ऑनलाईन बुद्धिबळ स्पर्धा

खूप छान !!

जंगी सामने बघायला मिळतील अशी आशा ! आणी बरेच शिकायला मिळेल.

--बुद्धीबळात नवखा....

स्पर्धेला, स्पर्धकांना, आयोजकांना आणि हितचिंतकांना (ज्यात आम्हिही आहोत :) ) मनःपूर्वक शुभेच्छा ! *clapping* *good*

या नव्या अभिनव उपक्रमाला मन:पूर्वक शुभेच्छा !

मला नक्कीच आव्डेल सहभागी व्हायला.

माझं नाव घ्या भो स्पर्धेत.

बाकी, या बहुगुणी माणसाचं मला लै कौतुक वाटतं. आपली सर्व कामं धामं सोडून मिपावर काही उत्तम उपक्रम राबवता येतो का याचा यांना इतका ध्यास लागलेला असतो की बस. बहुगुणी असेच. मागे एकदा यांनीच म्युझीकवरुन गाणं शोधायचा उपक्रम राबविला सर्वांना सहभागी करुन घेतलं. मिपाकरांचे दोन क्षण आनंदात गेले.

आताही बहुगुणी यांचा हा उपक्रम मी पाहतोय. ऑनलाइन कशी स्पर्धा घेता येईल, कसे प्रेक्षक असतील, कसा डाव पाहता येईल, कसा कुठून कोड आणायचा चिटकावयाचा. लोकांचा सहभाग किती असेल नी काय, सालं अशा किती न काय गोष्टी कराव्या लागत असतात. नमस्कार हे भो आपल्या चिकाटीला. आणि तहेदिलसे शुभेच्छा.

-दिलीप बिरुटे

या नव्या अभिनव उपक्रमाला मन:पूर्वक शुभेच्छा !!!!

मी पण स्पर्धेत भाग घेण्यास तयार आहे. पण खेळण्याची वेळ कशी असेल?

मला काही नीट खेळता येत नाही, पण त्यानिमित्ताने शिकता येईल. इतर स्पर्धकांना माझ्यासारखी ''लिंबूटिंबू'' चालणार असेल तर मलाही आवडेल सहभागी व्हायला. वेळ वगैरे प्रश्न आहेतच म्हणा!

लिंबूटिंबू गटात टाकणार असाल तरच....

धन्यवाद!

वरील प्रतिसादांतून आणि इतर व्य निं मधून खालील स्पर्धक भाग घेतील असं दिसतंय; या सर्वांची नावे या तक्त्यात आहेत, आधिक स्पर्धेच्छुक खेळाडूंनी शक्यतो तिथेच नावनोंदणी करावी (न जमल्यास इथे या धाग्यात मला कळवा):

1. गणपा
2. निराकार गाढव
3. विअर्ड विक्स
4. ब़जरबट्टू
5. योगी ९००
6. प्रा.डॉ. बिरुटे
7. वल्ली
8. मृत्युंजय
9. आतिवास
10. नन्दादीप
11. बहुगुणी

मी १०-१९ जानेवारी या दरम्यान प्रवासात असल्याने त्या कालावधीत आयोजनात माझा सहभाग असणं कठीण आहे. संपादक मंडळापैकी कोणी जबाबदारी घेत असाल तर उत्तम, अन्यथा मला वाटतं ९ जानेवारी भारतीय प्रमाण वेळ दुपारी १२ पर्यंत जितक्या प्रवेशिका येतील त्यांतून दोन गट करून 'नॉक आऊट' पद्धतीने स्पर्धा घेऊ शकू (केवळ दहाच दिवस स्पर्धा असल्याने, आणि भारतातील व इतर देशातील कार्यालयीन वेळा टाळणं गरजेचं असल्याने 'राऊंड रॉबिन' पद्दतीने खेळणं कठीण आहे).

आपण 'लिंबू-टिंबू' आणि 'लय भारी' अशा दोन गटात स्पर्धा घेऊ शकू. इच्छुकांनी आपापली नावे आणि अपेक्षित गट लवकरात लवकर नोंदवले तर १० जानेवारीस ड्रॉ प्रकाशित करू शकेन.

सामन्यांच्या वेळेवरील मर्यादा पाहता आपण स्पर्धेसाठी 'ब्लिट्झ' ही पद्धत वापरावी असं सूचवेन (उदाहरणार्थः प्रत्येक चालीसाठी ५ मिनिटे मर्यादा, प्रत्येकी ४० अशा एकूण ८० चाली; म्हणजे एक सामना साधारण ७ तासांत संपावा.) दर दिवशी १ 'लिंबू-टिंबू' आणि १ 'लय भारी' असा सामना झाल्यास अंदाजे २० सामने १० दिवसांत संपू शकतील. म्हणजे प्रत्येक गटास १० खेळाडूची मर्यादा असावी. या हिशोबाने आणखी १० खेळाडू सहभाग घेऊ शकतील. त्यांनी आपली नावे लवकर नोंदवावी.

