प्रिय मिपाकरांनो, कळवण्यास अत्यंत आनंद होत आहे की, कालचा आमचा फोर्ट कट्टा छान पार पडला.काय काय बघीतले आणि कोण-कोण आले होते, ह्याचा व्रुत्तांत येईलच.फिरता-बोलता-पहाता आणि खाता कट्टा असल्याने, पुढील कट्टा पण लगेच ठरला. वल्लींना फोन केला आणि आपल्या सगळ्यांच्या सुदैवाने ते "घारापुरी" लेणी दाखवायला तयार झाले.मार्च मधली १ली तारीख किंवा ८वी तारीख. साल २०१४.... काही अपरिहार्य कारणा मुळे तारीख नक्की करता येत नाही आहे पण वार मात्र नक्की आहे, आणि तो म्हणजे "शनिवार". सामान्यतः शनिवार हा न-कर्त्याचा वार म्हणून ओळखला जातो.मिपाकर मात्र त्याला अपवाद आहेत.हा कट्टा पण आपण असाच शनिवारी साजरा करणार आहोत. आपले काही व्यावसायीक मित्रगण कार्यबाहुल्ल्यामुळे येवू शकणार नाहीत, ह्याची जाण आहे.पण ते मन मोठे करून (किंवा मन मारुन) माफ करतील. कळावे, लोभ आहेच, तो अशा ज्ञानी माणसांच्या सहवासामुळे अजून नक्की वाढणार पण आहेच. आपला, मुवि.