निसर्गकविता ४: पाऊस

निसर्गकविता १ : झाडांच्या पानात (With Mp3 song) - https://www.misalpav.com/node/20633
निसर्गकविता २ : प्रिय प्राजक्त - https://www.misalpav.com/node/20703
निसर्गकविता ३: कोसळल्या सरी.. दूर डोंगरमाथी... https://www.misalpav.com/node/21061

अलवार सर पावसाची
वार्‍यासंगे बिलगती
नाजुक कोरीव पात्यांवर
घन कोवळे ओथंबती

पवना माय खळाळती
फुललेल्या घरभिंती
हळुवार टपोर्‍या थेंबांची
किनार्‍यावर गस्त चालती

ओल्या-हिरव्या रस्त्यांवरती
पाऊले रिमझीम पडती
गंधाळलेल्या मातीमधुनी
प्रेमाची पाखरण होती

दूर विंचुकाट्यावरी
ओलेती नजर विसावती
ओघळलेल्या स्वप्नचांदण्यास
मन अलगद वेचती

-- शब्दमेघ (निसर्गकविता : १० जून २०१२)