Skip to main content

प्रदेश

लेखक पेशवा यांनी शुक्रवार, 27/07/2012 या दिवशी प्रकाशित केले.
तुझे हात नाग गळ्याभोवताली सुर-केवड्याचे रान बहरून आले देहवाटेवरी मिठीचा चकवा हरवणे सापडावे नव्याने जीवघेणे सुखाचा बसे काळजास दंश शरीरावरी शरीर ठिणगी सोसणारे विष-वादळानंतर उरे दगडदेह अन मन पिसापरी तरंगणारे चांदणे रमावे असा हा प्रदेश स्पर्शाच्या समेवर निःश्वास सांडणारे -पुर्वप्रकाशित
काव्यरस
शृंगार
लेखनविषय:
वाचने 1922
प्रतिक्रिया 9

प्रतिक्रिया

यशोधरा शनिवार, 28/07/2012
पेशवा, सुरेख कविता आहे. आवडली. बोरकरांच्या ओळी आठवल्या.. कात सोडिल्या नागिणीचे ते नवयौवन होतें विलख्याविळख्यातुनी आलापित ज्वालांची गीतें गरळ तनूतील गोठूनी झाले अंतरांत गोड कळले का मज जडते देवां नरकाची ओढ

चिगो शनिवार, 28/07/2012
ह्यावेळी अंमळ रोमँटीक झालात की, राव.. छान छान..

चैतन्य दीक्षित सोमवार, 30/07/2012
आवडली कविता. देहवाटेवरी मिठीचा चकवा हरवणे सापडावे नव्याने जीवघेणे या ओळी विशेष. हरवणे सापडावे यातला (शब्दांतला) विरोधाभास, हरवणे सापडावे तेही कसे? तर नव्याने आणि पुन्हा 'जीवघेणे' .. क्या बात है! या एका ओळीसाठी 'कुर्बान' अशी कविता आहे जियो!

आत्मशून्य सोमवार, 30/07/2012
तुझे हात नाग गळ्याभोवताली सुर-केवड्याचे रान बहरून आले
संपुर्ण काव्यच किंकी* (Kink) भासत आहे. * मराठी शब्द आठवत नाही.