आनंद - कार्लसन डाव ९

दहाव्या डावाचा धागा न काढल्याबद्दल मनापासून माफी मागतो. :( परंतु सामन्यातली आनंदची ऑलमोस्ट हरायला आलेली स्थिती आणि झोपेची कमतरता या दोन्ही गोष्टींनी माझ्या निश्चयावर शेवटी मात केली आणि मी उठू शकलोच नाही. असो, डाव बरोबरीत सुटला आणि मॅग्नुस निर्विवाद नवा विजेता म्हणून घोषितही झाला. त्याचे मनःपूर्वक अभिनंदन. ९ नोवेंबरपासूनचे आधीचे नऊही डाव तुम्ही मिपाकरांनी भरघोस प्रतिसाद देऊन माझ्या चालत्या समालोचनाला जो काही हातभार लावलेला आहे त्याचे कौतुक करावे तेवढे थोडे! अन्यथा रात्री १.२० ला गजर लावून उठणे त्यापुढे दीड वाजल्यापासून ५.३० - ६.३० पर्यंत समालोचन करणे आणि पुढे ऑफिसला जाणे ही कसरत मला शक्य झाली असती असे वाटत नाही. परंतु तुमचा उत्साहच एवढा दांडगा होता आणि खेळातला रस अगदी भरभरुन दिसत होता त्यामुळे मी हे करु शकलो. सर्व सहभागी मेंबरांचे अनेक आभार. असाच लोभ असू द्या. (कृतज्ञ) रंगा