नमस्कार मंडळी, प्रस्तावना : १. ही कोणतीही जाहीरात नाही. २. ह्यात कोणताही स्वार्थ नाही. ३. कोणतेही साहित्यमुल्य/सेटल द स्कोर नाही. ४. गैरसमज नकोत. ;) धन्यवाद. खरं तर मराठी आंजावरून तात्पुरता सन्यास घ्यायचं ठरवलं होतं, पण पुन्हा एकदा उफाळून आलंच. वांझोटे धागे, चर्चा, जुलाब लावणार्‍या कविता, मराठी माणूस आहोत हे सिद्ध करणारे चरणखेचक धागे आणि रिकामचोट शतकी प्रतिसाद.. ( अर्थात यात माझाही सहभाग असेलही) पण यातून खरच काय साध्य करतोय असा विचार मनात आला. असो, मूळ मुद्द्यावर येऊया, मी मिपावर आलो ते "राघव - पुर्वीचा मुमुक्षु" या व्यक्तीमुळे. सुरुवातीला केवळ मनोरंजन म्हणून याकडे पाहिले आणि हळूहळू एक सदस्य झालो ते कायमचा. माझा पहिला-वहिला कौल चांगला चर्चिला गेला पण तो आता नव्या मिपा धोरणांमुळे अस्तित्वात नाही. आता सध्याच्या चर्चा/सेटल द स्कोर्/विडंबने/सुखावणारे लिखाण पहाता एक विचार असाही स्पर्शून गेला की काहीतरी विधायक घडले तर वाईट काय? म्हणून हा प्रपंच. भाग १ यासाठी म्हंटल आहे की भाग २ हा सामुदायीक/चर्चेला अनुसरून असावा. तर हा भाग माझ्या नोकरदार मिपाकरांसाठी :) काही मुद्दे खाली मांडत आहे १. एकंदरीत मराठी माणसे नोकरीमधे उच्चपदस्थ कमी दिसतात - यात आपण मिपावर एखादे नोकरी विषयक सदर सुरु केल्यास उपयुक्त ठरेल. ( मी या आधी काही मिपाकरांना भेटल्यानंतर मदत केली आहे हे नम्रपणे नमूद करु ईच्छितो.) २. परदेशात नोकरी हवी असल्यास मराठी लोक उच्चपदस्थ असले तरी आणि माझ्या अनुभवाप्रमाणे मदत करणारे कमीच. ३. भारतातही आपल्या कंपनीत नोकर्‍यांसाठी जागा उपलब्ध असतात, त्यात जर मिपावरच्या एक व्यक्तीचा फायदा झाला तरी धन्यच. :::नोकरी आणि ईतर प्रस्ताव येत असतील तर ते निर्धोक पुढे यावेत ही अपेक्षा. सध्या हा चर्चा प्रस्ताव सुरु ठेवतो.. ओपन फोरम... पुढचे पुढे