(Sonar Of Thoughts)

ध
धन्या यांनी
 ·  लेख
लेख
Sonar of Thoughts ! जसे समुद्राची खोली सोनार नावाचे उपकरण शोधते तशी मनाची खोली आपले विचार शोधतात. म्हणून या फोटोला असे नाव दिले आहे. समोर अथांग समूद्र, काठावर मनाचा अथांग सागर आणि हे सगळं पाहायचं, अनुभवायचं सोडून बावळटपणे आपला फोटो काढणार्‍याकडे निर्विकार वृत्तीने पाहणारा हा बैल. मी काढलेला एक फोटो, शेखाडीला*. याच्यावर काही ओळी लिहिता आल्या तर बघा. सगळ्यात उत्तम कवितेला एक छोटेसे बक्षीस (बाकी शुन्य हे पुस्तक**).....पुढच्या कट्याला...... अर्थात कमीत कमी १० लोकांनी लिहीले तर नाहीतर....नाही. *हरीहरेश्वरहून दिवेआगरला (किंवा उलट) समुद्र किनार्‍यावरील रस्त्याने जाताना वाटेत हे शेखाडी गांव लागतं. ब्याण्णवच्या बॉम्ब स्फोटात वापरलेले आरडीएक्स याच किनार्‍यावर उतरले होते. कधी हरीहरेश्वरला किंवा दिवेआगरला गेलात तर या रस्त्याने नक्की जा. डोळ्याचे पारणे फीटेल. ** हे पुस्तक छान आहे (असं डान्राव म्हणतात ;) ) पुस्तक सध्या आउट ऑफ प्रिंट आहे. प्रिंटला गेले आहे असे गेले चार महिने अबक मधल्या पुस्तक दुकानदारांकडून ऐकतोय. त्यामुळे पुस्तक जर बाजारात आले तरच बक्षिस म्हणून देण्यात येईल. (डान्रावरावांकडे असलेली कॉपी वाचायला म्हणून आणून नंतर ती ढापून बक्षिस म्हणून दयायला आमचा जीव काही वर आलेला नाही.)
वर्गीकरण
लेखनविषय (Tags)
स्थिरचित्र
लेखनप्रकार (Writing Type)
आस्वाद
विरंगुळा
24233 वाचन
💬 प्रतिसाद (113)

प्रतिक्रिया

धन्या
Sat, 11/05/2011 - 16:57 नवीन
पत्रकारसाहेब, सार्‍याच गोष्टी परफेक्ट करायला आम्ही आमिर खान नाही. काही गोष्टी आम्ही आमच्या आनंदासाठी करतो. ;)
↩ प्रतिसाद: यकु

यकु
Sat, 11/05/2011 - 17:12 नवीन
काही गोष्टी आम्ही आमच्या आनंदासाठी करतो. Wink
हॅ हॅ हॅ करा ना.. उद्या कुणी ऊंटाच्या बुडख्याचा मुका घ्यायला उडी मारील आणि म्हणेल आम्ही हे आम्ही आमच्या आनंदासाठी करतो. ;-) कसं जमायचं ? (ह.घे.)
↩ प्रतिसाद: धन्या

धन्या
Sat, 11/05/2011 - 17:17 नवीन
कसं जमायचं ?
हा उंट आणी मुका घेणार्‍याचा प्रश्न आहे. तुम्ही फक्त आम खाव ना, गुठलिया कायको गिनताव.
↩ प्रतिसाद: यकु

धन्या
Sat, 11/05/2011 - 17:25 नवीन
रक्त काढायला*
शीव शीव शीव. आजच्या पीढीला कुठे काय बोलावं हेच कळत नाही. * अधिक माहितीसाठी वपाडाव यांच्याशी संपर्क करा. त्यांच्या लॅपटॉपमध्ये रक्तचरीत्र सिनेमा आहे. ;)
↩ प्रतिसाद: यकु

अत्रुप्त आत्मा
Sat, 11/05/2011 - 18:04 नवीन
@-शीव शीव शीव. आजच्या पीढीला कुठे काय बोलावं हेच कळत नाही. .... धनाजीराव परत पेटलेले दिसताय... आजची पिढी हो आजची पिढी,कोणाच्या निखाय्रावर कोणाची बिडी... ;-) असलं काहीतरी गीत लिवा अता... :-D
↩ प्रतिसाद: धन्या

रामजोशी
Sat, 11/05/2011 - 17:50 नवीन
आणंद ! कोण आम्ही काय पुसता फोटो काढती वाकडे ते धाकटे आम्ही थोरले आणंदी आम्ही गे.
↩ प्रतिसाद: धन्या

