Skip to main content

पुस्तक

लेखक विश्वेश यांनी मंगळवार, 22/01/2013 11:11 या दिवशी प्रकाशित केले.

आपण एखाद्या लांबच्या प्रवासाला निघालो आणि गाडीत बसलो कि राखून ठेवलेले एखादे पुस्तक काढतो वाचायला अन त्याच वेळी आपला शेजारी देखील त्याचे पुस्तक काढतो तेव्हा आपले लक्ष आपल्या पुस्तकापेक्षा त्याच्या पुस्तकात डोकावण्यात जास्त असते.

नवरा बायकोचे पण तसेच असते काहीसे असे मला वाटते. म्हणजे दोघेही आपापली पुस्तक वाचत असतात पण दुसर्याच्या पुस्तकाबद्दल एक आकर्षण, ओढ आणि हळू हळू हक्क वाटू लागतो. आपण त्यात डोकावू लागतो, मग स्वताच्या पुस्तकामाधली पानं कधी सवयीने तर कधी दुसर्याला कळू नये म्हणून तर कधी आपोआप उलटली जातात. संसारात खरी मज्जा तेव्हा आहे जेव्हा दोघेही एकच पुस्तक वाचाल. एकाच सुखी शेवटाच्या ओढीने ... मग आपोआपच दुसर्याचे वाचून होईपर्यंत थांबणे, एखाद्या विनोदाला दोघांनी एकत्र हसणे, एखाद्या गहीवरणाऱ्या प्रसंगी हात हातात घट्ट धरणे ह्या सगळ्याची मजा येते.

आज अनेक नवरा बायको आपापली वेगळी पुस्तके वाचत आहेत, आपापल्या गोष्टीमध्ये रममाण आहेत. मग ते मधेच खुदकन हसणे, डोळ्यांचे ओलावणे हे सगळे त्याला अनोळखीच ना ... कारण त्यावेळी तो दुसर्याच गावी ... त्याच्या त्याच्या पुस्तकात मग्न ... दोन्ही पुस्तकांचे शेवट गोड असतीलही कदाचित पण ते एकटयानेच चाखायचे यात काय सुख. त्याच्या किंवा तिच्या पुस्तकात डोकावून तर बघा आवडेल तुम्हालाही ते कदाचित. हळूहळू त्या पुस्तकाबद्दलची ओढ कमी होण्याच्या आत तुमचे पुस्तक बदला. मग दोघांना एकाच गोष्टीची ओढ, एकसारखी हुरहूर अन दोघांची वाटचाल एकाच सुखी शेवटाकडे असेल.

बर हे पुस्तक संपले तरी दोघांकडे एकसारख्या आठवणी असतील ... चर्चेला दोघांच्या आवडीचा विषय असेल आणि यातूनच संवाद वाढेल. संवादाला लय प्राप्त झाली कि त्याचा सुसंवाद होतो. आणि यासारखे सुरेख जीवनगाणे नाही.

तेव्हा एकदा वाचून बघा एखादे पुस्तक एकत्र ...
तुमचा लांबचा प्रवास सुखकर होईल हे नक्की ...

लेखनविषय:
लेखनप्रकार
वाचने 4880
प्रतिक्रिया 39

प्रतिक्रिया

अभ्या.. मंगळवार, 22/01/2013 11:26

काही कळले नाही हो. :(
नवरा बायको, पुस्तक मिळून वाचणे, लांबचा प्रवास, दुसर्‍याच्या पुस्तकात डोकावणे, नंतर चर्चा, सुखकारक शेवट.
काय म्हणजे काय ते शेवटपर्यंत कळले नाही.
बाकी लि़खाण उत्तम. सुद्दलेकनाचे मार्क पैकीच्या पैकी.

विश्वेश मंगळवार, 22/01/2013 12:37

अहो पुस्तक हे प्रातिनिधिक आहे, हल्ली नवरा बायकोने स्वताचे वेगळे करियर, पर्सनल आयुष्य, त्याचा आलेख असे स्वताशीच आणि स्वतासाठीचे एक वेगळे गोष्टीचे पुस्तकठरवलेले असते. माझे म्हणणे इतकेच कि अश्या वेगळ्या वेगळ्या पुस्तकांपेक्षा दोघांनी मिळून एकाच पुस्तक वाचा :)

अभ्या.. मंगळवार, 22/01/2013 14:51

स्वताचे वेगळे करियर, पर्सनल आयुष्य, त्याचा आलेख

ओके ओके. आता पोहोचल्या बघा भावना. म्हणजे एकाच कालेजात शिकून, एकाच ऑफीसात, एकाच डिपार्टमेंटमध्ये नोकरी करुन, एकाच गाडीतून घरी यायचे ना? वॉव. मस्तच रोमँटीक आयडीया आहे.
पब्लिक ट्रान्स्पोर्ट, ऑफीस पॉलिटिक्स, करीअर क्रायसेस, आणि अशा कीतीतरी गोष्टींवर हे उत्तम समाधान आहे.

