Skip to main content

मले माईतच नाई...

लेखक ऊध्दव गावंडे यांनी शनिवार, 14/02/2015 12:34 या दिवशी प्रकाशित केले.

असं कसं होते मालं
मले कयतच नाई
तसं झालं तरी काई
मले माईतच नाई

नेतो नाल्या वरं ढोरं
मी पानी दाखोयाले
धुनं धूते तथी कशी
मले माईतच नाई

डाबडुबली खेयाले
म्हून आंब्या खाली जातो
तिची रखवाली तथी
मले माईतच नाई

गुळं फोळला दुपारी
ढोरं हकल्याले जातो
ढोरं हायेतं तिचेचं
मले माईतच नाई

संद्याकाई ईरीवरं
पानी भर्यासाठी जातो
नस्ते तिच्या जोळं दोरं
मले माईतचं नाई

यकं दिसं बुडा म्हने
तुयं लगन जुळलं
माई नौंरी केलं तिले
मले माईतचं नाई

तसं झालं काई तरी
मले माईतचं नाई

शब्दार्थः
नालाः नदी

पानी दाखोयालेः पाणी पाजण्या साठी

डाबडुबलीः आंब्या च्या झाडावर खेळायचा खेळ

रखवालीः watch

गुळः वैरणा चा ढीग

इरः विहीर

दोरः roap

नौरीः नवरी

लेखनविषय:
वाचने 3176
प्रतिक्रिया 19

प्रतिक्रिया

कैलासवासी सोन्याबापु शनिवार, 14/02/2015 13:13

हाव!!! आपल्या गावा च्या इकळे अश्शेच लगन होते!!! ४ मैने पैले मले बी बुड्या न अशीच आणून देलती हो!!!

कैलासवासी सोन्याबापु शनिवार, 14/02/2015 13:46

"गुळ फ़ोळला" म्हणजे वैरणी चा मोठा ढिग उपसुन एक लहान पेंडी चारा वैरण (कड़बा उर्फ़ ज्वारी मक्याची ताट वगैरे) जनावरा पुढल्या गव्हाणित टाकणे :)

श्रीरंग_जोशी शनिवार, 14/02/2015 22:01

कविता आवडली.

बाकी

दोरः roap

हे

दोरः rope

असे हवे होते.

दोर या शब्दाचा अर्थ लिहिला नसता तरी चालले असते.

गणेशा शनिवार, 14/02/2015 22:53

कविता आवडली.. पण त्या पेक्षाही ही भाषा मला जास्त आवडली.

लोकभाषेतील शब्द शुद्ध नसतील पण त्यांच्यातील गोडवा अवीट असतो .. मला तर प्रत्येकाची आपली लोकभाषा गावाकडं राहणारी आपली आई वाटते.

श्रीरंग_जोशी रविवार, 15/02/2015 03:52

महाराष्ट्रातील इतर भागांतील ग्रामीण शैलीत आईवडिलांना म्हातारी-म्हातारा म्हणण्याची पद्धत आहे तशीच वर्‍हाडीमध्ये बुढी, बुढा असे म्हणण्याची पद्धत आहे.

शाळा कॉलेजमध्ये असे संवाद कानावर पडू शकतात.

अबे... काय सांगू तुले, काल कलास बुडवून थेट पिच्चर पाहयले गेलो अन नेमकं बुढ्याले मालूम पडलं.