Skip to main content

एकल घाट

लेखक अज्ञातकुल यांनी गुरुवार, 16/02/2012 09:24 या दिवशी प्रकाशित केले.

चालते आठवण उतरुन एकल घाट
क्षण; विसरुन थांबे उसंत घेइ रहाट
जन्मांच्या वेठी भावुकल्या भातुकल्या भेटी येती
चंद्रासह उजवे उगवे रमण पहाट

बागडे चांदणे; रास खेळती राती
कांही न उरे तळहाती सरल्या अंती
बहु शंख शिंपले आदळती ओघात
कातरला अवघा लाट झेलुनी काठ

पलकांतिल गाठी रमल फुलांची माला
शमवी हृदयातिल विरही दारुण ज्वाला
साकडे घालतो रोज नव्या स्वप्नांसाठी
तुम्हि येत रहा नित करुन वाकडी वाट

............................अज्ञात

काव्यरस
करुण
लेखनविषय:
वाचने 1577
प्रतिक्रिया 7

प्रतिक्रिया

मिसळलेला काव्यप्रेमी गुरुवार, 16/02/2012 13:38

परत एकदा अफाट रचना!!!

बागडे चांदणे; रास खेळती राती
कांही न उरे तळहाती सरल्या अंती
बहु शंख शिंपले आदळती ओघात
कातरला अवघा लाट झेलुनी काठ

व्वाह... सुंदर!!

पप्पु अंकल रविवार, 19/02/2012 17:17

बहु शंख शिंपले आदळती ओघात

कातरला अवघा लाट झेलुनी काठ
या ओळिंवरुन हा घाट म्हणजे किनारा असावा