधीही उपांत्य फेरीत पोहोचले नाही. यावेळी तर प्राथमिक फेरीतच त्यांना गाशा गुंडाळावा लागला आहे.

'अ' गटातून आता न्यूझीलँड, ऑस्ट्रेलिया, श्रीलंका आणि बांगलादेश उपांत्यपूर्व फेरीत आले आहेत. 'ब' गटातून उपांत्यपूर्व फेरीत फक्त भारताचा प्रवेश नक्की झाला आहे. पाकडे, द. आफ्रिका, विंडीज आणि आयर्लँड या ४ पैकी ३ देश उपांत्यपूर्व फेरीत येतील. भारताचा उपांत्यपूर्व फेरीतील सामना 'अ' गटातील ४ थ्या क्रमांकाच्या संघाशी म्हणजेच बहुतेक बांगला देशाशी होईल. काही अनपेक्षित निकाल लागले तर कदाचित श्रीलंका किंवा ऑस्ट्रेलियाशीही गाठ पडू शकते.

एकूण ४९ सामन्यांपैकी ३३ म्हणजे दोन तृतीयांश सामने संपलेले आहेत. आगामी सामने -

(३४) मंगळवार १० मार्च, वेळ - सकाळी ६:३० (भाप्रवे), भारत वि. आयर्लँड, स्थळ - हॅमिल्टन

भारत जिंकेल. जर आयर्लँड जिंकले किंवा दोन्ही संघांना १-१ गुण मिळाला तर आयर्लंडचे उपांत्यपूर्व फेरीतील स्थान नक्की होईल.

(३५) बुधवार ११ मार्च, वेळ - सकाळी ९:०० (भाप्रवे), स्कॉटलँड वि. श्रीलंका, स्थळ - होबार्ट

श्रीलंका जिंकेल. चुकून लंकन्स हरले तर त्यांचा 'अ' गटातील २ र्‍या किंवा ३ र्‍या स्थानाचा दावा डळमळीत होईल.

(३६) गूरूवार १२ मार्च, वेळ - सकाळी ६:३० (भाप्रवे), द. आफ्रिका वि. यूएई, स्थळ - वेलिंग्टन

द. आफ्रिका जिंकेल. चुकून आफ्रिकन्स हरले तर त्यांचा 'ब' गटातील २ र्‍या किंवा ३ र्‍या स्थानाचा दावा डळमळीत होईल.

भारताने आयर्लँडला अगदी सहज हरविले. हा विजय अपेक्षितच होता. आता 'ब' गटात आयर्लॅडची अडचण झाली आहे. आयर्लँड (६ गुण), पाकडे (६ गुण) व विंडीजचा (४ गुण) प्रत्येकी १ सामना शिल्लक आहे. आयर्लँड व पाकडे एकमेकांविरूद्ध खेळणार आहेत त्यामुळे त्यातला १ संघ ६ गुणांवरच थांबेल (अनपेक्षितपणे सामना रद्द झाला किंवा बरोबरीत सुटला तर दोन्ही संघांचे ७ गुण होऊन विंडीज घरी जातील), तर विंडीजची दुबळ्या यूएई बरोबर गाठ आहे. विंडीज हा सामना नक्की जिंकून ६ गुण मिळवतील. या सामन्यात विंडीजला १ किंवा ० गुण मिळाले तरी विंडीज घरी जातील.

या दोनपैकी कोणताही सामना रद्द झाला नाही किंवा बरोबरीत सुटला नाही तर विंडीजचे ६ गुण असतील आणि पाकडे व आयर्लंड पैकी एकाचे ६ व दुसर्‍याचे ८ गुण असतील. ज्या २ संघांचे ६ गुण असतील त्यातल्या निव्वळ धावगती सरस असणारा संघ उपांत्यपूर्व फेरीत जाईल.

सध्या पाकडे (निव्वळ धावगती : -०.१९४), विंडीज (निव्वळ धावगती : -०.५११) आणि आयर्लँड (निव्वळ धावगती : -१.०१४) अशी आहे. पाकड्यांनी केलेल्या धावा व दिलेल्या धावा यात फक्त ४८ धावांचा फरक आहे. विंडीजने केलेल्या धावा व दिलेल्या धावा यात फक्त ४० धावांचा फरक आहे. आयर्लंडने केलेल्या धावा व दिलेल्या धावा यात तब्बल १९३ धावांचा फरक आहे.

समजा आयर्लंड हरले व विंडीज जिंकले तर आयर्लंड व विंडीजचे ६ गुण होतील आणी आयर्लंडची निव्वळ धावगती अजून कमी होईल व विंडीजची निव्वळ धावगती वाढेल, त्यामुळे आयर्लंड घरी जातील.

