ह्या निर्बुद्ध "सकाळ" चं काय करायचं????

@@@सकाळची 'रद्दी' महिन्याच्या शेवटी किती उपयोगाला पडते हे तुम्हाला काय कळणार ? तसेच सकाळच्या बर्‍याच पुरवण्यांचे पेपर हे गुळगुळीत आणि चांगल्या दर्जाचे असल्याने दुध दुभत्याच्या कपाटात वापरता येतात. मित्रांकडून चोरुन आणलेल्या पुस्तकांना कव्हर म्हणून देखील ह्याचा खूप उपयोग आहे. लोड शेडिंगच्या काळात पंखा म्हणून देखील दर्जेदार उपयोग होतो. @@@@ ह्या ह्या .. हो.. माझ्याकडे अशीच रद्दी हिंदुस्तान times ने सुद्धा जमते .. वार्षिक १९९ रुपयात मस्त ४०० पर्यंत रद्दीचे पैसे येतात .. शिवाय.. पेपर वाचायला मिळतो तो वेगळाच फायदा

संध्यानंद सुरु करा

प्र. के. अत्रे एकदा आपल्या भाषणात म्हणाले होते, 'सकाळचा उपयोग फक्त 'सकाळी'च विशेष होतो.'

वर सर्वांनी म्हटलंय ना, सकाळ आवडत नाही तर मला दै. सकाळ आवडतो, कोणाचं काय म्हन्नं आहे. :) पेप्रावाले आपल्या आपल्या धंद्याच्या हिशोबाने काम करतात त्यात दै.सकाळवाल्यांनी दैनिकांच्या परंपरा वग्रै मोडाव्यात असं मला वाटत नाही, जे चाललं आहे, ते बरं आहे, नव्हे उत्तम आहे. पेप्रांची तुलना करायची असेल तर मराठीतलं कोणता पेपर सॉरी दैनिक घ्यावं म्हणजे सकाळची तुलना होईल. दै. लोकमतने पाहा. मा.श्री अजित दादांचा कसा डोळ्याचे चिपडे काढतांनांचा फोटो टाकला आणि वर लिहिलं 'पवार पाय उतार' खालची बारीक ओळ 'सिंचन भ्रष्टाचाराचे आरोप भोवले'. तुलनेत सकाळनं पाहा अजितदादांचा काय प्रसन्न चित्र टाकलंय.(अहाहा.) आणि शीर्षकही संपादकांची म्याचुरिटी दाखवते 'अजित दादांचे राजीनामास्त्र बारीक ओळीत ''नि:पक्षपातीपणे चौकशी होण्यासाठी घेतला निर्णय.'' (छापील पेप्रात लाईकचं बटन असतं तर क्लिक केलं असतं असो) तर दोन दैनिकांच्या या दोन बातम्यांचा अभ्यास केला तर लक्षात येतं की लोकमतला राष्ट्रवादीच्या नेत्यांचे प्रसन्न चेहरे दाखवण्याचा नेहमी कंटाळा येतो[पाहा तटकरे, भुजबळांचे काय ?] तुलनेत सकाळने दर्डांचे [कोळशांच्या प्रकरणात] फोटो चांगले टाकले आहेत. सकाळ पेपर कसा स्वच्छ असतो बातम्या असो नसो त्याला पाहावं वाटतं लोकमतचं तसं नाही. दै. सकाळचं संपादकीय दै. लोकमतच्या तुलनेत चांगलं सुस्पष्ट मत व्यक्त करणारं असतं. लोकमतचं तसं नाही, डचकत डचकत आलेलं ते संपादकीय असतं. असो. अजून खूप बारीक सारिक तुलना करुन मत मांडलं असतं. पण, टंकाळा आला. टीपः दै. सकाळचा मी पत्रकार, लेखक, संपादक, वगैरे नाही. माझी दै. सकाळची कोणतीही एजन्सी वग्रै नाही. दै. सकाळ आंतरजालावर बाजू मांडण्यासाठी कोणत्याही प्रकारचं मानधन देत नाही. धन्यवाद. :) -दिलीप बिरुटे

