Skip to main content

दर्शनता!

लेखक अत्रुप्त आत्मा यांनी बुधवार, 05/11/2014 22:54 या दिवशी प्रकाशित केले.

दर्शनतेचा प्रत्यय यावा अशी लेखणी चालावी,
सहजाच्या अलगद वार्‍याने रूपातुनं ती बोलावी.

सांगायाचे जे जे असते शब्दातुनं ते समजावे,
काव्य जरी ते ना ठरले तरी अर्थातुन ते तोलावे.

विषय शब्द तो साचा साधा प्रतिमांची बळंजोरी नको,
माळेची गुंफण असू दे ती करं-कचलेली दोरी नको.

कुणी म्हणो तिज काव्य/मुक्तिका कुणी म्हणो तिज रचना ही,
कुणी म्हणो तिज शेरं-शायरी कुणी म्हणो तिज काहिही!

काव्याचे हे मर्म असे की भिडल्या वाचुन मुक्ति नव्हे!
भिडण्यास्तव ते करता यावे अशी कोणती युक्ति नव्हे!!!

काव्याच्या या शाळेमधला कायमचा मी विद्यार्थी,
कळले इतुके जितुकी झाली शाळा माझी त्या अर्थी.

धडा कधी हा संपत नाही कैसे मजला मी सांगू???
समजो तेंव्हा तसे बापडे चला आज येथे थांबू. :)
=================================
अतृप्त..

काव्यरस
शांतरस
लेखनविषय:
वाचने 6757
प्रतिक्रिया 26

प्रतिक्रिया

स्पंदना गुरुवार, 06/11/2014 04:03

विषय शब्द तो साचा साधा प्रतिमांची बळंजोरी नको,
माळेची गुंफण असू दे ती करं-कचलेली दोरी नको.

धन्य!! अगदी असेच म्हणेन.

नाखु गुरुवार, 06/11/2014 08:53

विषय शब्द तो साचा साधा प्रतिमांची बळंजोरी नको,
माळेची गुंफण असू दे ती करं-कचलेली दोरी नको.

मिसळपाव धोरण मध्ये ठळक अक्षरात लावावे म्हणजे "ट्"ला "ट" जिलब्यांपासून मिपाकर आणि जिल्बी कवीही वाचतील.

मूळ अवांतर.
बुवांचे स"कस" काव्या बद्दल अभिनंदन.

विवेकपटाईत गुरुवार, 06/11/2014 09:15

दर्शनतेचा प्रत्यय यावा अशी लेखणी चालावी,
सहजाच्या अलगद वार्‍याने रूपातुनं ती बोलावी.

आवडली

अत्रुप्त आत्मा गुरुवार, 06/11/2014 13:32

@तुमच्या नेहमीच्या धाटणीच्या कवितांपेक्षा बरीये. >>> अगदी बरोब्बर! आपल्या प्रतिसादावरूनंही तेच सिद्ध होतय! :)

सूड गुरुवार, 06/11/2014 14:11

>>आपल्या प्रतिसादावरूनंही तेच सिद्ध होतय!

बर्‍याला बरंच म्हणतो हो, 'चांगल्या' कविता, 'चांगल्या' पाककृती यावरचे प्रतिसाद तुमच्या नजरेतून निसटलेले दिसतायेत. तेवढंच कशाला, तुमच्या भावविश्वाच्या धाग्यावरचेही प्रतिसाद नजरेखालून घातलेत तर असं सिद्ध करत बसायची वेळ यायची नाही पुढल्या वेळी !!

पैसा शनिवार, 08/11/2014 11:24

कविता आवडली. मात्र दर्शनता या शब्दाशी जरा अडखळलले. दर्शनीयता, दर्शनीय, दृश्यात्मकता, दृश्य असे काही म्हणायचे आहे का?

अत्रुप्त आत्मा शनिवार, 08/11/2014 11:40

@ मात्र दर्शनता या शब्दाशी जरा अडखळलले.
दर्शनीयता, दर्शनीय, दृश्यात्मकता, दृश्य असे काही म्हणायचे आहे का? >>> नाही..! सदर काव्यातल्या पहिल्या ओळीचा थोडा आधार घेतो आणि सांगतो.

@दर्शनतेचा प्रत्यय यावा अशी लेखणी चालावी, >>> दर्शनता ..,म्हणजे मी माझ्या नजरेनी एखाद्या गोष्टीकडे/विषयाकडे..(सदर विषयाच्या अनुषंगानी पहायचं झालं तर..मला उमगलेल्या काव्य..या विषयाकडे..) कसा पाहतो??? ती दृष्टी..म्हणजे दर्शनता! :)

गणेशा गुरुवार, 13/11/2014 13:26

क्या बात .. क्या बात .. क्या बात.

सांगायाचे जे जे असते शब्दातुनं ते समजावे,
काव्य जरी ते ना ठरले तरी अर्थातुन ते तोलावे.

काव्य आवडले खुप्प्प्प्प्प्प्प्प्प्प्प्प्प्प्प्प्प्प्प