समजा आयर्लंड जिंकले व विंडीजही जिंकले तर आयर्लंड उपांत्यपूर्व फेरीत जातील व पाकड्यांची निव्वळ धावगती आतापेक्षा कमी होईल. सध्या पाकडे व विंडीज यांच्या निव्वळ धावगतीत फारच थोडा फरक असल्याने विंडीजला ६०-७० धावांचा विजय पुरेसा होईल व पाकडे घरी जातील.

त्यामुळे विंडीज आपला सामना साधारण ६०-७० धावांच्या फरकाने जिंकले तरी ते उपांत्यपूर्व फेरीत नक्की जातील व उपांत्यपूर्व फेरीतला शेवटचा संघ पाकडे व आयर्लंडमधील विजेता असेल.

संगकारा जबरदस्त फॉर्मात आहे. दिलशान आणि मॅथ्यूज सुद्धा फॉर्मात आहेत. आजच्या विजयामुळे श्रीलंकेचे 'अ' गटातील तिसरे स्थान जवळपास नक्की झाले आहे. ऑस्ट्रेलिया व बांगलादेश बहुतेक दुसरा व चौथा क्रमांक घेतील.

आपल्या सुदैवाने उपांत्यपूर्व फेरीत आपली गाठ इतर तीन देशांऐवजी बांगलाशी पडेल (बहुतेक). त्यामुळे उपांत्य फेरीत भारत जाणारच. द. आफ्रिका व श्रीलंका या दोन देशांपैकी १ देश उपांत्यपूर्व फेरीतच गारद होणार. परंतु उपांत्य फेरीत या दोन देशातील १ व त्याबरोबरीने ऑस्ट्रेलिया व न्यूझीलँड असतील. त्यामुळे उपांत्य फेरी जिंकणे अवघड आहे.

उद्याचे सामने -

(३९) शनिवार १४ मार्च, वेळ - पहाटे ६:३० (भाप्रवे), भारत वि. झिंबाब्वे, स्थळ - ऑकलँड
(४०) शनिवार १४ मार्च, वेळ - पहाटे ९:०० (भाप्रवे), ऑस्ट्रेलिया वि. स्कॉटलँड, स्थळ - होबार्ट

भारत किंवा झिंबाब्वेच्या दृष्टीने या सामन्याला काहीच महत्त्व नाही. भारत अगदी सहज जिंकेल. त्याचप्रमाणे स्कॉटलँडच्या दृष्टीने या सामन्याला काहीच महत्त्व नाही. परंतु ऑस्ट्रेलियासाठी सामन्याचा निर्णय फरक पाडू शकतो. ऑस्ट्रेलिया सामना जिंकला तर गटात दुसर्‍या क्रमांकावर येतील, १ गुण मिळाला तर श्रीलंकेइतकेच गुण होऊन गटातील क्रमांक (२ रा किंवा ३ रा) निव्वळ धावगतीवर ठरेल. आणि सामना हरला तर बांगलादेशाइतके गुण होऊन ३ रा किंवा ४ था क्रमांक निव्वळ धावगतीवर ठरेल.

अर्थात ऑस्ट्रेलिया हा सामना अगदी सहज जिंकेल, त्यामुळे फारशी चिंता नाही.

जिंकलो एकदाचे. हरलो असतो तरी स्पर्धेच्या दृष्टीने काही फरक पडला नसता. पण लिंबूटिंबू संघाकडून हरल्यामुळे उगाच नाचक्की झाली असती. ४ बाद ९२ असताना पाल चुकचुकायला लागली होती. परंतु नंतर रैना व धोनी जबरदस्त खेळले. रैना बराच नशीबवान ठरला. बर्‍याचदा झेल उडाले. एक सोपा झेल सुटला. परंतु शेवटी भारत जिंकलाच.

भारताने लागोपाठ सहाव्या सामन्यात प्रतिपक्षाचे सर्व १० गडी बाद केले. हा एक नवीन विक्रम असावा. धवन, कोहली, रहाणे, रैना, धोनी इ. पैकी १-२ जण अपयशी ठरले तरी आळीपाळीने उरलेले खेळतातच. त्यामुळेच लागोपाठ ६ सामने जिंकता आले. मात्र रोहीत शर्माचं अपयश चिंताजनक आहे. ६ सामन्यात तो ४ सामने अपयशी ठरलाय व उर्वरीत २ सामन्यात लिंबूटिंबू संघासमोर अर्धशतके केलीत. पण त्याला पर्याय आहे कोठे? रायडू, स्टुअर्ट बिन्नी, भुवनेश्वर आणि अक्षर पटेल हे चारच खेळाडू राखीव आहेत. रोहीत शर्माच्या जागी त्यातला फार तर रायडू आत येऊ शकतो. परंतु धोनी पुढील सामन्याकरीता संघात बदल करेल असे वाटत नाही. हाच संघ उर्वरीत सामने खेळेल हे नक्की.