यावर बरंच पूर्वी मिपावर पण लिहून झालं आहे. एक साधी युक्ती सांगतो. कधीही सकाळ किंवा इ-सकाळ वाचताना अगदी सरळ डोक्यात जाईल अशा तर्‍हेची एकांगी बातमी असेल - उदा. कुठला तरी राष्ट्रवादीचा बळंच उदो उदो, संबंध नसताना मोदींना अमुक प्रकरण कसे भोवले, काँग्रेसची कशी गोची झाली आहे इ. बरेचदा काही बातम्या आणि मजकूर वाचून हे इतकं apparently उघडपणे दिसतं की याला मुखपत्र का म्हणू नये हा प्रश्न पडतो. अशा वेळी त्या बातमीचा स्त्रोत पहा - ९९% वेळा - सकाळ न्यूज नेटवर्क - हा असतो, इतर वेळा अनंत बागाईतकर किंवा उत्तम कांबळे! अतिशय दर्जेदार पुरवण्या आणि विकांताची वाट पहायला लावणारा सकाळ फॅमिली डॉक्टर आणि इतर अतिशय फेकू पुरवण्या काढून पार बकवास झाला आहे. पण कागद, स्वच्छ आणि वाचनीय प्रिंट, चांगली मांडणी यामुळे सवयीने वाचला जातो. कित्येक वर्ष लोकसत्ता पुण्यात केवळ aesthetics मुळे मार खात होता. आणि स्थानिक बातम्यांच्या अभावामुळे. हळूहळू त्यानेही स्थान मिळवले आहे विशेषतः काही प्रमाणात नि:पक्षपाती (सुमार राव सोडून) आणि मुख्यतः उत्तम पुरवण्या आणि इतर लेख. प्रा.डॉ.: अजितदादांची बातमी अशा तर्‍हेने छापली आहे की मुळात आरोप खोटाच आहे. खरं खोटं न्यायालय / सरकार ठरवेल ना.. सकाळने कुठल्या आधारावर विधान करावे आणि कशासाठी? लोकमत कडे फक्त दर्डा आहेत, दर्जा नाही.. त्यामुळे त्याला बाजूला ठेवलेलंच बरं. सकाळने वृत्तपत्र यापलिकडे जाऊन जो समूह निर्माण केला आहे ते त्यांचं अतिशय उत्तम व्यावसायिक धोरण आहे आणि यशाचं कारणही. ज्याला business ecosystem म्हणावी अशा पद्धतीने, सकाळ, साम, मधुरांगण, बालाजी तांबे आणि फॅमिली डॉक्टर, बालकुमार चित्रकला स्पर्धा, पुस्तके - चिंटू / ढिंग टांग - ब्रिटीश नंदी, इतर, जागर नागरिक मंच आणि इतर बर्‍याच लहान गोष्टी यातून एक सकाळ ब्रँड आणि साखळी तयार केली आहे जी व्यवसाय म्हणून कौतुकास्पद आहे.

सकाळ हा पवार कुटुबाचा भाट आहे. तो विरोधि बातमि छाप्णार नाहि.

>> पुणे टाईम्स आणि संध्यानंदपेक्षा अधिक चविष्ट पेपर दुसरा असूच शकत नाही असा आमचा स्पष्ट अभिप्राय आहे << संध्यानंद आता पूर्वीचा राहीला नाही, पूर्वीचं पुणही राहीलं नाही सकाळची हेडींग पहा म्हणजे कळेल संध्यानंदचे मार्केट का डाऊन झाले

संपादकीय !! अजितदादांचा दणका http://www.esakal.com/esakal/20120927/4680348099663574360.htm "केंद्रातील कॉंग्रेसप्रणीत आघाडीचे "यूपीए' सरकारही हादरून गेले." "अखेरीस आपला "आतला आवाज' शिरोधार्य मानून अजितदादांनी राजीनामा दिला." "पण राष्ट्रवादीच्या नेतृत्वाने घेतलेली समंजस भूमिका पाहता तूर्त तरी त्यांचे मनोरथ पूर्ण होण्याची चिन्हे नाहीत. " "94-95 मध्ये शरद पवार यांच्यावरही खंडीभर आरोप झाले होते आणि ट्रकभरून पुरावे आणण्याच्या गोष्टी केल्या गेल्या होत्या; पण त्यातून काहीच निघाले नाही. केवळ आरोपांचा धुरळाच उडाला. शरद पवारांनी रोज आरोपांना उत्तर देण्यापेक्षा त्याकडे दुर्लक्ष केले. त्यांच्यावर आरोप केले तरच विरोधक स्वतःकडे लक्ष वेधू शकतात, अशी त्या काळातील स्थिती होती." अजून काय लिहायचं बाकी ठेवलंय.. आणि हे नेहमीचे यशस्वी बातमीदारः "दादांच्या राजीनाम्याने भाजप बुचकळ्यात" - सकाळ न्यूज नेटवर्क

निरपेक्ष पत्रकारीतेकरीता मी 'दैनिक बोंबाबोंब(पत्र नव्हे ,धगधगते अग्निकुंड(म्हंजे काय रे भाऊ?(कंसातले कंसाबद्दल क्षमस्व))) 'ऑनलाईन सुरु करण्याचा विचार करत आहे .तिथे प्रत्येकाच्याच नावाने निरपेक्ष बोंब मारली जाईल.विशेष म्हणजे मी ,म्हणजेच'टीनपाट अग्रलेखांचा अनभिषिक्ट सम्राट' तिथे दररोज संपादकिय लिहीण. मिपाकर पार्टनरशिप करतील काय?