मोदक मंगळवार, 22/01/2013 22:58

एक तरी पुस्तक आहे त्याच्याकडे... हा बघ पुरावा.

पुस्तकाचे नाव : फास्टरफेणे टोला हाणतो.

.

संजय क्षीरसागर बुधवार, 23/01/2013 10:45

प्रश्न पुस्तकाचा नसून एकत्र वाचण्याचा आहे. `वाचणारी कुठून आणायची' हे महत्त्वाचय...पुस्तक काय कसंही मिळवता येईल.

पैसा बुधवार, 23/01/2013 13:26

स्पावड्याला खफ, चेपु सगळीकडे सध्या पुस्तकेच पुस्तके दिसतायत!

स्पा मंगळवार, 22/01/2013 12:48

मी सध्या बरीच पुस्तके चाळतोय
काही मित्रांनी 'त्यांची' दिलेली आहेत
काही वाचनालयातून घेतली आहेत
त्यावर जात आहेत दिवस

संजय क्षीरसागर मंगळवार, 22/01/2013 17:10

= दोघं एकत्र असताना `पुस्तक' कशाला वाचायच?

२) तुमचा लांबचा प्रवास सुखकर होईल हे नक्की

= लांबच्या प्रवासात तर पुस्तक अजिबात वाचू नये. खिडकीबाहेर पहावं किंवा एकमेकांशी गप्पा माराव्या.

३) पहिल्यांदाच असे 'पुस्तकी' लिखाण केले आहे

= तरीच! दोघांनी आपापल्या आवडीची पुस्तकं वाचावी आणि मग ती एकमेकांशी शेअर करावी. त्यानं एकमेकांशी नव्यानं जवळीक होते.

संजय क्षीरसागर मंगळवार, 22/01/2013 19:53

शिवाय प्रवास लांबचा आहे.... आणि आपल्याला तर मुक्कामाला पोहोचल्यावर काय करायच ते खिडकीबाहेर बघितल्यावर एकसोएक सुचायला लागतं (खरं तर दिसायला लागतं)!

अग्निकोल्हा मंगळवार, 22/01/2013 19:18

उद्या सुट्टि आहे या कल्पनेत एखादं मस्त पुस्तक डोक्याला डोके लाउन वाचत बसणे खरोखर एक सुंदर अनुभव आहे!

खुप छान लिहयलं.

अग्निकोल्हा मंगळवार, 22/01/2013 19:23

मग दोघांना एकाच गोष्टीची ओढ, एकसारखी हुरहूर अन दोघांची वाटचाल एकाच सुखी शेवटाकडे असेल.

एक्सलंट!

जोडीने चित्रपट बघताना दुर्दैवाने मानसिक गुंतवणूक कमी अन शारिरीक गुंतवणूकच जरा जास्त होतें. पण पुस्तक वाचताना मात्र तसं होतं नाही. We allways remains on same page by all mean :) अर्थात यासाठी दोघांना समान आवडीची पुस्तके मात्र जरुर हवीत.

श्रिया बुधवार, 23/01/2013 11:41

पुस्तकाची उपमा आवडली. पण दोघांनी प्रत्येक वेळेस वेगळी पुस्तके वाचवीत असे आहे का? दोघांची आवडनिवड सारखीच असेल तर एकच पुस्तक दोघांनी वाचण्याचा आनंद घ्यावा किंवा एकाने वाचून दाखवावे आणि दुसर्‍याने ऐकावे.

संजय क्षीरसागर बुधवार, 23/01/2013 11:54

आहो, प्रत्येक वेळी दोघांची आवड सारखी नसते. आणि...
ज्या वेळी दोघांची आवड एक असते तेंव्हा ते पुस्तक वाचण्यात वेळ घालवत नाहीत.

तर्री बुधवार, 23/01/2013 11:45

पेस्तनकाका भाई-सुनिता बाई ना विचारतात " ए भाऊसाहेब घरी पण तुम्ही असे पुस्त्काकामाधी डोके घालून बसते काय रे " ?
त्याची आठवण झाली.

आमच्या घरी मी साहित्य वाचतो आणि सौ. "मायक्रोवेव्ह मधील १०० पाकृ " इ . वाचते आणि त्यामुळेच शेवट गोड होतो हे.वे.सा.न.

तिमा बुधवार, 23/01/2013 11:57

येथ म्हणे श्री 'विश्वेशरावो',
हा होईल दानपसावो ||

आम्ही किनई, दोघे मिळून फक्त 'ज्ञानेश्वरी' हेच पुस्तक वाचतो.