आनंद - कार्लसन डाव ८

काही गोष्टी लक्षात आल्या. एकतर ५ आणि ६ डाव हारल्यामुळे जो आत्मविश्वास गमावला होता तो थोडातरी ७ व्या डावातल्या बरोबरीने भरुन निघायला मदत झाली. आठव्या डावात आनंदकडे काळी मोहोरी होती त्यामुळे काळ्याकडून बर्लिन खेळताना पांढर्‍याकडून काय चाली होतात हे जोखण्याची ही नामी संधी होती. कारण आधीच्या दोन्ही वेळेला बर्लिन झाला त्यावेळी मॅग्नुस काळ्या मोहोर्‍यांनी खेळत होता. त्यातल्या एका वेळेला आनंद हारला होता! ते समजल्यामुळे आता पुढच्या डावात बर्लिनवर सणसणीत तोडगा काढणे किंवा ज्यात बर्लिन डिफेन्स होत नाही असे ओपनिंग करणे असे दोन स्पष्ट पर्याय समोर आहेत. शिवाय मधे एक सुट्टीचा दिवसही आहे आणि आनंदची पांढरी मोहोरी सुद्धा आहेत! अशा सगळ्या पार्श्वभूमीवर नववा डाव मात्र महत्त्वाचा आहेच आहे. कारण यानंतर फक्त ११ वा डाव पांढर्‍याचा आनंदला मिळेल. जे काय करायचे आहे ते आता नवव्या डावातच सुरु करावे लागणार हे निश्चित! त्यामुळे माझ्यालेखी अजूनही आशा सोडायला नको, काम भलतेच कठिण आहे परंतु अशक्य नाहीये! घरची तयारी आणि नैसर्गिक खेळ यांची सांगड जर आनंदला घालता आली तर परवाचा डाव त्याचाच असेल. गुडलक आनंद!! :)

आता पुढच्या ४ डावात आनंदला जिंकायला ३.५ आणि टाय ब्रेकर मधे जायला ३ पॉईंट पाहिजेत ...अवघड आहे