महत्वाचे म्हणजे आपल्याला प्रत्येक सामन्यासाठी एका निरीक्षकाची (मॉडरेटर ची) गरज असेल, नियम जाणणारे स्पर्धकांपैकीच वा इतर प्रेक्षकांपैकी कोण कोण यासाठी उपलब्ध असू शकतील तेही कळवा.

उत्साही सहभागाबद्दल आभार!

खेळाची आइडिआ लय भारी. कोड मिळाला की ते डाव पटावर खेळून बघणार आहे.

ज्यांना हवे असतील त्यांच्यासाठी बुद्धीबळाचे नियम इथे आहेत.

मी इछुक आहे

नाव देणार्‍या प्रत्येकाने आपापल्या कौशल्य-गटाची माहिती देखील द्यायची आहे (खर्री-खुर्री ;-) ), म्हणजे 'लिंबू-टिंबू' की 'लय भारी', त्याप्रमाणे ड्रॉ काढणं सोपं जाईल.

भाग घेण्यास इच्छुक.

मी अर्थातच ''लिंबू-टिंबू'' गटात!

मी आधी स्पर्धा बघेन!माझ्याही पेक्षा लिंबू -टिंबू कोणी दिसलं(मिळणं कठीण आहे.पण प्रयत्न करुन पाहू!) ^_~ की पुढच्या स्पर्धेत भाग घेईन.

अतिशय स्तुत्य उपक्रम!
स्पर्धा कशी होणार हे पाहण्यास उत्सुक आहे.
शुभेच्छा.

चालीस १- २ मिनटे वेळ पुरेसा वाटतो. माझ्यामते प्रत्येकाने आपली वेळ उपलब्धी टाकली तर अजून बरे होईल. व स्पर्धा खुल्या गटातच व्हावी.

आणखी काही मान्यतेची / विरोधातली मतं येताहेत त्याची वाट पाहू, आणि मग एकाच गटात आणि प्रत्येक चालीस दोन मिनिटे कालमर्यादा ठेवण्याचा निर्णय घेऊयात.
अजया, कंजूस, खटपट्या, इस्पिकचा एक्का, स्नेहांकिता : स्पर्धा दुरून पहाण्यापेक्ष सरळ भागच घ्याना, इथे सगळेच हौशी आहेत आणि सामने खेळीमेळीनेच होतील, तेंव्हा हार-जीतीला फारसं महत्व द्यायला नको :-) या मैदानात!

त्यामुळे, ह्या वर्षी फक्त अंदाज...

चांगला उपक्रम. माझही नाव घ्या स्पर्धे साठी.

मंडळी,

९ जानेवारी भारतीय प्रमाण वेळ दुपारी ५ पर्यंत जितक्या प्रवेशिका येतील त्यांतून ड्रॉ काढून एकाच गटात 'नॉक आऊट' पद्धतीने स्पर्धा घेतली जाईल.

सामने १५ तारखेपासून सुरू होतील. तांत्रिक अडचणी न येता दर दिवशी दोन सामने एकाच वेळी (in parallel) घेता यावेत असं सध्या तरी दिसतं आहे.

काही कल्पना सर्वांच्या विचारार्थः

1. प्रत्येक खेळाडूस प्रत्येक चालीसाठी दोन मिनिटे मर्यादा असेल, आणि प्रत्येकी जास्तीत जास्त ४० चालीत सामना संपवावा लागेल, म्हणजे एकूण १६० मिनिटांत (अडीच तासाहून थोड्या आधिक वेळात) प्रत्येक सामना संपेल.
2. प्रत्येक सामना त्या-त्या दिवशीच्या ड्रॉ नुसार खेळाडूंच्या सोयीने भारतीय प्रमाण वेळेत संध्याकाळी ६ वाजल्यापासून त्याच दिवशी मध्यरात्री १२ पर्यंत संपला पाहिजे.
3. एखादा सामना बरोबरीत सुटलाच तर त्या जोडीमधेच अजून एक सामना त्याच संध्याकाळी घेतला जाईल, आणि तोही बरोबरीत सुटला तर त्या वेळच्या पट-स्थितीत ज्या खेळाडूचे मोहोर्‍यांचे सामर्थ्य आधिक असेल (आधिक मुख्य मोहोरी आणि आधिक प्यादी) त्या खेळाडूस मॉडरेटर विजयी घोषित करतील.