चला. आता पुढचा निर्णायक सामना गुरूवारी १९ मार्चला सकाळी ९ वाजता बांगला विरूद्ध मेलबोर्नमध्ये.

उद्याचे २ सामने महत्त्वाचे आहेत.

(४१) रविवार १५ मार्च, वेळ - सकाळी ०३:३० (भाप्रवे), यूएई वि. वेस्ट इंडीज, स्थळ - नेपिअर
(४२) रविवार १५ मार्च, वेळ - पहाटे ९:०० (भाप्रवे), आयर्लँड वि. पाकिस्तान, स्थळ - ओव्हल

वेस्ट इंडिज, पाकिस्तान व आयर्लँड या तीन संघांपैकी नक्की कोणते २ संघ व कोणत्या क्रमांकाने उपांत्यपूर्व फेरीत येतील ते उद्या ठरेल.

या दोन सामन्यांपैकी कोणताही एक सामना बरोबरीत सुटला, रद्द झाला किंवा अनिर्णित राहिला तर वेस्ट इंडीजची वाट बंद होऊन आयर्लँड व पाकिस्तान बाद फेरीत जातील.

वेस्ट इंडीज यूएईला अगदी सहज हरवेल असा अंदाज आहे. ते जितक्या मोठ्या फरकाने विजय मिळवितील, तितकी जास्त संधी त्यांना गटात तिसरा क्रमांक मिळविण्यासाठी मिळेल.

आयर्लंड पाकड्यांविरूद्ध जिंकावे अशी इच्छा आहे. परंतु पाकडे थोड्या फरकाने जिंकतील असं वाटतंय.

सध्या तरी पाकिस्तान व वेस्ट इंडीज बाद फेरीत येतील असं वाटतंय. आयर्लंडला बाद फेरीत येण्यासाठी पाकड्यांवर साधा विजय मिळविला तरी चालेल. पाकड्यांची निव्वळ धावगती इतर दोघांपेक्षा सरस असल्याने ते सामना हरूनसुद्धा बाद फेरीत येण्याची बरीच शक्यता आहे. आयर्लंडने पाकड्यांवर मोठा विजय मिळविला व विंडीजने यूएईला मोठ्या फरकाने हरविले तर मात्र पाकडे बाहेर जातील.

वेस्ट इंडीजसाठी वाईट बातमी -

उद्याच्या सामन्यात पावसाचा व्यत्यय यायची शक्यता आहे.

There should be plenty of runs on offer from the surface but mitigating circumstances overhead could make it difficult. A cloudy day is forecast as tropical Cyclone Pam makes its way towards New Zealand. The major rains should only arrive on Monday but some showers are forecast for game day as well.

पावसाने किंवा इतर कोणत्याही कारणाने सामना अनिर्णित राहिला किंवा बरोबरीत सुटला तर विंडीजला एकूण ५ गुण मिळून विंडीज गटात ५ व्या क्रमांकावर राहिल्याने उपांत्यपूर्व फेरीत प्रवेश मिळणार नाही.

निव्वळ धावगती व गुण : पाकिस्तान = -०.१९४, ६ गुण, वेस्ट इंडीज = -०.५११, ४ गुण, आयर्लंड = -१.०१४, ६ गुण
______________________________________________________________________________

पाकिस्तानची निव्वळ धावगती इतरांच्या तुलनेत चांगली असल्याने आयर्लंडबरोबर हरले तरी त्यांना बरीच संधी आहे. समजा विंडीजने यूएई विरूद्ध ३०० धावा करून ५० धावांनी विजय मिळविला आणि पाकड्यांविरूद्ध आयर्लंडने ३०० धावा केल्या तर पाकड्यांना विंडीजच्यापेक्षा जास्त निव्वळ धावगती राखण्यासाठी किमान २७४ धावा कराव्या लागतील.

समजा विंडीजने यूएईविरूद्ध २५१ धावांचे लक्ष्य ४० षटकांत पूर्ण केले आणि पाकड्यांनी आयर्लंडसमोर २५० धावांचे लक्ष्य ठेवले तर आयर्लंडला ते लक्ष्य गाठण्यासाठी पाकिस्तानने आयर्लंडला किमान ४६ षटके तरी खेळवायला हवे.