धन्या
Sun, 11/06/2011 - 07:26 नवीन
सहमत. मिपा खुले व्यासपीठ असल्याने तुम्ही आणंदी आम्ही गे अशा शब्दांत वर्णन केलेला आनंदोत्सव इकडे सुरु करायचा की नाही असा काथ्याकुट जरी केलात तरी तुम्हाला कुणी कुणी काही बोलणार नाही. प्रतिक्रिया हघेवेसांनल. :)
↩ प्रतिसाद: शिल्पा ब

यकु
Sun, 11/06/2011 - 15:04 नवीन
धना, तु दिलेल्या लिंकवर येणारा एक मेगाबायटी एवंच जार्गनपूर्ण प्रतिसाद सहन करण्याची शक्ती मिळो अशी अ‍ॅडव्हान्स प्रार्थना. ;-)
↩ प्रतिसाद: धन्या

रेवती
Fri, 11/11/2011 - 21:04 नवीन
हा हा हा
↩ प्रतिसाद: शिल्पा ब

विजुभाऊ
गुरुवार, 11/24/2011 - 19:55 नवीन
( पाडगावकर मोड ऑन ) एका होता बैल कर म्हणाला माझी चड्डी सैल पोहत जाईन हजार मैल गाठेन परी तीर पैल. इस्ट कोस्टाला उभी असेल शिंगाला शिंग घासेल आणि थोडी लाजेल माझ्या सवे भिजेल. ( पाडगावकर मोड ऑफ)
↩ प्रतिसाद: यकु

दत्ता काळे
Sat, 11/05/2011 - 15:43 नवीन
वाकडेसाहेब पुस्तक मिळविण्यासाठी बर्‍याच अटी घातल्या आहेत बुवा तुम्ही. म्हणजे , १. कमीत कमी दहा लोकांनी लिहीले पाहीजे, २.पुस्तक बाजारात यायला हवे, ३. पुस्तक पुढच्या कट्ट्याला मिळेल ( म्हणजे कट्टा व्हायला हवा ). लिखाणाच्या दर्जाची पारख ( कारण उत्तम कवितेलाच बक्षिस असल्यामुळे ) कोण करणार ?

धन्या
Sat, 11/05/2011 - 16:59 नवीन
लिखाणाच्या दर्जाची पारख ( कारण उत्तम कवितेलाच बक्षिस असल्यामुळे ) कोण करणार ?
ते कुणी लिहिलंच तर पाहता येईल. आधीच कशाला डोक्याला शॉट दया ;)
↩ प्रतिसाद: दत्ता काळे

५० फक्त
Sat, 11/05/2011 - 19:37 नवीन
'लिखाणाच्या दर्जाची पारख ( कारण उत्तम कवितेलाच बक्षिस असल्यामुळे ) कोण करणार ?' सोपं आहे, सगळ्या कविंतांच्य प्रिंट काढायच्या त्याच बैलापुढं नेउन टाकायच्या जी कविता तो बैल खाणार नाही ती उत्तमा, हाकानाका.
↩ प्रतिसाद: दत्ता काळे

मी-सौरभ
Sat, 11/05/2011 - 23:47 नवीन
बैल नाही मिळालाच तर ..... मिपावरच्या वृषभ राशीच्या लोकांचा सल्ला घ्या ;)
↩ प्रतिसाद: ५० फक्त

प्रचेतस
Sat, 11/05/2011 - 17:12 नवीन
आमची प्रेरणा आजही तू आली नाहीस तूही त्या पहिल्या गायीसारखीच झाली आहेस, बेभरवशी. चरण्याची सवय लावून गुडूप होऊन जातेस. पण मग मी वाट पाहात राहतो, तू येण्याआधीच्या इतर गायींची, चरणार्‍या इतर बैलांची, वासरांची वैताग आणणार्‍या शेणाच्या वासांची, कारण मला माहित असते, कि या सर्वांनंतर, तू येणार आहेस, माझ्याबरोबर चरत राहून, माझ्या वाटेचा चारा पण खाउन टाकणार आहेस. आजही तू आली नाहीस, मी मात्र रोजच्या प्रमाणे उद्याही येईन, माझ्या वाटेचा चारा खायला.

गवि
Sat, 11/05/2011 - 17:17 नवीन
:)
↩ प्रतिसाद: प्रचेतस

धन्या
Sat, 11/05/2011 - 17:21 नवीन
जबरदस्त वल्ली... लगे रहो.
↩ प्रतिसाद: प्रचेतस

गवि
Sat, 11/05/2011 - 17:28 नवीन
या माडबनी झडकरि ये गायगडे.. हे वृषभवृषण पडले तुजवाचुनि कोरडे.. खच्चुनि लाव जोर प्रिये, तोड तुझा कासरा.. भेट माझी म्हणुनि उदरि घेऊनि जा वासरा..

