Skip to main content

कवितेचा एक प्रयोग

लेखक रामदास यांनी बुधवार, 14/05/2008 19:00 या दिवशी प्रकाशित केले.
सर्जनशीलता वाढावी म्हणून काही प्रयोग शिकण्यासाठी दोन दिवस गेलो होतो. रँडम वर्ड- सहा शब्द -घेउन , त्यांचा ओळीच्या सुरुवातीस उपयोग करायचा आणि कविता लिहायची असा एक प्रयोग होता. माझ्या वाट्याला आलेले शब्द असे होते.श्रावण,उन,रावण,वाळू,पापणी,चार,ज्यांचे. तीन शब्द वापरून मी तीन ओळी लिहिल्या. उरलेल्या शब्दांचा उपयोग राहून गेला. कविंनो बघा काही जमतंय का. श्रावण , सरण्यापूवी, एकदा भिजून घेतो. उन, तापण्यापूर्वी, मोगरा फुलून घेतो पापण्या झडण्यापूर्वी, मनमुक्त रडून घेतो. ही कविता पूर्ण न करता वेगळी लिहू शकाल का?
Taxonomy upgrade extras
प्रकटन
लेखनविषय:
वाचने 7438
प्रतिक्रिया 21

प्रतिक्रिया

लिखाळ बुधवार, 14/05/2008 19:05
लंकेस जाण्या आधी जरा 'उरकून' घेतो आटप रावणा आता पिंडी मी वाळूत ठेवतो --(गोकर्ण महाबळेश्वरचा) लिखाळ.

मन बुधवार, 14/05/2008 19:56
:-)) ;-)) आपलाच, मनोबा (जाडजूड असलेल्या अमेरिकन सोमालियाच्या नागरिकाला म्हणतो. "तुझ्याकडे बघितलं की जगातलं दारिद्य्र समजतं. सीमालियाच्या नागरिक म्हणतो- "आणि तुझ्याकडं बघितलं की त्या दरिद्य्राचं कारण समजतं....!' )

गणपा बुधवार, 14/05/2008 19:09
लंकेस जाण्या आधी जरा 'उरकून' घेतो आटप रावणा आता पिंडी मी वाळूत ठेवतो जबरा =)) =)) =)) फुटलोना मी.

चतुरंग बुधवार, 14/05/2008 19:28
ऊन तापवी मातीला श्रावण जगवी धरतीला 'रावण' तुमच्या मनातला वाळूत गाडा तरि त्याला चार दिसांच्या नात्याला पापणी जपे ओलाव्याला चतुरंग

देवदत्त बुधवार, 14/05/2008 19:32
छान प्रयोग आहे. पण कवितेच्या प्रांतात अस्मादिकांची भटकंती कमीच आहे त्यामुळे इथे बहुधा काही नाही :(

शितल बुधवार, 14/05/2008 19:44
श्रावणात हा खेळ असे ऊन आणि पाऊस दोन्ही पडे चार दिसा॑ हा खेळ पाहुनी पापणी ही फडफडे वाळुची ही घरे बा॑धुनी रावण त्यात झोपी असे

फक्त संदीप बुधवार, 14/05/2008 20:12
मी संदीप,एक वाचक श्रावण सरला, ऊन तापले होते, तापलेल्या वाळु मध्ये रावण ऊभा स्वप्न सीतेचे पापण्यात होते. एक डिझाईनर :SS :SS :SS

अरुण मनोहर गुरुवार, 15/05/2008 06:49
उन उन श्रावण घेवड्याची भाजी चार मिरच्या जास्तच घातलेला रावणभात खाऊन ज्यांचे डोळ्यात पाणी आलेले दिसत नाही, त्यांनी पापणी मिटलेलीच असणार!

विसोबा खेचर गुरुवार, 15/05/2008 08:12
मस्त आहे प्रयोग! सगळ्यांच्या कविता आवडल्या...! :) लिखाळराव आणि रंगाने छान लिहिले आहे... रामदासराव, तुम्ही नका कवितांच्या फंदात पडू! तो तुमचा प्रान्त दिसत नाही! (हा असाच आपला मोफत सल्ला बरं का! त्याचं विशेष काही मनावर घेऊ नका!) :) आपला, (किंचितकवी) तात्या.

ऋचा गुरुवार, 15/05/2008 10:10
श्रावण ऊन खात झोपला अचानक पाऊस पडू लागला पापणी पावसात भिजली आणि वाळूची घरे वाहून गेली रावणाच्या दहा मधली चार गेली ज्यांचे मनाज रावण त्यांना मिळाली.. :? (अगदी बाळबोध..)

आंबोळी गुरुवार, 15/05/2008 12:20
श्रावण आला बरसत सृष्टीने रुप ल्याले नवे | उन पावसाचा खेळ चालतो सामील धरती नवपालवी सवे || रावण बैसला खाली अडकवून कानास जानवे | वाळूत ठेवूनी लिंग गणपती खोड त्याची जिरवे || पापणी मिटोन म्हणतात विजुभाउ मलेशियास जावे | चार घटका करमणूक करण्या घर सखीचे धुंडावे || ज्यांचे बरे त्याच्या म्हणे आंबोळी निंदकाचे घर शेजारी असावे ||

प्राजु गुरुवार, 15/05/2008 17:31
श्रावणात खुलुन येई उन पावसाचा खेळ पापणीत मिटलेल्या चार घटिकांचा मेळ... शिवलिंग स्पर्शाने वाळू हळूवार पतित झाली रावणाची मस्ती अशी गणेशाने उतरविली रामदासे दिले हे काही शब्द वेगळे ज्यांचे काव्य बनले मिसळगृही आगळे... - (सर्वव्यापी)प्राजु http://praaju.blogspot.com/

ॐकार शुक्रवार, 16/05/2008 01:55
श्रावण,उन,रावण,वाळू,पापणी,चार,ज्यांचे. रावण जाळू नका श्रावण पाळू नका वाळू खाते ऊन तेथे घाम गाळू नका चार खांद्यांची मागणी जिथे मिटली पापणी ज्यांचे त्यांचे देणे-घेणे असे टाळू नका

रामदास शनिवार, 17/05/2008 09:20
सर्जनशीलता वाढवण्यासाठी केलेल्या कार्यशाळेत सुद्धा अशीच मजा आली. एकूण साठ प्रयोग होते.परंतू आम्ही केवळ पंधरा -विस पूर्ण करू शकलो. कवितेचा प्रयोग कठीणच होता.आम्ही फक्त सहाच करू शकलो. मिपावर मात्र ज्या वेगाने कविता आल्या त्या वाचून एक गोष्ट लक्षात आली ,की मिपावर सर्जन विपुल आहे. वाचन करणार्‍यांचे, कविंचे , मनापासून आभार.

रघु सावंत रविवार, 08/07/2012 12:11
फारच छान आहे कवीता सर इथेही तुमची वाटचाल छान झालेली दिसते. फुढेही लिहित रहा म्हणजे बरं वाटेल. रघू

चित्रगुप्त रविवार, 08/07/2012 13:17
चार श्रावण ऊन रावण वाळू झरे पापणी फिरे ज्यांचे चार त्यांचे फार. .... दुर्बोधता हे नवकाव्याचे व्यवच्छेदक लक्षण होय, असे खुद्द गंगाधर गाडगिळानी सांगून ठेऊन आमच्यासारख्यांची चांगली सोय करून ठेवलेली आहे....