कोण येथे गुरुवर्य ?

ग — गणेशा, Tue, 10/04/2011 - 22:10

कोण येथे गुरुवर्य ? खितपत पडले शौर्य अहिंसेचे पुतळे मानतो मौनात दडले क्रौर्य झाकोळला स्पष्ट अंधार मुखवट्यात गळले धैर्य स्त्रीत्वाची ताकद जाणतो खुऱाड्यात लुटले कौमार्य घुंगूरपाण्यात डुबले नेत्र कळले कोणास सूरगांभिर्य दगडात ईश्वर जाणतो देवत्व शोधतो सूर्य भावनांचा गच्च बाजार मनात हरवले माधुर्य वैराग्यात निरपेक्षता मानतो अहंकारातून घडते कार्य ---- शब्दमेघ (कविता पुन:प्रकाशित)

4294 वाचन

💬 प्रतिसाद (18)

चांगली कविता.

इंटरनेटस्नेही

Tue, 10/04/2011 - 22:13 नवीन

चांगली कविता.

छान व अर्थपूर्ण ! मी रसग्रहणच

जयंत कुलकर्णी

Tue, 10/04/2011 - 22:14 नवीन

छान व अर्थपूर्ण ! मी रसग्रहणच करणार होतो पण आत्ता शक्य नाही. कविता मला आवडली.

वैराग्यात निरपेक्षता

अत्रुप्त आत्मा

Tue, 10/04/2011 - 22:22 नवीन

वैराग्यात निरपेक्षता मानतो अहंकारातून घडते कार्य............... अर्थपूर्ण... कविता तर खुपच अवडली.....

प्रभावी आणि अर्थपूर्ण कविता

जाई.

Tue, 10/04/2011 - 22:26 नवीन

प्रभावी आणि अर्थपूर्ण कविता

सुरेख

प्रचेतस

Tue, 10/04/2011 - 22:29 नवीन

मिपावरच्या सध्याच्या घडामोडींना पण साजेशीच आहे.

जबरदस्त रे. मानलं.... राव.

आत्मशून्य

Tue, 10/04/2011 - 22:32 नवीन

अवांतर :- "खितपत पडले शौर्य" च्या जागी चूकून भलतंच वाचलं ना बे... ;)

गणेशा -खूपच छान . झाकोळला

प्रकाश१११

Tue, 10/04/2011 - 22:32 नवीन

गणेशा -खूपच छान . झाकोळला स्पष्ट अंधार मुखवट्यात गळले धैर्य स्त्रीत्वाची ताकद जाणतो खुऱाड्यात लुटले कौमार्य आवडली ....

आवडली

राजेश घासकडवी

Wed, 10/05/2011 - 00:32 नवीन

कविता आवडली. कोणाकडून काय घ्यावे च्या विरुद्ध अर्थाची आहे. तत्वं सगळीकडे ऐकू येतात पण प्रत्यक्षात मात्र विपरित घडताना दिसतं हे अधोरेखित केलेलं आहे. कडव्यांची रचना थोडी अभिनव आहे, त्यामुळे सुरूवातीला कोड्यात पडलो होतो.