खुशाली कळवत राहा ..!!

आता नावे पुसली गेली असतील

किनाऱ्यावरची ...........

आता उनेही सहन होत असतील

डोंगरावरची ...........

आता पावसात पक्षीही भिजत असतील

झाडावरचे ..............

पण .......असो....... खुशाली कळवत राहा ........

किनारे हे भांडण्यासाठी असायचे

आणि समजवण्यासाठी .....

डोंगर हे फिरण्यासाठी असायचे

आणि छेडण्यासाठी .....

झाडे हि सावलीसाठी असायची

आणि भिजण्यासाठी ......

पण .........असो........ खुशाली कळवत राहा ........

शंख अन शिंपले देणे घेणे व्हायचे...

डोळ्यातील आसवांचे येणे जाणे असायचे...

उन सावलीचा खेळ खेळायचा ...

हातातला हात न कधी सोडायचा ...

भिजताना पाहायचे एकमेकांना ..

आणि चिंब बरसणाऱ्या पावसाला .....

पण .........असो........ खुशाली कळवत राहा ........

आता आठवणी या अशाच दाटायाच्या,

काहीतरी विसरण्यासाठी.....

जीवन हे असेच चालायचे ,

कुठेतरी थांबण्यासाठी ...

पत्र हे असेच लिहायचे ,

कधी न धाडण्यासाठी ....

पण .........असो........ खुशाली कळवत राहा ........