सकाळ नेहमीच अती मवाळ / सावध धोरण घेत आलेला आहे. त्यात सध्या त्याची मालकी बारामतीकरांकडे आहे. त्यामुळे सकाळ च्या अशा बातम्यामधे नवे काही नाही सकाळ चा आणखी एक वैचारीक गोंधळ म्हणजे त्याना स्वतःला आपण राष्ट्रीय्/प्रादेशीक की स्थानीक वृत्तपत्र आहोत हे ठरवता येत नाही. त्यामुळे त्यांचा प्राधान्यक्रम मवाळ स्थानीक बातम्या मग राज्यातील महत्वाच्या बातम्या ( उदा: मंडईत दुरड्यांची मोठी आवक / शनिवारपेठेत कॅफेवर धाड / ढोलेपाटलांचे नाव स्थायी समितीत / नागपुरात हळदी-कुंकु कार्यक्रम संपन्न / दिल्लीत खाद्य जत्रा / रवांडा / बुरुंडीच या राष्ट्राध्यक्षांची श्रीलंका / जमेका भेट / ओबामांच्या पोटात दुखू लागले ) असा अनुक्रम असतो. अर्थात हे सर्व जहिरातींमधून जागा शिल्लक राहिल्यास केले जाते. सातार्‍यात अभियम्ता दिनानिमित्त सकाळ ने जी विषेष पुरवणी प्रकाशीत केली होती त्यात विश्वेष्वरय्या यांच्या बद्दल दोन कॉलम पाच सेमी ची एक बातमी. आणि बाकी इतर उरलेली ३.७५ पाने अभिनंदनाच्या जहिरातीच होत्या. ( त्याही दादा/बापू यांच्या अभिनंदनाच्या जास्त)

सकाळ मधील पैलतीर हे अनिवासी भारतीयांसाठी असलेले सदर ही खूपच चांगली संकल्पना आहे. अनिवासी भारतीयांचे लेख व निवासी भारतीयांचे परदेश वारीचे लेख व ह्याहून खमंग व चुरचुरीत अश्या ह्या लेखांवर येणाऱ्या इरसाल पुणेकरांच्या प्रतिक्रिया वाचून ह ह पु आ होते.

'धरणात पाणी नाही तर *तू का' हे अजित पवारांचं वाक्य किंवा ते असल निर्लज्ज काही बोलले याबद्दल सकाळने बातमी दिली नव्हती. मात्र दुसर्या दिवशी 'वादग्रस्त' विधानाबद्दल शरद पवारांनी टोचलेले कान, अजित पवारांची दिलगिरी, आत्मक्लेश याबद्दलच्या बातम्या होत्या.अजित पवारांनी काय तारे तोडले याचा पुसटसा पण उल्लेख नव्हता. अग्रलेख लिहून अजित पवारांना उपदेशहि केला होता. पवारांच्या शाई पुसून दोनदा मतदान कराच्या सल्ल्याबाबत पण बहुदा असेच घडले.

ह्या वरुन आयडीया आली "आपण मिसळपाव टाईम्स हा पेपर सुरु करायचा का " :प

बकाल पेपर छानच असतो, विशेषतः ते महीला सबलीकरण... आणि महीला आत्मनिर्भरीकरण, महिला बचतगट सगळं खूपच गोड असतं... झाशीची राणी येवून शपथ देते म्हणे गावोगावच्या महिलांना फोट्टू असतो ना पेप्रात

आजकालच्या सगळ्या पेपरांमध्ये तटस्थ आणि निष्पक्ष राहणारा एकच पेपर आहे.. . . . . . ....टॉयलेट पेपर

काही नाही हो. मराठी व्याकरणात तीन प्रकारचे प्रयोग आहेत. कर्तरी, कर्मणी व भावे. वेगवेगळी वर्तमानपत्रे हा प्रयोग त्यांच्या वाक्यावाक्यांतून करत असतात. त्याच्या आनंद घ्यायचा. मी लहान होतो तेव्हा खाडीलकरांचा नवाकाळ ग्रेट वाटायचा. मधेच लोकसत्ता आवडायला लागला. अधेमधे लोकमतही आवडत होते. अगदी थोड्या काळाकरीता "पत्र नव्हे कुत्र" ही आवडत होतं. चालायचं. वयोमानानुसार वेगवेगळ्या हिरोईन आवडतात तसचं आहे हे ! :)

लहान तोंडी मोठा घास, पण धर्मराजमुटके तात्या, बाळशास्त्री जांभेकरांच्या दर्पण बद्दल, आपल्याला काय वाटायचे त्यावेळी ? आवडायचा का ?

सकाळ चेही तेच होइल जे युनायटेड वेस्टर्न बँकेचे झाले. पवार ,पुतणे आणि त्यांच्या चेल्यानी उर्जितावस्थेतील युनायटेड वेस्टर्न बँकेला पद्धतशीर पणे लुटून कसे दिवाळे वाजवले ,यावर एक चांगला लेख मागे लोकसत्ता त आला होता.....