यकु
Sat, 11/05/2011 - 17:29 नवीन
या माणसाच्या प्रतिभेला काही धरबंध नाही!!! हात टेकले!! =)) =))
↩ प्रतिसाद: गवि

धन्या
Sat, 11/05/2011 - 17:32 नवीन
सलाम गविशेठ. समुद्राच्या फेसाळत्या लाटांच्या पार्श्वभूमीवर दोन जीवांचे मिलन... आणि तेही केवळ दुसर्‍या जीवाच्या निर्मीतीच्या उदात्त भावनेनं... वासनारहीत... अहाहा...
↩ प्रतिसाद: यकु

श्रावण मोडक
Sat, 11/05/2011 - 17:57 नवीन
सहमतच!
↩ प्रतिसाद: धन्या

जे.पी.मॉर्गन
Fri, 11/11/2011 - 18:22 नवीन
कहर कहर.... "अछूत कन्या" मधले अशोक कुमार आणि देविकाराणी अनुक्रमे बैल आणि गाय होऊन ग विंच्या ओळी म्हणताहेत असं दृश्य ड्वाळ्यांसमोर हुबं र्‍हाइलं ! जे पी
↩ प्रतिसाद: यकु

प्रास
गुरुवार, 11/10/2011 - 21:10 नवीन
साष्टांग __/\__ :-)
↩ प्रतिसाद: प्रचेतस

इष्टुर फाकडा
Sat, 11/05/2011 - 21:33 नवीन
गवि, यावरून एक परम अश्लील ब श्रेणीतली कविता आठवली... प्रिये तुजवाचून मंद झाल्या तारका, 'जीव' झाला बारका..आणि झाल्या (वृषभ) वृषणाच्या खारका !!! अतिशयच आक्षेपार्ह आहे...पण मोह अवरालाच नाही :)
↩ प्रतिसाद: गवि

वाहीदा
गुरुवार, 11/10/2011 - 20:07 नवीन
आम्ही ही नि:शब्द ! ___/\____
↩ प्रतिसाद: गवि

चतुरंग
Fri, 11/11/2011 - 19:59 नवीन
कहरच आहेत ओळी!! <=०()8=< (हा साष्टांग नमस्काराचा टॉप्/बॉट्म व्यू आहे! ;) ) -रंगा
↩ प्रतिसाद: गवि

वाहीदा
Fri, 11/11/2011 - 22:34 नवीन
याला साष्टांग नमस्काराचा टॉप्/बॉट्म व्यू म्हणायचा का ? वॉव , काय कल्पकता आहे ! तुम्हाला ही ___/\___अन सलाम !!
↩ प्रतिसाद: चतुरंग

जयंत कुलकर्णी
Sat, 11/05/2011 - 17:38 नवीन
:-) :-)

पैसा
Sat, 11/05/2011 - 17:59 नवीन
कविता नको पण बक्षीस आवर! एक करुण रसातली कविता लिहिणार होते, पण "बक्षीस" पाहताच या धाग्यावरून दुप्पट स्पीडने पळून जायचा विचार करते आहे...

धन्या
Sat, 11/05/2011 - 18:07 नवीन
कविता नको पण बक्षीस आवर!
तुम्ही पुस्तक वाचलेलं दिसतंय. :) आम्हाला वाचायचं आहे परंतू पुस्तक आउट ऑफ प्रिंट आहे. असो, तरीही तुम्ही कविता करु शकता. पुस्तक तसंही मिळण्याची शक्यता नाहीच. ;)

५० फक्त
Sat, 11/05/2011 - 19:32 नवीन
बैलाचे मनोगत..... सागरतीरी एकदातरी मी असं करणार आहे कॅमेरासमोर कुणाच्या तरी ताठ उभं राहणार आहे वाळुतल्या खेकड्यांचे अन झाडावरच्या कावळ्यांचे भरभरुन फोटो काढणा-या या वेड्या माणसांना माझं मस्तवाल अन राजबिंडं रुप दाखवणार आहे कॅमेरासमोर..... आज तु आलास, मला बरं वाटलं तुझ्या हातात कॅमेरा पाहुन का़ळीज भरुन आलं काढ बिनधास्त फोटो आज मीच तुला घाबरणार आहे कॅमेरासमोर.... जाता जाता एक कर माझा मित्र म्हणुन त्या धनाच्या चंद्रिला हा फोटो दाखव दुरुन उद्यापासुन मि त्याला सॉलिड खुन्नस देणार आहे कॅमेरासमोर....... अवांतर - माझी रास कोणत्याही कोनातुन वृषभ नाही.