समजा विंडीजने यूएईवर किमान ७५ धावांनी विजय मिळविला किंवा यूएईने ठेवलेले लक्ष्य किमान ८१ चेंडू राखून पार केले तर मात्र पाकड्यांना आयर्लंडला हरवावेच लागेल किंवा किमान १ गुण मिळवावाच लागेल.
______________________________________________________________________________

विंडीजने यूएईला हरविले तर कोणत्याही परिस्थितीत आयर्लंडला पाकिस्तानला हरवावेच लागेल. अन्यथा उपांत्यपूर्व फेरीत प्रवेश मिळणार नाही.
______________________________________________________________________________

एकंदरीत उपांत्यपूर्व फेरीत प्रवेश करण्याची सर्वात कमी शक्यता आयर्लंडची आहे व सर्वात जास्त शक्यता पाकड्यांची आहे. परंतु उपांत्यपूर्व फेरीत प्रवेश करणारे हे दोन्ही संघ तिसर्‍या/चौथ्या क्रमांकावर असल्याने त्यांची पुढील फेरीत ऑस्ट्रेलिया/न्यूझीलँड या तगड्या संघांशी पडेल व ते सामने यांना फारच भारी जातील.

असो. बघूया उद्या काय होतंय ते. आयर्लंडने पाकड्यांना हरवावे व विंडीजने यूएईवर मोठा विजय मिळवून पाकड्यांना घरी पाठवावे अशी मनोमन इच्छा आहे. विंडीज यूएईला नक्की हरवेल, परंतु पाकडे आयर्लंडवर निसटता विजय मिळवतील असा अंदाज आहे.

लंकन्स अगदीच सादळलेला फटाका निघाले. लंकेची सर्वबाद १३३ अशी भीषण अवस्था होईल अशी स्वप्नात सुद्धा कल्पना केली नव्हती. भारताप्रमाणेच फिरकी गोलंदाजी खेळणारे सर्वोत्तम फलंदाज ज्या संघात आहेत, त्या संघाविरुद्ध एका पार्टटाईम फिरकी गोलंदाज हॅटट्रिक घेतो आणि १० पैकी ७ फलंदाज फिरकी गोलंदाजासमोर बाद होतात यावर विश्वास बसणे अवघड आहे.

आफ्रिकेने उत्तम गोलंदाजी केली यात शंकाच नाही. थिरीमन्नेला खाली ठेवून कुसल परेराला सलामीला पाठविण्यामागची योजना समजलीच नाही. कुसल परेरा पहिल्या चेंडूपासून ऑफस्टंपाबाहेरील चेंडूंचा पाठलाग करत होता. दोन वेळा स्लिपच्या डोक्यावरून फटका गेलां. शेवटी एका उत्कृष्ट चेंडूवर बाद झाला. संगक्कारा आज इतका नांगर टाकून का खेळला हे एक गूढच आहे.

आता ६.२ षटकांत नाबाद ४० धावा करणारे आफ्रिकन्स उपांत्य फेरीत पोहोचल्यासारखेच आहेत. दुर्दैवाने त्यांना उपांत्य फेरीत बहुतेक न्यूझीलँडशी खेळावे लागेल व या दोनपैकी एका संघाला गाशा गुंडाळावा लागणार. दोनही संघ यापूर्वी अनेकवेळा उपांत्य फेरीत पोहोचून हरलेले आहेत. यावेळी यातला एक संघ नक्की अंतिम फेरीत असेल व दुसर्‍याला इतिहासाची पुनरावृत्ती करत उपांत्यफेरीत पुन्हा एकदा हरावे लागणार. दोनही संघ आवडते असल्याने कोण हरावे आणि कोण जिंकावे याचा विचारच करवत नाहीय्ये.

माहेला जयवर्देना आणि कुमार संगक्कारा या दोन महान श्रीलंकन खेळाडूंचा हा कारकिर्दीतला शेवटचा एकदिवसीय आंतरराष्ट्रीय सामना ठरला. या सामन्यानंतर हे दोघेही एकदिवसीय क्रिकेटमधून निवृत्त झाले आहेत. दुर्दैवाने त्यांची निवृत्ती संस्मरणीय ठरली नाही. श्रीलंका सामना हरले आणि दोघांचीही फलंदाजी चांगली झाली नाही आणि श्रीलंका स्पर्धेतून बाद झाले अशी सर्व दृष्टीने वाईट अशी त्यांची निवृत्ती ठरली. जयवर्देना फक्त ४ धावांवर बाद झाला तर संगक्काराने जरी ४५ धावा केल्या तरी त्या त्याने अत्यंत संथ खेळून दडपणाखाली केल्या.

