प्रश्न आणि प्रश्न...

आशू, तुमच्या सगळ्या प्रश्नांचं उत्तर 'इस्लामिस्ट्स्‌मुळे' हे एकच आहे. अर्थात हे तुम्हाला नि इथे चर्चा करणाऱ्या सगळ्यांनाच माहिती आहे. इस्लामिक नि इस्लामिस्ट या दोन वेगळ्या गोष्टी आहेत. जसा सिद्धिविनायकाला अनवाणी जाणारा प्रत्येकच भाविक हिंदू हा कट्टर हिंदूराष्ट्रवादी (हिंदूइस्ट) नसतो तसेच दिवसातून पाचवेळा नमाज पढणारा प्रत्येकच इस्लामिक हा दरूल-इस्लामवादी (इस्लामिस्ट) नसावा असं आपल्याला प्रामाणिकपणे वाटतं. हिंदू समाजावरचा हिंदूइस्ट्स्‌चा पगडा हा मुसलमान समाजावरच्या इस्लामिस्ट्स्‌च्या पगड्याच्या तुलनेत नगण्य आहे. आणि इस्लामिस्ट्स्‌चा नुसता पगडाच नाही, तर दहशतही आहे. याचबरोबर हिंदूंमधल्या हिंदूइस्ट्स्‌चं प्रतिशत प्रमाण हे इस्लाममधल्या इस्लामिस्ट्स्‌च्या प्रतिशत प्रमाणाच्या तुलनेत नगण्य आहे. आंध्रमधे हनुमान जयंती / रामनवमीला मुसलमानांकडून विरोध होतो म्हणून त्या प्रचंड प्रमाणावर साजऱ्या करण्यात आल्या. इंटरनेटवर त्या लाखा लाखाच्या यात्रांचे फ़ोटो पाह्यले. मला प्रश्न असा पडला की हे साजरे करणारे नि त्याला विरोध करणारे इतक्या मोठ्या संख्येत, उत्साहात १५ ऑगस्टचं ध्वजवंदन का बरे नाही साजरं करत? यामुळे आणि एतद्देशीय लोक नि वाढते मुसलमान यांच्या परस्परसंबंधांबाबतीतला जगाचा इतिहास पाह्यला तर भारतासाठी दोन्हीकडे जबरदस्त भारतीयत्वाचा परिपोष हाच तुमच्या प्रश्नांवर उपाय आहे. पण भारतीयत्व ठरवताना मात्र राम की बाबर, औरंगजेब की छत्रसाल, अफ़झलखान की शिवाजीराजा, मनुस्मृती की राज्यघटना, बुलबुल-गुलिस्ताँ की मातृभूमी, शरीयत की समान नागरी कायदा, चातुर्वर्ण्य ग्राह्य की त्याज्य, प्रांतभावना आधी की राष्ट्र, जातीविद्वेष की जाती निर्मूलन - असे अगणित अडचणीचे प्रश्न या दोन्ही आणि बाकीच्याही गटांना भेडसावतील. त्यावेळी मात्र शेपूट न घालता विशुद्ध भारतीयता नि त्याहून व्यापक वैश्विक ग्राह्यता या दोन निकषांवर निवड करावी लागेल. आणि हे काम या चर्चागटाच्या क्षमतेपलिकडचे आहे. कारण यात चर्चा नाही, तर प्रत्यक्ष कृती आवश्यक आहे.

भिवंडी आणि तिथला समाज म्हणजे जणु काय देशद्रोही लोकांचाच इलाका आहे, असे समजणार्‍यानी सत्यमेव जयतेचा तिसरा भाग पहावा. http://www.satyamevjayate.in/issue03/videos/ ००.४२ मिनिटांपुढचा भाग

http://twocircles.net/2011jan16/muslims_just_3_army_account_6_martyrs.h… जम्मु आणि काश्मीर इन्फन्ट्रीत तर ५० % मुसलमान आहेत आणि १९४७ पासून आजअखेर झालेल्या चकमकीत मोठ्या प्रमाणावर त्या धर्माचे लोक भारतासाठी शहीदही झालेले आहेत. http://www.globalsecurity.org/military/world/india/rgt-jakli.htm http://en.wikipedia.org/wiki/Jammu_and_Kashmir_Light_Infantry कुठल्याही धर्माला सरसकट धोपटणे बरे नव्हे....

घोडं का अडलं ? पान का सडलं ? गर्लफ्रेंड का रुसली ? सगळ्यात महत्त्वाचं म्हण्जे यकुंच्या कोंबडीचं काय झालं ?

