Skip to main content

क्षण

लेखक मिसळलेला काव्यप्रेमी यांनी शुक्रवार, 16/09/2011 11:13 या दिवशी प्रकाशित केले.
कालच्या सांजपुजेला लावलेल्या कापूरवातीचा दरवळ अजूनही रेंगाळतोय तशी पहाट झालीये, पण कालची संध्या ती अजूनही घुटमळतेय इथे . हम्म... काल तू येऊन गेलीस. . लालकेशरी मावळतीला रेशिमधाग्यात धरून ठेवावे असा तो क्षण . काही क्षणच असे असतात आयुष्याचे दान देऊन जातात . क्षण तर सरून जातो जाता जाता त्या दानाचे ऋण ठेऊन जातो . अन् मग ते फेडता फेडता आपण क्षण क्षण मोजत राहतो वाट पाहत राहतो . क्षणाचे ऋण फेडायला आयुष्य वेचत राहतो.. नाही कां? |- मिसळलेला काव्यप्रेमी -| (१६/०९/२०११)
काव्यरस
करुण
लेखनविषय:
वाचने 2774
प्रतिक्रिया 12

प्रतिक्रिया

विदेश शुक्रवार, 16/09/2011 11:18
क्षणाचे ऋण फेडायला आयुष्य वेचत राहतो.. नाही कां? सुरेख !

शुचि शुक्रवार, 16/09/2011 19:19
असेच म्हणते

जाई. शुक्रवार, 16/09/2011 13:02
काही क्षणच असे असतात आयुष्याचे दान देऊन जातात . क्षण तर सरून जातो जाता जाता त्या दानाचे ऋण ठेऊन जातो . अन् मग ते फेडता फेडता आपण क्षण क्षण मोजत राहतो वाट पाहत राहतो . क्षणाचे ऋण फेडायला आयुष्य वेचत राहतो.. नाही कां?
सुंदर

नगरीनिरंजन शुक्रवार, 16/09/2011 14:02
ज्या "क्षणाचे ऋण फेडायला आयुष्य वेचत राहतो.. नाही कां?" तो क्षण नीट ठसला नाही. सुरुवात मस्त झाली आणि मग "हम्म... काल तू येऊन गेली" यात पटकन तो क्षण संपून गेला. "ती येऊन गेली" या नाही तर संध्याकाळच्या लालबुंद किरणांच्या पायघडीवर अलगद पाऊल ठेऊन ती समोर आली तो क्षण पकडून फुलवायला हवा होता असे वाटले. >>लालकेशरी मावळतीला रेशिमधाग्यात धरून ठेवावे >>असा तो क्षण हे आणी त्यानंतरचं पुढचं झकास जमलंय.

पाषाणभेद शनिवार, 17/09/2011 00:07
क्षणाचे ऋण फेडायला आयुष्य वेचत राहतो.. नाही कां? नव्हे तर असल्या ऋणातच राहवं वाटत. एकदम मस्त काव्य!! अवांतर: पुजा करतांना लक्ष कोठे होतं?

अभिजीत राजवाडे शनिवार, 17/09/2011 04:38
अहो सारख्या सारख्या अलवार आणि सुंदर कविता प्रकाशित करुन तुम्ही आम्हाला तुमच्या कवितेंचे व्यसन लावत आहात याची जाणिव असु द्या. कविता आवडली!!!

रामदास गुरुवार, 22/09/2011 21:57
शतजन्म शोधताना या गाण्याची शेवटची ओळ आठवली. क्षण तो क्षणात गेला सखी हातचा सुटोनी

पैसा शनिवार, 24/09/2011 20:25
आवडली. पण ननि म्हणतायत तेही पटतंय.