थिरिमन्नेऐवजी कुशल परेराला सलामीला पाठवायचा श्रीलंकेचा निर्णय पूर्ण चुकला. तरीसुद्धा २ बाद ४ अशा धावसंख्येवर खेळायला आलेल्या थिरीमन्नेने चांगली सुरूवात केली होती. आल्याआल्या अ‍ॅबॉटला दोन उत्कृष्ट चौकार मारून त्याने दडपण नाहीसे करायचा प्रयत्न केला. परंतु दुसर्‍या बाजूने संगक्कारा आपला नेहमीचा खेळ विसरून विनाकारण दडपण घेऊन खेळत होता. खाते उघडायला त्याने तब्बल १६ चेंडू घेतले. थिरीमन्नेने ३० चेंडूत ३० धावा केल्या असताना संगक्काराच्या नावावर ३८ चेंडूत फक्त ५ धावा होत्या.

संगक्काराने १-१ धाव घेऊन वेगात खेळत असलेल्या थिरीमन्नेला जास्तीत जास्त चेंडू खेळायची संधी दिली असती तर कदाचित चित्र वेगळेच दिसले असते. संगक्कारामुळे श्रीलंकेची धावगती वाढलीच नाही. पहिल्या १० षटकांत २ बाद ३५, २० व्या षटकानंतर ३ बाद ७२, ३० व्या षटकानंतर ४ बाद १०५ ... पहिल्या षटकापासून ३० व्या षटकापर्यंत श्रीलंकेच्या डावाची गती प्रतिषटक ३.५० च्या आसपासच राहिली. त्यात घट/वाढ झालीच नाही. एकाच गतीने श्रीलंकन फलंदाजांनी धावा केल्या व त्याला मुख्यत्वेकरून कारणीभूत होता संथ खेळणारा संगक्कारा.

अगदी शेवटी संगक्काराने धडपड केली. ९० चेंडूत नाबाद ३४ अशी केविलवाणी फलंदाजी करणार्‍या संगक्काराने मग एकदम आक्रमक पवित्रा घेतला. पण तेव्हा खूपच उशीर झाला होता. तोपर्यंत श्रीलंकेचे ८ फलंदाज बाद झाले होते आणि धावसंख्या होती ८ बाद ११६. शेवटच्या ८ चेंडूत ११ धावा करून शेवटी संगक्कारा ९६ चेंडूत ४५ अशी फारशी स्पृहणीय कामगिरी न करता आपल्या कारकीर्दीतल्या शेवटच्या डावात बाद झाला.

जरी जयवर्देना व संगक्कारा आजच्या सामन्यात फारसे काही करू शकले नाहीत तरी त्यांची कारकीर्द असामान्यच राहील. विशेषतः अत्यंत शैलीदार व मैदानावर अत्यंत सभ्य असलेला जयवर्देना हा माझा अत्यंत आवडता खेळाडू. आज तो निवृत्त झाल्याने जरा उदास वाटत आहे.

३७ वर्षीय संगक्काराने ४०४ एकदिवसीय सामन्यात १४,२३४ धावा केल्या आहेत. या स्पर्धेत त्याने लागोपाठ ४ सामन्यात शतके केली आहेत.

१९९७ मध्ये आपल्या कारकीर्दीची सुरूवात करणार्‍या ३८ वर्षीय जयवर्देनाने १४९ कसोटी सामन्यात ११,८१४ धावा व ४४८ एकदिवसीय सामन्यात १२,६५० धावा केल्या आहेत.

जयवर्देना कसोटी सामन्यातून काही महिन्यांपूर्वीच निवृत्त झाला. संगक्कारा कसोटी सामन्यातून जुलै-ऑगस्ट मध्ये निवृत्त होणार आहे. या दोघांच्या पाठोपाठ ३८ वर्षीय दिलशानही लवकरच निवृत्त होईल. कुलसेकरा व हेराथ आपली शेवटची विश्वचषक स्पर्धा खेळत आहेत. एकंदरीत २०१५ मध्ये श्रीलंका संघाला मोठे भगदाड पडणार आहे. अनेक महाण खेळाडू निवृत्त होत असून त्यांची जागा भरायला तितकेच तोलामोलाचे खेळाडू अजूनतरी मिळताना दिसत नाहीत.

उद्याचा सामना भारत सहज जिंकेल. बांगलाने नाणेफेक जिंकली तर बहुतेक ते प्रथम फलंदाजी करतील. प्रथम फलंदाजी असो वा क्षेत्ररक्षण, भारत सामना जिंकणार.

