आज सकाळी लवकर जाग आली म्हणून सहज फिरायला म्हणून गेलो होतो . थंड हवेचा आस्वाद घेत असताना समोर २ वेगवेगळ्या घटना दिसल्या .
एक स्त्री सायकलवरून जाताना दिसली . एकंदरीत पेहरावावरून गरीब घरातली असावी . सायकलला पुढे एक थोडीशी मलिन झालेली पिशवी होती . बहुधा जेवणाचा डबा असावा त्यात . धापा टाकत , हळुवारपणे , सावध गिरीने रस्त्यावरील इतर वाहनांचा अंदाज घेत ती सायकल चालवत होती . प्रचंड घामाघूम झालेली .
दुसरी घटना म्हणजे थोड्याच वेळाने तिथून आणखी एक लट्ठ अशी स्त्री मॉर्निंग वॉक साठी जाताना दिसली . तीही प्रचंड घामाघूम झालेली, रस्त्याचा अंदाज घेत चालत होती अधून मधून पळत होती .

वर पाहता ह्या दोन्ही घटना अगदी सामान्य आहेत . रोजच्या जीवनाचा भाग म्हणा हवं तर . पण त्या एका धावेमागाची करणे वेगळी . एक स्त्री धावते आहे आपल्या व आपल्या कुटुंबाच्या पोटाची खळगी भरण्यासाठी . तर दुसरी धाव आहे आपल्या पोटावर नको असलेले खाउन साठलेली चरबी कमी करण्यासाठी .

ह्या सध्या घटनेने आपल्या समाजातील विरोधाभासाचे प्रत्यंतर समोर आले.