मिसळपाव
शब्दांनी सजवित जावे
वृत्तांचा ना हव्यास
मज वाटे कविता झाली
असतो रचनेचा भास
मी नाही कुठला पंथी
मज नकाच कोठे जुंपू
कुणी शोधित जाती खांब
मी माझा नाथ स्वयंभू
ही माझी स्वतंत्र रचना
हे माझे निराळे कूळ
तुंम्ही अर्थ शोधुनी जाता
तरी गवसत नाही मूळ
एकाकी या वळणावर
मी पुढे चालतो आहे.
शब्दांचा नाजुक गजरा
मी मनी माळितो आहे.
मज ठाऊक नाही पुढती
असणार कोठचे गाव?
नसतात तेथल्या गावी
कुणी राजा आणिक राव
शब्दांचा मी सहकारी
वाटांना शोधित जाई
जोवरी मिळे ना वाट
तोवरी तेथला राही...
काव्यरस
| लेखनविषय: |
|---|
वाचने
7311
प्रतिक्रिया
40
प्रतिक्रिया
खूप सुंदर
खूप सुंदर
सुरेखच झालीय रचना.
खूप छान
मस्त!
सुरेख रचना
ह्या ओळी वाचुन मी (अजुन) सावरलो नाही
>>>> कुणी शोधित जाती खांब
मी माझा नाथ स्वयंभू
कुणी शोधित जाती खांब
In reply to सुरेख रचना by jaypal
>> कुणी शोधित जाती खांब >>
;)
-----
बाकी कविता मस्त..
गुरुजी (की गुरुची?) विदया
In reply to कुणी शोधित जाती खांब by यसवायजी
गुरुजी (की गुरुची?) विदया गुरुलाच वगैरे वगैरे...
>> गुरुजी (की गुरुची?) विदया
In reply to गुरुजी (की गुरुची?) विदया by धन्या
>> गुरुजी (की गुरुची?) विदया गुरुलाच >>
परतीक्रिया - अ‍ॅज एक्स्पेक्टेड.. ;)
गुर्जी रागावू नका बर्का..
वाहवा!
छानच लिहिलंत बुवा!
एकाकी या वळणावर
सुरेख रचना
हेच बोल्तो
In reply to एकाकी या वळणावर by सांजसंध्या
हेच बोल्तो की बुवा लगे रहो !
बाकी बुवा, माळितो की माळतो ? ( बुवा , स्वस्थ बसवत नाही हो ! - आग्या वेताळाचा दोस्त .)
(No subject)
:)
लगे रहो!
.
छान जमलीये कविता.
छान जमलीये कविता.
छान
छान गुर्जी. विदाऊट स्मायल्या आलात. जरा चुकल्याचुकल्यासारखे वाटले. पण छान जमलेय.
असेच लिहा (विदाऊट चित्राला विचित्र म्हणले तर चालते का हो, म्हण्जे सचित्रच्या उलट)
वाहव्वा....
काव्यात एक गेयता आहे. आम्हाला मराठिच्या पाठ्यपुस्तकात "घननीळ सागराचा घननाद येत कानी" अशी सुरुवात असनारी एक कविता होती. ही अगदि त्याच मीटारमध्ये आहे. आवडली.
घननीळ सागराचा घननाद येत कानी
In reply to वाहव्वा.... by मन१
छान आहे कविता.
छानच आहे !
In reply to घननीळ सागराचा घननाद येत कानी by शुचि
लिहिलेली तुम्ही कविता
एक संथ सूर आहे !
पाणी " आत्म्या" पासूनी
परि फार दूर आहे !
@पाणी " आत्म्या" पासूनी
In reply to छानच आहे ! by चौकटराजा
@पाणी " आत्म्या" पासूनी
परि फार दूर आहे ! >>> =)) छान , डुबवा आंम्हाला अता ;-)
आउटसोर्सिंग ?
बुवा कविता नक्की तुम्हीच लिहिली आहे ना? की कुणी भाडयाने (म्हणजे पैसे घेऊन) तुमच्यासाठी लिहिली आहे?
तुमच्या आजवर प्रसवलेल्या कवितांपेक्षा ही पुर्णपणे वेगळी आहे. आणि हसर्‍या बाहूल्या नसल्यामुळे छान वाटतंय :)
बुवा हा काय चमत्कार घडवला?
लिहीत रहा!
मस्त हो आत्मुस! कवितेतल्या
मस्त हो आत्मुस! कवितेतल्या वर्णनावरुन मला "मिका" ची आठवण आली.
फार छान लिहिलंत आत्मुस! सुरेख कविता. ते खांबाच कडव जरा गंडलय तेव्हढ सुधारा.
सुरेख रचना आहे !!
सुरेख रचना आहे !!
व्वाह
बास, कविने फक्त इतकेच करावे, बाकी कविता करवून घेतेच. :)
मस्त झालीये.
वा !! मस्तच !!!
आवडली कविता !!
आनंद.. परमानंद.. बहूत संतोष जाहला..
बुवा, मस्तच.......
एकदम शॉक ट्रीटमेंट...
कविता वाचल्यावर लेखकाच नाव परत एकदा तपाढुन....चिमटा काढुन.....स्वतःला ...
पैजारबुवा,
असे होते वय झाले की.
In reply to आनंद.. परमानंद.. बहूत संतोष जाहला.. by ज्ञानोबाचे पैजार
असे होते वय झाले की.
कविता वाचल्यावर लेखकाच नाव परत एकदा तपासुन पाहिले....चिमटा काढुन.....स्वतःला ...
असे वाचावे... तसदी बद्दल क्षमस्व.
पैजारबुवा.