बांगलाविरूद्ध अगदी आरामात जिंकलो. जिंकणारच होतो. भारत जिंकणार याविषयी मनात कणभरही शंका नव्हती. बांगलादेश फारच माजलेल्या अवस्थेत होता. उपांत्यपूर्व फेरीत प्रवेश मिळविला म्हणजे स्वर्गातल्या ७२ कुमारिका अप्सरा मिळाल्यासारखे त्यांचे वर्तन होते. भारताची "मौका" ही जाहीरात कॉपी करून त्यांनी विनाकारण आपले हसे करून घेतले. आजच्या सामन्यापूर्वी भारत व बांगलादेश एकमेकांशी एकूण २८ एकदिवसीय सामने खेळले होते. बांगलाला त्यातले फक्त ३ जिंकता आले आहेत. "मौका" जाहीरात कॉपी करून त्यात २००७ मधल्या विश्वचषक स्पर्धेत व नंतर २०१२ च्या आशियायी चषक स्पर्धेत बांगलाने भारतावर विजय मिळविल्याची क्लिप दाखवित होते. कधीतरी मिळालेल्या विजयांचा आनंद अजून किती वर्षे साजरा करणार? ४-५ महिन्यांपूर्वी बांगलादेशात भारताच्या दुय्यम संघाने सर्वबाद १०३ धावा केल्यावर बांगलाच्या मुख्य संघाला ५८ धावात गुंडाळून त्यांच्यावर नामुष्कीची वेळ आणली होती हे जाहीरातकर्ते विसरलेले दिसतात. भारतापुढे आपली लायकी किती हा विचार जाहिरात बनविणार्‍याने केलेला दिसत नाही. बांगलाचे खेळाडूही माजलेले दिसत होते. कोहलीला बाद केल्यावर रुबेल होसेनचे आविर्भाव अत्यंत चीड आणणारे होते.

भारताने बांगलासारखा बालिशपणा न दाखविता शांतपणे आपल्या खेळातून उत्तर दिले. सामना फारच एकतर्फी झाला. शेवटी रूबेल होसेन खेळायला आल्यावर धोनीने कोहलीला गोलंदाजीला आणावे अशी माझी इच्छा होती.

असो. भारत उपांत्य फेरीत दाखल झाला याचा अतिशय आनंद झाला आहे. भारत उपांत्यपूर्व फेरीतच हरेल असे स्पर्धेला सुरूवात होण्यापूर्वी मला वाटले होते. सुदैवाने माझा अंदाज खोटा ठरला. आता उपांत्य फेरीत बहुतेक ऑस्ट्रेलियाशीच गाठ पडेल. तो सामना जिंकणे अत्यंत अवघड आहे, परंतु नव्याने भरात आलेला भारतीय संघ ऑस्ट्रेलियाला ऑस्ट्रेलियन भूमीवर हरवू शकेल असा आत्मविश्वास वाटत आहे.

>>> बाकी, सुरुवातीच्या विकेटा गेल्यावर आज बांगला अडीचशे तरी करु देतं की नै असा विचार चमकुन गेला होता.

तसं काही वेळ वाटलं होतं खरं. भारत १० षटकांत नाबाद ५१, ३० षटकांत ३ बाद १२६ (मधल्या २० षटकांत फक्त ७५ धावा) आणि नंतर ३५ षटकांत ३ बाद १५५ (म्हणजे १० षटकानंतरच्या २५ षटकात फक्त १०४ धावा) अशी अवस्था पाहिल्यावर २७५ सुद्धा जरा अवघड वाटत होते. परंतु फक्त ३ गडीच बाद होते, त्यामुळे नंतर टॉप गिअरमध्ये येतील अशी खात्री होती. समजा भारताला २६० चा आकडा सुद्धा पार करता आला नसता तरी काळजी नव्हती कारण त्यामुळे खेळपट्टी गोलंदाजांना साथ देत आहे हे दिसले असते व आपल्या गोलंदाजांसमोर बांगला हरलेच असते.

>>> बाय द वे, गुरुजी आता फक्त एकाच सामन्यापुरते उरणार का आपण ?
ऑस्ट्रेलियाशी खेळायचं म्हटलं की खेळाडुंचं माहिती नै पण माझेच हातपाय ढिले पडतात.

ऑस्ट्रेलियाशी खेळायची भीतिच वाटतेय. परंतु सांघिक कामगिरीच्या जोरावर आपण ऑस्ट्रेलियाला नमवू शकतो असं वाटतंय. ऑस्ट्रेलियाविरूद्ध शक्यतो पहिली फलंदाजी केल्यास उत्तम.