श्री आशु जोग, तुम्हाला एक सल्ला द्यावासा वाटतो. तुम्ही प्रश्न मांडले आहेत ते ठीक पण तुमचे त्या विषयावर पूर्ण समाधान व्हावे असे वाटत असेल आणि वस्तुनिष्ठ चर्चा घडवून आणायची असेल तर प्रत्येक प्रश्नाची पूर्वपिठीका, त्यावरची तुमची मते, विचार, इतर अभ्यासकांची मते , उपाय असा व्यवस्थित गोषवारा लिहून मग त्यावर चर्चा घडवून आणा. त्यासाठी लागणारा अभ्यास वाढवा. बर्याच वेळा तुम्हाला उत्तरं त्या अभ्यासातूनच मिळून जातील . मुळात वेगवेगळ्या विषयावरचे प्रश्न ठासून एका धाग्यात घुसडायचे आणि तो गडबडगुंडा हवेत फेकायचा, मग झेलायला पब्लिक येतंच,ती गम्मत बघत राह्यचं. शिवाय तुम्ही विचारलेल्या जवळजवळ सर्वच प्रश्नांची उत्तरं "मुस्लीम लोक, त्यांचा धर्म, भाषा आणि संस्कृती " असं तुम्ही आधीच मनात धरलेलं असतं असं वाटतं आणि फक्त त्याला अनुमोदन देणारे प्रतिसाद यावेत यासाठी तुम्ही जिलबी टाकता. विचारलेल्या प्रश्नांना उत्तरं,प्रतिवाद आले कि तुम्ही अजून वेगळेच , वेगळ्या विषयाशी संबंधित प्रश्न काढून किंवा मुद्दे उपस्थित करून गाडी वेगळ्याच रुळावर सोडून देता. चर्चा भरकटून जाते ती याचमुळे. तुमचे वरचे सर्व प्रतिसाद वाचले तर कुणालाही ते चटकन लक्षात येईल. आणि तुमचा मागचा धागा वाचनमात्र झाला त्याचं कारण हेच. बघा पटलं तर बाकी तुम्ही काय करावं याचं स्वातंत्र्य तुम्हाला आहेच. तरीपण हे असे धागे टाकण्यामागे तुमची प्रेरणा काय आहे याचा विचार 'सतत आपले मन आणि विचार जास्त सुसंस्कृत आणि प्रगल्भ करणारी एक प्रामाणिक व्यक्ती' बनण्यासाठी तुम्ही कराल अशी अपेक्षा ठेऊन दिलेला हा सल्ला.

भारतीय माणूस परदेशी जायच्या गोष्टी करतो, किवा परदेशात गेल्यावर, तिथून परत आल्यावर भारताला इंडिया असाच म्हणतो.लाज वाटते का मी भारतीय आहे अस सांगण्याची? कि आपल्या देशाच नाव भारत नाहीच?

मी पण विचारु का एक प्रश्न? " क्या आप के टूथपेश्ट मे नमक हय?? " :)