असे होते वय झाले की.
In reply to असे होते वय झाले की. by ज्ञानोबाचे पैजार
वय झाले की अशा तरल कविता सुचतच नाहीत. आमचं असंच झालंय !
सुरेख कविता आहे.. अगदी
सुरेख कविता आहे.. अगदी तुमच्या फुलांच्या रांगोळीसारखी
अप्रतिम!
केवळ अप्रतिम!!!!!!!!!!
बुवा कविता मस्त,,,, धन्यवाद.
बुवा कविता मस्त,,,, धन्यवाद.
शनिवारच्या रामदेव कट्ट्याच्या swsews आठवणीत एक कडवं, पहा जमलंय का?
काजुंनी सजवित जावे
पिस्त्यांचा ना हव्यास
ही पहा रबडी आली
असतो आईस्क्रिमचा भास
कविता आवडली.
कविता आवडली.
एक्दम झक्कास..
एक्दम झक्कास.. :)
सर्वांचे मनःपूर्वक धन्यवाद...
चौकटराजा>>>
@बाकी बुवा, माळितो की माळतो ? >>> माळतो हेच बरोबर,पण काही ठिकाणी शब्दाला गोलावा आल्याखेरीज समाधान लाभत नाही,म्हणून तसं...इतकच! :-)
@( बुवा , स्वस्थ बसवत नाही हो ! - आग्या वेताळाचा दोस्त .) >>> चालायचच... :-) हा(ही) वयाचाच परिणाम! ;-)
================================================================================
धन्या>>>
@बुवा कविता नक्की तुम्हीच लिहिली आहे ना?की कुणी भाडयाने (म्हणजे पैसे घेऊन)तुमच्यासाठी लिहिली आहे?>>>धनाजीराव, इतकंही महाग नका करू हो आंम्हाला...!!! :-)
@तुमच्या आजवर प्रसवलेल्या कवितांपेक्षा ही पुर्णपणे वेगळी आहे.>>> ही माझी स्वतंत्र रचना
मी ही तुमचा प्रतिसाद वाचल्यापासून...असच करून पहात आहे. ;-)
हे माझे निराळे कूळ
तुंम्ही अर्थ शोधुनी जाता
तरी गवसत नाही मूळ........................................................!!! :-)
===============================================================================
aparna akshay>>>
@ ते खांबाच कडव जरा गंडलय तेव्हढ सुधारा.>>> मी नाही कुठला पंथी
मज नकाच कोठे जुंपू
कुणी शोधित जाती खांब
मी माझा नाथ स्वयंभू>>> मुक्त अर्थ- मी या प्रांतात कुठल्याही नव्या अगर जुन्या पंथबाजीला स्वतःला,बांधून/जुंपुन घेण्यास तयार नाही...तेंव्हा काव्य-रसिकानी मला,कुठल्याही नव्या/जुन्या- काव्यप्रकाराच्या/विचारधारेच्या-प्रवाहाचा पुढचा दुवा-मानु नये-(या अर्थी-खांब-हा शब्द आहे.).,कारण--''मी माझा नाथ स्वयंभू'' आहे...म्हणजे मी उघडपणे या प्रांतात आता बंडखोरी करत आहे. किंवा यापुढे माझा स्वतःचा प्रांत/पंथ/प्रवाह निराळाच असेल. :-)
===============================================================================
ज्ञानोबाचे पैजार>>>
@कविता वाचल्यावर लेखकाच नाव परत एकदा तपासुन पाहिले....चिमटा काढुन.....स्वतःला ...>>>
हे कसे वाटते अ आ ?? आँ ?
In reply to सर्वांचे मनःपूर्वक धन्यवाद... by अत्रुप्त आत्मा
कुणी शोधित जाती खांब च्या ऐवजी कुणी शोधित जाती झेंडे
कारण कंपू गट पक्ष याचे ओळख चिन्ह झेंडा हे असते. बघा शब्दाला किती महत्व आहे काव्यात. खांब या शब्दाने एकदम
श्वानपंथाची आठवण होते की नाही ?
अता याच्यावर मी फार
In reply to हे कसे वाटते अ आ ?? आँ ? by चौकटराजा
अता याच्यावर मी फार स्पष्टीकरण देत बसत नाही... फक्त शेवतचं एक उदा- देतो...
म्हणजे माझ्या त्याच शब्दावर अडून रहाण्याच्या आग्रहा विषयी कळेल.
आयला!!!!! बुवांची कविता अन
आयला!!!!! बुवांची कविता अन तीपण विदौट स्मायली अन टिपिकल कच्चा माल? गोंधळलोच होतो =))
पण नंतर कविता वाचायला सुरुवात केली अन मग एकच शब्द निघाला तोंडातून- "वाहवा!!"
हा उत्तरार्ध विशेष आवडला. जियो!!
+१
In reply to आयला!!!!! बुवांची कविता अन by बॅटमॅन
खूपच आवडली.
पुलेशु
सुरेख !! मस्त वेग आहे कवितेला
सुरेख !!
मस्त वेग आहे कवितेला :)
अप्रतिम !!
ही २ कडवी विशेष भावली
मज ठाऊक नाही पुढती
असणार कोठचे गाव?
नसतात तेथल्या गावी
कुणी राजा आणिक राव
शब्दांचा मी सहकारी
वाटांना शोधित जाई
जोवरी मिळे ना वाट
तोवरी तेथला राही...
क्या बात है !!
मस्त
आवडली कविता
बॅटमॅन..माऊ..जयवी..गिरिजा..
बॅटमॅन..माऊ..जयवी..गिरिजा...सुमित........ सर्वांना धन्यवाद :-)