>>> जिकंण्याची संधी चाळीस टक्के भारतीय तर साठ टक्के ऑष्ट्रेलिया.

आज माझेही हेच मत.

पाकडे सर्वबाद २१३ (४९.५ षटकांत). आज पाकच्या गोलंदाजांनी कमाल दाखविली नाही तर ऑसीज अगदी सहज जिंकणार. मिसबाह, उमर अकमल आणि आफ्रिदी हे तिघेही डीप मिडविकेटवर फिंचच्या हातात झेल देऊन बाद झाले. तिघेही बाद होण्यापूर्वी चांगले स्थिरावले होते. आफ्रीदीने हातोडा फिरवायला सुरूवात केली होती. परंतु ऑस्ट्रेलियांच्या गोलंदाजांनी त्यांना फटक्याच्या मोहात पाडून फसविले.

मिसबाह व आफ्रिदीचा कारकीर्दीतला हा बहुतेक शेवटचाच सामना. विश्वचषक स्पर्धेनंतर मिसबाह व आफ्रिदी निवृत्त होणार असल्याने आजचा सामना पाकडे हरले तर (तीच जास्त शक्यता आहे) त्यांचा हा शेवटचाच सामना.

पाकडे उपांत्य फेरीत आपल्याविरूद्ध असते तर उपांत्य फेरी जिंकल्यातच जमा होती. परंतु आता ऑस्ट्रेलियाच येण्याची दाट शक्यता आहे.

२०११ च्या विश्वचषकात पाकड्यांनीच प्राथमिक फेरीत ऑस्ट्रेलियाला १७६ धावात बाद करून व सामना जिंकून ऑस्ट्रेलियाच्या विश्वचषकातील सलग २७ विजयांची माला खंडीत केली होती. आज तसाच चमत्कार पाकिस्तानचे गोलंदाज दाखवतील का ते दुसर्‍या डावात कळेलच.

अपेक्षेप्रमाणे न्यूझीलँड जिंकले. परंतु वेस्ट इंडीजच्या जवळपास सर्वच खेळाडूंनी सकारात्मक व वेगवान खेळ केला. जवळपास ४०० धावा करण्याचे आव्हान यशस्वीरित्या पार करणे जवळपास अशक्यच होते. परंतु विंडीजच्या खेळाडूंनी सातत्याने प्रतिषटक ८ धावांच्या वेगाने फलंदाजी केली व सामन्यात मजा आणली. न्यूझीलॅंडच्या ३९३ धावात २४६ धावा (६२% धावा) चौकार व षटकारांच्या मदतीने झाल्या होत्या (३९ चौकार व १५ षटकार). विंडीजने जेमतेम २५० धावा केल्या. परंतु त्यातील १९६ धावा (७८%) चौकार व षटकारांच्या मदतीने झाल्या होत्या (२५ चौकार व १६ षटकार). या आकडेवारीवरून विंडीजच्या आक्रमक खेळाची कल्पना येईल. वेस्ट इंडीजला शेवटपर्यंत एक बाजू लावून धरणारा फलंदाज कमी पडला. अन्यथा आज ते लक्ष्याच्या जवळपास जाऊ शकले असते. ड्वेन ब्राव्हो, पोलार्ड व सुनील नरीनेला न घेतल्याची चूक विंडीजला नक्कीच महागात गेली.

उपांत्यपूर्व फेरीतील सर्व चार सामने विजेत्यांनी मोठ्या फरकाने जिंकले. हे सामने इतके एकतर्फी होतील असे वाटले नव्हते. आता वाट पाहूया पुढील आठवड्यातील उपांत्य फेरीतील सामन्यांची.

विश्वचषक सुरू होण्यापूर्वी हा लेख लिहिला होता. ऑस्ट्रेलिया, न्यूझीलॅंड, द. आफ्रिका व श्रीलंका हे चार देश उपांत्य फेरीत येतील असा अंदाज केला होता.

खालील अंदाजही केला होता.

न्यूझीलँड, श्रीलंका व ऑस्ट्रेलिया 'अ' गटात व द. आफ्रिका 'ब' गटात असल्याने उपांत्यपूर्व फेरीतच द. आफ्रिका वि. ऑस्ट्रेलिया किंवा द. आफ्रिका वि. न्यूझीलॅंड किंवा द. आफ्रिका वि. श्रीलंका असा सामना होण्याची ७५ टक्के शक्यता आहे. तसे झाले तर उपांत्य फेरीतील संभाव्य ४ संघातील एक संघ उपांत्यपूर्व फेरीतच पराभूत होईल व त्यामुळे इंग्लंड, भारत किंवा पाकिस्तानला उपांत्य फेरीत जायची संधी मिळू शकेल. कदाचित त्यामुळे अंतिम फेरीत अंदाजापेक्षा एखादा वेगळाच संघ असेल.