माझ्या मुद्यांऐवजी तू मलाच टार्गेट करायला लागलास. टीका लेखनावर करा लेखकावर नको. ---- श्री. आशु जोग टार्गेट करण्याची भाषा आवडली नाही. टीका खेळकरपणे घेतली असतीत तर तुम्हाला तसे वाटले नसते. शिवाय टीका लिखाणावरच होती. धाग्यातला विषय कसा मांडला जावा ते सांगावेसे वाटले तसे सांगितले. सातत्याने असे लिखाण करण्याची प्रेरणा तपासून पहा असे म्हंटले त्याचे वाईट वाटले काय ? तुमच्या लिखाणात तसे जाणवले म्हणून विचारले. बाकी तुमची मर्जी. मागील धाग्यातदेखील तू दहशतवादाचे कारण गरीबी, उपासामारी दिले होतेस. पण मग ---- ते कारण आहेच कि मग. त्याशिवायही अनेक कारणे आहेत. फक्त तेच आहे असे म्हंटले का ? बाकी ते एक प्रमुख कारण नक्कीच आहे. दाउदची कुठली गरीबी आहे, ---- तो एक क्रूर अपराधी आहे. आणि त्याच्या अपराधी कारवायांमागे त्याची अपराधी वृत्ती हीच कारणीभूत आहे. तो गरीब आहे (?) म्हणून समर्थनीय अपराधी आहे असे मी केंव्हा म्हंटले. किंवा भारतातल्या कुठल्या मुस्लिमांनी म्हंटले ते सांगा. पाकिस्तान निर्मितीसाठी प्रचंड दंगे करणार्या जीनांची कोणती होती गरीबी. हे सांगणे तुला जमलेले नाही... ---- परत वडाची साल पिंपळाला. जगातल्या किंवा भारतातल्या सगळ्याच समस्या गरीबीमूलक आहेत असं माझं मत असल्याचं तुम्ही सोयीस्कर ठरवून घेता आहात. पाकिस्तानच्या निर्मितीसाठी नुसते दंगे कारणीभूत होते हे म्हणणं किती भोळेपणाचं आहे. त्यामागे आपल्या त्या काळातल्या नेत्यांनी ब्रिटीशांच्या मुत्सद्देगिरीपुढे पत्करलेली शरणागती, दाखवलेला दुर्दर्शितेचा अभाव, देशातल्या सर्व लोकसमूहांना एकजूट करण्यात त्यांना आलेले अपयश ह्या आणि अशा अनेक गोष्टी आहेत. व्ही. व्ही. नगरकरांचे ' the Genesis of Pakistan ' नावाचे पुस्तक खूप माहितीपूर्ण आहे. वाचायचा आग्रह करतो.खूप प्रश्नांची उत्तरं मिळतील. कुठलेही कारण दिले तरी दहशतवाद, खून समर्थनीय कसे होऊ शकतात. ---- अलबत होऊ शकत नाही. पण ते घडण्यामागची कारणमीमांसा करणे ही एक निरोगी समाज बनवण्यासाठी आवश्यक प्रक्रिया आहे असं तुम्हाला वाटत नाही काय ? >> तो गडबडगुंडा हवेत फेकायचा, मग झेलायला पब्लिक येतंच, मला नावे ठेवतो आहेसच पण आता पब्लिकलाही नावे ठेवतो आहेस. का बाकीच्या लोकांना स्वतंत्र बुद्धी नाही वाटते. ---- मुळात असे द्वेषमुलक धागे काढायचे त्यावर भावना भडकावून प्रतिसाद गोळा करायचे आणि वर नावं ठेवली जातायत असा कांगावा करायचा. हो, प्रत्येकाला स्वतंत्र बुद्धी असतेच पण त्याखेरीज प्रत्येक माणसाच्या निर्णयक्षमतेवर परिणाम करणारे भावना , वैयक्तिक श्रद्धा , लहानपणापासून आपण जीत वाढलो ती संस्कृती हे घटकहि असतात. या गोष्टींचा फायदा घेऊन वस्तुनिष्ठ विचार करण्याची क्षमता झाकोळून टाकणारे व त्यावर पोटं भरणारे राजकारणी नावाचे कीटक वर्षानुवर्षे पोसले जातात हे आपण पाहतोच. अर्थात म्हणूनच तुम्हाला तुमची प्रेरणा तपासून पहायचा सल्ला दिला होता. आणि जोपर्यंत पुण्यातील जर्मन बेकरी बॉम्बस्फोट, मुम्बई रेल्वे बॉम्बस्फोट. मुम्बईवरचा २६/११ चा हल्ला काश्मीरातील पंडीतांना काश्मीरातून हाकलवून लावणे या गोष्टी चालू राहतील तोपर्यंत मी त्याविरुद्ध आवाज उठवतच राहणार ! ---- त्याकरता शुभेच्छा , घटनांची निवड तुमचा एका समाजाविषयीचा द्वेष चटकन दाखवून देते. दांतेवाडा हत्याकांड , नक्सली चळवळ, अरुणाचलातील afspa , कश्मीरमधील afspa , उल्फा सन्घटना, खैरलांजी, मालेगाव बॉम्बस्फोट, गुजरात दंग्यातील बेस्ट बेकरी हत्याकांड, भिंद्रनवाले, खलिस्तान चळवळ यावरही तुम्ही आवाज उठवणारे धागे काढाल अशी अपेक्षा ! सगळ्याच भारतीयांचा याला विरोध असला पाहीजे. ---- भारतीयत्वाचा तुमचा आणखी एक निकष काय ? सगळ्या भारतीयांचा तुम्ही उल्लेखलेल्या गोष्टींना विरोध नाही असे गृहीत धरणाऱ्या प्रवृत्तीचा निषेध.

अगदी योग्य

माझा प्रश्न हा आहे व मला एका परदेशी कलीग ने विचारलेला प्रश्न ही तोच होता- एव्ह्ढ्या मोठ्या भारतावर ( पाकिस्तान, बान्ग्लादेश व सध्याचा भारत) हे शम्भर ईन्ग्रज २०० वर्ष राज्यच कसे काय करु शकले? आय रेड युर हिस्टरी. आय कुड नॉट अन्डरस्ट्यान्ड वन थिन्ग द्याट हाउ कम सो स्माल ब्रिटिश इन नम्बर्स कॉन्कर सो बिग इन्डिया यान्ड रुल फॉर २०० इयर्स मी. मनोरा? मी आजही निरुत्तर.