सध्या १५ खेळाडूंनी नावे नोंदवली आहेत, त्यांपैकी माझा सहभाग पहिले ४ दिवस कठीण असल्याने, आणखी २ खेळाडू आले तर १६ खेळाडूंमध्ये ड्रॉ काढून स्पर्धा निर्धारित वेळेत संपवणं शक्य आहे. तेंव्हा ९ जानेवारी भारतीय प्रमाण वेळ दुपारी ५ पर्यंत आणखी २ खेळाडूंनी नावे नोंदवावीत असं आवाहन करतो.

प्रत्येक सामना त्या-त्या दिवशीच्या ड्रॉ नुसार खेळाडूंच्या सोयीने भारतीय प्रमाण वेळेत संध्याकाळी ६ वाजल्यापासून त्याच दिवशी मध्यरात्री १२ पर्यंत संपला पाहिजे.

सामने शनिवारी रविवारी असतील तर ठीक आहे. नाहीतर बाकीच्या दिवशी यावेळेत आम्ही ऑफीसात असू.

खेळाडूंपैकी किती जण भारताबाहेर आहेत? आणि अशांना भारतातील कोणत्या वेळी (भारतातील दिवसा ९-५ हा कालावधी शक्यतो टाळून) खेळता येईल? खटपट्या कॅलिफोर्नियात आहेत असं दिसतं आहे...

निराकार गाढव यांचे सर कुठाहेत? वो बहुत अच्छा बुद्धीबल खेलते हय अयसी खबर सुलतान को पंहुची हय.

आतापर्यंत धाग्यात न आलेलं maheshw हे नाव कुणीतरी नोंदवलं आहे. हे सभासद कोण आणि ते भारतात असतात की इतरत्र? इतरत्र असतील तर भारतातील कोणत्या वेळी (भारतातील दिवसा ९-५ हा कालावधी शक्यतो टाळून) त्यांना खेळता येईल? लवकरात लवकर कळवा, म्हणजे ड्रॉ काढता येईल.

वाट पाहत आहे

प्रत्येक चालीला वेळ १.५ किंवा २ मि. देण्या पेक्षा २० मि. किंवा ३ं० मि. सामने खेळ्वावेत.
चुकुन नेट कनेश्क्न गेल्यास २ मि. वेळ होवुन जाइल आणि चांगला स्पर्धक उगिचच बाद होइल.
अधिक महिती साठी www.chess.com ( live chess) बघावे.
मी. तिथे andykandy या नावाने आहे.
तेथे मी खेळ्लेले गेम बघता येइल व मी किती पाण्यात आहे ते आजमवता येइल. तसेच अजुन कोणी तिथे असेल तर सांगावे.

मी इतक्यातच ड्रॉ अपलोड केला !! क्षमस्व!

माझा सामना वल्ली यांच्याशी?
सरळ ''बाय'' देऊन टाकावा काय?
नको.
दहा खेळ्यांत वल्ली जिंकू नयेत - इतकं जमलं तरी खूप झालं म्हणेन! ;-)

पूर्वी खूप बुद्धीबळ खेळलो आहे. ३ वर्षे महाविद्यालयाच्या संघात देखील होतो. पण अलिकडे बर्‍याच दिवसात सराव नाही. ऑनलाईन स्पर्धेत सामील व्हायचा मोह होत आहे. परंतु वेळ जमत नाहीय्ये. सर्व स्पर्धकांना शुभेच्छा!

• आधी लिहिल्याप्रमाणे १५ जानेवारीला स्पर्धा सुरू होईल.
• स्पर्धेचा ड्रॉ वर दिला आहे. एकाच गटात पण दोन विभागांत 'नॉक आऊट' पद्धतीने स्पर्धा घेतली जाईल.
• प्रत्येक दिवशी दोन सामने होतील.
• प्रत्येक खेळाडूला विशिष्ट स्पर्धक क्रमांक दिलेला आहे, तो क्रमांक, आणि त्या त्या खेळाडूंचे लॉगिन व पासवर्ड ही सर्व माहिती या तक्त्यात आहे.
• प्रत्येक दिवशी भारतीय प्रमाणवेळेनुसार संध्याकाळी ६ वाजल्यापासून सामने सुरू होतील.
• उभय खेळाडूंच्या सोयीनुसार सामना संध्याकाळी ६ ते दुसर्‍या दिवशी सकाळी १० पर्यंत केंव्हाही खेळता येईल, पण प्रत्येक सामना सुरू केल्यापासून प्रत्येकी ४० (दोन्ही खेळाडू मिळून ८०) चालीत आणि तीन तासांत संपला पाहिजे. (यामुळे, आंतर्जालाचं कनेक्शन खंडित होऊ शकण्याच्या शक्यता लक्षात घेऊन, प्रति-चाल दोन मिनिटे असे सक्त बंधन राहणार नसले तरीही एकूण वेळेच्या मर्यादेत मात्र सामना संपलाच पाहिजे.
• एखादा सामना निर्धारित वेळेत बरोबरीत सुटला तर पुनर्युद्ध पुढील तीन तासांत घेण्यासाठी वेळ शिल्लक राहील. पहिला सामना बरोबरीत सुटला तर त्या जोडीमधेच अजून एक सामना घेतला जाईल, आणि तोही बरोबरीत सुटला तर त्या वेळच्या पट-स्थितीत ज्या खेळाडूचे मोहोर्‍यांचे सामर्थ्य आधिक असेल (आधिक मुख्य मोहोरी आणि आधिक प्यादी) त्या खेळाडूस मॉडरेटर विजयी घोषित करतील.
• स्पर्धेसाठी मॉडरेटर म्हणून पैसाताई काम बघतील, त्यांचे आधीच मनःपूर्वक आभार!
• स्पर्धकांना खेळण्यासाठी आधिक माहिती इथे आहे.
• प्रेक्षकांना सामने पहाण्यासाठी माहिती इथे आहे.