द. आफ्रिका व श्रीलंका उपांत्यपूर्व फेरीतच समोरासमोर आल्याने एक अंदाज चुकला व संपूर्ण स्पर्धेत आतापर्यंत भारताने धडाकेबाज कामगिरी केल्याने भारत उपांत्य फेरीत आला आहे.

उपांत्य फेरीतील सामने

(१) मंगळवार २४ मार्च, वेळ - सकाळी ६:३० (भाप्रवे), न्यूझीलँड वि. द. आफ्रिका, स्थळ - ऑकलँड

न्यूझीलँड वि. द. आफ्रिका हा अंतिम सामना होऊन द. आफ्रिका विजेता होईल असा सुरवातीचा अंदाज होता. परंतु हे दोघे उपांत्य फेरीतच समोरासमोर आले आहेत. न्यूझीलँड सातव्यांदा तर द. आफ्रिका चौथ्यांदा उपांत्य फेरीत आले आहेत. दोघांनाही आजवर एकदाही उपांत्य फेरीचा सामना जिंकता आलेला नाही. यावेळी मात्र दोघांपैकी एकजण नक्कीच प्रथमच अंतिम फेरीत जाणार.

हा सामना खूप चुरशीचा होईल असे वाटते. परंतु न्यूझीलॅंडचा आतापर्यंतचा धडाका व सामना न्यूझीलँडमध्ये होत आहे हे लक्षात घेतल्यास न्यूझीलॅंड सामना जिंकतील असं वाटतंय. न्यूझीलँड सामना जिंकण्याची शक्यता ६० टक्के आहे.

(२) गुरूवार २६ मार्च, वेळ - सकाळी ९:०० (भाप्रवे), भारत वि. ऑस्ट्रेलिया, स्थळ - सिडने

ऑस्ट्रेलिया सातव्यांदा तर भारत सहाव्यांदा उपांत्य फेरीत आले आहेत. ऑस्ट्रेलियाने यापूर्वी उपांत्य फेरीत कधीच पराभूत झालेला नाही. भारताने उपांत्य फेरीच्या ५ पैकी ३ सामन्यात विजय मिळविलेला आहे. एकंदरीत ऑस्ट्रेलियाचे पारडे जड आहे. परंतु नुकत्याच संपलेल्या पाकिस्तानविरूद्धच्या सामन्यात ऑस्ट्रेलियाच्या मर्यादा काही प्रमाणात उघड्या पडलेल्या आहेत. भारताचा संघ अत्यंत जोमात आहे. सिडनेची खेळपट्टी बर्‍याच प्रमाणात फिरकीला साथ देते. हे लक्षात घेता हा सामना एकतर्फी न होता बर्‍यापैकी चुरशीचा होऊन ऑस्ट्रेलिया विजयी होईल असे वाटते. ऑस्ट्रेलिया जिंकण्याची शक्यता ६० टक्के वाटते. हा अंदाज चुकुन भारत निर्विवाद विजयी व्हावा हीच आकाशातल्या बापाकडे प्रार्थना!

न्यूझीलँडचा सर्वाधिक वेगवान गोलंदाज अ‍ॅडम मिल्ने टाचेच्या दुखापतीमुळे उद्या (आणि उद्याचा सामना जिंकल्यास अंतिम सामनासुद्धा) खेळू शकणार नाही. त्याच्याऐवजी बहुतेक मॅट हेन्री आत येईल. मॅट हेन्रीने आतापर्यन्त फक्त ८ एकदिवसीय सामने खेळलेले आहेत व त्यात त्याने २१ बळी मिळविलेले आहेत. मॅट हेन्रीला न घेतल्यास न्यूझीलॅंडकडे मिचेल मॅकलेनघॅन, कायल मिल्स व नेथन मॅकलम् हे पर्याय उपलब्ध आहेत.

उद्या पाऊस येण्याची ६०% शक्यता आहे. परंतु उपांत्य फेरीच्या सामन्यासाठी बुधवारचा दिवस राखीव असल्याने उद्या सामना पूर्ण झाला नाही तर सामना बुधवारी पुढे सुरू होईल.

द. आफ्रिका व न्यूझीलँड हे दोन्ही संघ आवडते असल्याने सामन्याच्या निकालाने आनंद व दु:ख एकाचवेळी होणार. न्यूझीलँड सामना जिंकण्याची तुलनेने जास्त शक्यता आहे.