पाहिली डोळ्यात तुझिया वीज मी
झेलण्या केले खुले काळीज मी
भेटुनी जाते त्सुनामीसारखी
मिरवतो आयुष्यभर ती झीज मी
आज स्वप्नांनो, नको तसदी मला
काल कवडीमोल विकली नीज मी
पूर्णता नाही तुला माझ्याविना
मी तरी कोठे तुझ्याखेरीज मी
ठरवले आहेस तू उत्तर तुझे,
की चुकीची मांडतो बेरीज मी?
-- उपटसुंभ
प्रतिक्रिया
5 Feb 2013 - 12:02 am | अधिराज
खूप मस्त कविता आहे. आयला प्रेयसी म्हणावी का नैसर्गिक आपत्ती (वीज,त्सुनामी)
5 Feb 2013 - 12:14 am | क्रान्ति
एकेक शेर अस्सल मोती!
5 Feb 2013 - 12:38 am | आनन्दिता
जबरदस्त!!
पण काहीही म्हणा फार वादळी दिसतेय तुमची प्रेयसी...
5 Feb 2013 - 12:48 am | जेनी...
खरच भारीये
वोल्कॅनो अॅडवला असता तर प्रेयसीला अजुन एक उपमा मिळुन
अजुन दोन लाइनी वाढल्या असत्या कि ...
बाकि लाजवाब !
5 Feb 2013 - 1:02 am | शुचि
फार आवडली कविता.
5 Feb 2013 - 5:22 am | अनुप कुलकर्णी
मी दोनदा आलय हो..
बाकी खतरनाक!
6 Feb 2013 - 10:05 pm | इनिगोय
अनुप, मी तरी तुझ्याशिवाय 'मी' म्हणून कुठे पूर्ण होतो? असं म्हणायचं असावं त्यांना.
5 Feb 2013 - 7:28 am | इन्दुसुता
गझल अतिशय आवडली
5 Feb 2013 - 7:38 am | किसन शिंदे
मस्तच!!
5 Feb 2013 - 7:48 am | मिसळलेला काव्यप्रेमी
सुंदर गझल.
आवडली.
6 Feb 2013 - 12:22 pm | पैसा
सुरेख रचना.
6 Feb 2013 - 4:46 pm | दत्ता काळे
आज स्वप्नांनो, नको तसदी मला
काल कवडीमोल विकली नीज मी
.. अप्रतिम
6 Feb 2013 - 5:07 pm | चाणक्य
पहिलाच शेर ताकदीचा झालाय..
त्सुनामी हा शब्द काव्यात खटकला...पण ते माझं वैयक्तिक मत झालं
जियो.. शेरची दुसरी ओळ ही जबरदस्त परिणाम करणारी असावी लागते. हा शेर (आणि शेवटचा ही) याला उत्तम प्रमाण आहे
'मी' दोनदा आल्यामुळे आगाऊपणा करून असे सुचवतो -
पूर्णत्व नाही तुला माझ्याविना
असूनही नाही तुझ्याखेरीज मी
बाकी तुमच्या रचना एकदम तंत्रशुद्ध असतात.
6 Feb 2013 - 5:15 pm | प्रसाद गोडबोले
वाह ! गजल आवडली !!
त्सुनामी , बेरीज हे दोन शेर भारी वाटले !!