धन्या
Sat, 11/05/2011 - 23:34 नवीन
मस्त जमलीये !!!
माझं मस्तवाल अन राजबिंडं रुप दाखवणार आहे
अगदी असाच वाटला मला तेव्हा तो. बालपण गायी, म्हशी आणि बैलांसोबतच गेलेले असल्यामुळे हा बैल अंगावर येईल की काय अशी भीती वाटण्याचा प्रश्नच नव्हता. ;)
↩ प्रतिसाद: ५० फक्त

प्रा.डॉ.दिलीप बिरुटे
Sat, 11/05/2011 - 23:53 नवीन
:) -दिलीप बिरुटे
↩ प्रतिसाद: ५० फक्त

अनिल आपटे
Sun, 11/06/2011 - 11:52 नवीन
रिकामा बैल फोटोच्या कामी फोटो काढण्याची shakkal nami रंग सुंदर kalabhor वयाने to आहे पोर kavita कधी केली नाही वाकड्यात कधी शिरलो नाही आनंद अथांग sagaracha घेण्याला नजर vedhate कुणी milel का जोडीला tumhi kadhalela फोटो mala avadala अनिल आपटे

धन्या
Sun, 11/06/2011 - 16:59 नवीन
हो... येत्या एक - दोन महिन्यात पुस्तक बाजारात उपलब्ध झालं तर नक्कीच. ;)
↩ प्रतिसाद: कवितानागेश

किशोरअहिरे
गुरुवार, 11/10/2011 - 17:22 नवीन
"धनाजिराव वाकडे हे काय करुन राहिले गडे टाकता गुरा ढोरांचे फोटो वाकडे तिकडे परत असे कराल तर पडतील गालावर जोडे (Sonar Of Thoughts) म्हणुन कवीता करायला.. वाटलो का आम्ही येडे आता जरा चांगले फोटो टाका ईकडे मग मिळतील तुम्हाला गुलाब जामुन आणी पेढे" त. टी. कवीतेला हलकेच घ्यावे सहज सुचले म्हनुन लिहीले आहे.. नो ऑफेंस जर लेखक आणी वाचकांच्या भावना दुखावल्या असल्यास मी जिम्मेदार नाही :)

धन्या
गुरुवार, 11/10/2011 - 17:38 नवीन
धनाजिराव वाकडे हे काय करुन राहिले गडे
फोटो काढून र्‍हायलो ना बाप्पा.
टाकता गुरा ढोरांचे फोटो वाकडे तिकडे परत असे कराल तर पडतील गालावर जोडे
तुमच्या भावना पोचल्या. अंमळ चुकलंच आमचं. एखादी अर्धवस्त्रा ललना किंवा गेला बाजार पाठमोरा जॉन अब्राहम यांचे फोटो टाकायला हवे होते.
(Sonar Of Thoughts) म्हणुन कवीता करायला.. वाटलो का आम्ही येडे
वाटायचं काय त्यात. हा प्रतिसाद ढळढळीत पुरावा आहे. :)
आता जरा चांगले फोटो टाका ईकडे मग मिळतील तुम्हाला गुलाब जामुन आणी पेढे"
तुमची "चांगले" शब्दाची व्याख्या सांगा. आम्ही जरुर प्रयत्न करु. आणि हो आम्ही कर्म करताना फळाची अपेक्षा ठेवत नाहीत. त्यामूले आम्हाला तुमचे गुलाब जामून आणि पेढे नकोत. :) जाता जाता, तुमची यत्ता कंची? ;)
↩ प्रतिसाद: किशोरअहिरे

किशोरअहिरे
गुरुवार, 11/10/2011 - 21:25 नवीन
मी पहिल्यांदाच असले काहीतरी लिहीत आहे :) सहज गमतीत सुचले म्हणुन लिहीले आहे.. लोभ असावा
↩ प्रतिसाद: धन्या

गणेशा
गुरुवार, 11/10/2011 - 19:20 नवीन
सर्वांनी छान लिहिले आहे.. आमचे परम मित्र वल्ली आनि ५० फक्त यांना आता कवीवर्य या उपाधीनेच संबोधण्यात यावे असे मनोमन वाटते आहे. बाकी धना, अरे तो फोटो काय दिसला नाय राव त्यामुळे पास

धन्या
गुरुवार, 11/10/2011 - 19:52 नवीन
मालक, तुमच्या हापिसातल्या नेटवर्कवाल्याना पकडून पोकळ बांबूचे फटके दया. हा फोटो पिकासावर होस्ट केलेला नाही. फोटोबकेट म्हणून पोर्टल आहे.
↩ प्रतिसाद: गणेशा

मदनबाण
Fri, 11/11/2011 - 12:33 नवीन
हा फोटो पिकासावर होस्ट केलेला नाही. फोटोबकेट म्हणून पोर्टल आहे. म्हणुनच मला सुद्धा दिसत नाही... :( बहुतेक कंपन्यात फोटो अपलोडिंग साईट ब्यॅन केलेल्या असतात्,पण गुगल मात्र चालु असते... पिकासा बॅन असले तरी त्यावरचे फोटु मात्र दिसतात बाँ.
↩ प्रतिसाद: धन्या