सर्व स्पर्धकांना हार्दिक शुभेच्छा!

खटपट्या आणि आनंद यांनी व्यनिमध्ये विचारलं आहे की त्यांचा सामना १७ ऐवजी १८ ला ठेवता येईल का?
तुम्हा दोघांची हरकत नसेल तर तुम्ही दोघांनी तुमचा सामना १८ ऐवजी १७ ला ठेवला तर हे सहज शक्य होईल आणि इतर ड्रॉ बदलावा लागणार नाही. कॄपया इथेच होकार कळवा म्हणजे त्यांना कळेल.

खटपट्या आणि आनंद: तुम्ही अमेरिकेतील पीएसटी वेळेची विनंती केलीत. महेश आणि मृत्युंजय यांनी त्यांचा सामना १७ ला पूर्ण केला तर तुम्ही १८ ला तुमच्या सोयीने पीएसटी वेळेत खेळा.

नमस्कार आणि भारतातील शुभ-सकाळ, मंडळी!

मिपाच्या पहिल्या-वहिल्या ऑनलाईन बुद्धीबळ स्पर्धेचे पडघम वाजवतोय!

आजचे दोन सामने खालीलप्रमाणे आहेत:

१. गणपा आणि निराकार गाढव (स्पर्धक क्रमांक अनुक्रमे १ व २)

२. नन्दादीप आणि राजेश के (स्पर्धक क्रमांक अनुक्रमे ११ व १२)

खेळाडूंसाठी आणि प्रेक्षकांसाठी सूचना वरती दिलेल्या आहेत. खेळाडूंसाठी लॉगिन व पासवर्ड यांची माहिती या तक्त्यात आहे.

सर्व खेळाडूंनी त्यांच्या सामन्याच्या वेळा या तक्त्यात आणि या धाग्यात द्यायला विसरू नका, म्हणजे प्रेक्षकांना सामने पहाणे सोपे जाईल.

उभय प्रतिस्पर्धी खेळाडूंना शुभेच्छा!

वल्ली, मी भारतीय वेळेच्या साडेतीन तास मागे आहे. पण आपला सामना रविवारी असल्याने अडचण येऊ नये.
तसाही मी दहा मिनिटं टिकाव धरण्याशी मतलब ;-)

प्रेक्षक म्हणुन मला लॉगीन करता येत नै ये काही उपाय ?

-दिलीप बिरुटे

सामने कधी आहेत?
पहिला सामना बघण्याची उत्सुकता आहे.

आजच्या दोन्ही सामन्यांच्या वेळा अपडेट मिळालेया नाहीत. आता काय करायचं? एका खेळाडूकडून काही कळलं नाही तर दुसर्‍याला पुढे चाल देता येईल. पण विअर्ड वीक्स वगळून इथे कोणीच अपडेट देत नाहीयेत.

प्रेक्षक म्हणून लॉग इन पण करता आलं नाही त्या धाग्यावर.

प्रेक्षक म्हणून लॉग इन करता येतंय, पण मला लॉगिन केल्यावर मिपा१, मिपा२, मिपा११ वा मिपा १२ यांपैकी कुणीच लॉगिन केलेलं (म्हणजे त्यांचे सामने चालू स्थितीत वा संपलेले) दिसले नाहीत! यांपैकी कुणालाच लॉगिन करता आलं नाही का?

प्रेक्षकांसाठी लॉगिन 'MiPa3' आणि password 'Watch' वापरा.

मी खेळायला तयार आहे. भारतीय प्रमाणवेळ सायंकाळी ९.३० पासुन पुढे. कोणी ह्या वेळेत खेळायला उपलब्ध असेल तर नक्की कळवा.

मलाही तेच कळले नाही.दोन विंडो दिसतात.पण सामना कसा पहायचा?

जर कोणी तयार असेल तर व्य.नि. करा. म्हणजे दिवस ठरवता येईल..