मिसळपाव
(गड गड गड)
पाऊस थांबायचे नाव घेईना
खिडकीचे तावदाने थरारत थडथडतायत
तावदानावर एक एक नीरओळ लिहून जातोय पाऊस
गूढ, अनाकलनीय भाषेत
(गड गड गड)
-----
धडकी भरवणारा ढगांचा गडगडाट
कौलांवरची टीपटीप थेंबांची लय
चिंचेच्या पानांवरून सरकणारे ओघळ
आणि खालच्या पत्र्याच्या डब्यावर होणारे त्यांचे आघात
(गड गड गड)
------
खिडकीतून हे सगळे बिचकत बघणारा मी
हातात तुझी आणि माझी लग्नातली तस्बीर
त्यात हसणारी तू
आणि तुला हसतांना बघून हसणारा मी
(गड गड गड)
------
रस्त्यांवरच्या पिवळ्या दिव्यांमध्ये
चमचमणारे ते चिंचेचे ओघळ
डोळ्यांखाली निसटणारे ओले अश्रु
स्स... चटका लावणारे
तो चंदेरी-पिवळा रंग मनात घर करून जाणारा
(गड गड गड)
------
पावसाचे तांडव वाढतच जातंय
पावसाने तावदानावर सर सर सर लिहिलेली
आत्ताचीच नीरओळ
चक्क माझ्या मनाच्या, पण तरीही गूढ भाषेत
.
.
आज तू हवी होतीस... स्स
.
.
गड गड गड
गड गड गड
|-मिसळलेला काव्यप्रेमी -|
(१२/०८/२०१३)
| लेखनविषय: |
|---|
प्रतिक्रिया
सुंदर अभिव्यक्ती, कंसातील
सुंदर अभिव्यक्ती, कंसातील शब्द नसले असते तरी छानच पोहोचते आहे (वै म)
धन्यवाद
सहमत!
In reply to सुंदर अभिव्यक्ती, कंसातील by वेणू
बाकी रचना सुरेखच. पण मलाही ते गड गड गड वाचताना जरा अडखळायला होत होतं.
नीरओळ! कसली खलास कल्पना!
नीरओळ! कसली खलास कल्पना!
+१.
In reply to नीरओळ! कसली खलास कल्पना! by इनिगोय
नीरओळ ही कल्पना अन विशेषतः शब्द लै आवडला.
वा.....!!!!
वा.....!!!!
मस्त कच्चा माल आहे
मस्त कच्चा माल आहे ;)
व्वाह
सुरेख
छानच आहे कविता.
छानच आहे कविता.
पण ते गड्गडगड वाचताना अडखळल्यासारखं होतय.
मात्र या कवितेचं वाचन बॅकग्राउंडला गडगडाट घेउन केले तर छान इफेक्ट येइल. :)
म्हणूनचं
In reply to छानच आहे कविता. by कवितानागेश
म्हणूनच ते कंसात आहे. ते वाचण्यासाठी नाही, तो फक्त इमॅजीन करायचे शब्द आहेत.
मस्त्त!!!
खूपच मस्त !! अगदी नेहमी सारखीच !!