Skip to main content

बडबड गीत

लेखक भिंगरी यांनी बुधवार, 23/07/2014 16:23 या दिवशी प्रकाशित केले.

एक बडबड गीत .............

बरं का ग मंदा
काय झालं एकदा,
ताई आमची चिरत होती
खसाखसा कांदा .
कांदा राहिला हातात
विळी गेली बोटात
विळी वरुन उठली,
नाचत सुटली.
धक्क्याने मोराम्ब्याची
बरणीच फुटली.
हाय हाय हाय
काचेवरती पाय.
काच गेली पायात
आता करू तरी काय?
बाबा हसले खो खो खो
आई हसली खी खी खी
ताईला आले रडू
आईने दिला लाडू
----------------------------------------
आणि हे 'बेताल बरबाद गीत' .............

बऱ का गं जनता
काय झालं एकदा
मंत्री आमचे मोडत होते
पटापटा कायदा.
कायदा राहिला बुकात
शिक्षा झाली कोकणात.
हाय हाय हाय
माझ्या पोराचे काय?
पत गेली आता
करू तरी काय?
पदावरून उठले
भांडत सुटले
धक्क्याने मेंदुवरचे
नियंत्रण सुटले.
'बाबा' हसले खो खो खो
'आई'(कोणाचीतरी)हसली खी खी खी.
मंत्र्यांना आले रडू
जनतेने द्यावा झाडू.

काव्यरस
हास्य
लेखनविषय:
वाचने 5903
प्रतिक्रिया 22

प्रतिक्रिया

भिंगरी बुधवार, 23/07/2014 16:41

कृपया मिपाकरांनी वरील शीर्षक 'बेताल बरबाद गीत' असे वाचावे
बाय मिष्टेकसे च्युक हो गई
(धाग्यावरील लेखन दुरुस्त करण्यासाठी काही पर्याय आहे का?
नाहीतर माझी नेहमीच चूक होते आणि मग भिंगरीची भोवरी होते)

प्रा.डॉ.दिलीप बिरुटे बुधवार, 23/07/2014 16:54

भिंगरी बडा नाम करेगी मिपाका !
अजून येऊ दे.

-दिलीप बिरुटे

पिलीयन रायडर बुधवार, 23/07/2014 17:18

अहो ते पहिलं जुनं बडबडगीत आहे.. मला नाही वाटत त्याचे कवी भिंगरी ताई/दादा असतील..

किसन शिंदे बुधवार, 23/07/2014 21:53

असंय होय? आम्हाला वाटलं या भिंगरी ताई/दादांचं असावं. :)

यसवायजी बुधवार, 23/07/2014 23:10

पैलं चांगलं जमलंय म्हण्णार होतो, तेवढ्यात हे वाचलं.:D

भिंगरी गुरुवार, 24/07/2014 13:16

या मिपाकरांना भिंगरी बद्दल काय शंका आहे?
मी ताईच आहे दादा नाही.
ताई की दादा अशी शंका कधी येते माहिती आहे ना? *shok*

भिंगरी बुधवार, 23/07/2014 22:57

अहो ते बडबड गीत माझे आहे असं मी म्हटलंच नाही.
हे तर किती जुनं आहे.
त्यावरून विडंबन केलं.
पण मूळ गीत माहित असावं म्हणून संदर्भासाठी दिलं
मी चोर नाही

पाषाणभेद गुरुवार, 24/07/2014 04:03

मजा आली वाचून. (पण कोणतेही आईबाबा मुलीच्या पायात काच गेली म्हणून हसणार नाही. एखाद धबाका देतील पाठीत पण नंतर लगेच त्यावर उपचार करतील.)

भिंगरी शुक्रवार, 19/09/2014 22:19

आता त्या मुळ बडबड गीताचे कवी शोधावे लागतील मग त्यांना सांगू दुरुस्ती करायला.

भिंगरी मंगळवार, 31/03/2015 09:01

आता हे पुन्हा रिंगणात उतरले आहेत्.पुन्हा एकदा विडंबण करण्याची तयारी करा रे कुणीतरी.