जालरंग प्रकाशनाच्या दिवाळी अंकासाठी साहित्य पाठवा !!!

मंडळी आता आपल्याला वेध लागलेत दिवाळी अंकाचे. जालरंग प्रकाशनातर्फे आपणही दिवाळीचे स्वागत साहित्याच्या निरनिराळ्या प्रकारांनी करूया. आपण नवोदित असाल किंवा अनुभवी, आम्ही सगळ्यांना सामावून घेतो. तेव्हा चला,उठा आणि सज्ज व्हा आता. आपल्या दिवाळी अंकासाठी कोणताही एक विशिष्ट असा विषय नाहीये. लेख,कविता,निबंध,कथा(लघुकथा,दीर्घकथा),विनोद,विडंबन, प्रवासवर्णन,व्यक्तीचित्र,आत्मकथन-अनुभव इत्यादि लेखनप्रकार आणि छायाचित्रण,व्यंगचित्र,ध्वनीमुद्रण,ध्वनीचित्रमुद्रण वगैरे पद्धतींचा अवलंब करूनही आपण साहित्य पाठवू शकता. साहित्य कोणते हवे? १)दिवाळी अंकासाठी ताजे आणि आत्तापर्यंत अप्रकाशित साहित्यच हवे. २) आपला दिवाळी अंक प्रकाशित होईपर्यंत आपण इथे पाठवलेले साहित्य कोणत्याही परिस्थितीत कुठेही...अगदी आपल्या जालनिशी/ब्लॉगवरही प्रकाशित करायचे नाही. ३) वरील अटीत न बसणारे साहित्य विनम्रपणे नाकारले जाईल. साहित्य कसे पाठवावे? १) लेखी साहित्य एचटीएमएल अथवा डॉक्युमेंट सदरात पाठवावे...पीडीएफ स्वरूपात नको. २) आपल्या साहित्यासोबत जर काही छायाचित्रं असतील तर ती वेगळी जोडावीत(अटॅचमेंट). ३)ध्वनीमुद्रणं...एम्पी३ प्रकारात, ध्वनीचित्रमुद्रणं .flv किंवा .avi स्वरूपात पाठवावीत. ४)छायाचित्र jpeg, png, gif, tiff ह्या प्रकारात असावीत. साहित्य पाठवण्याचा पत्ता... jaalarangaprakaashana@gmail.com असा आहे. साहित्य पाठवण्याची शेवटची तारीख आहे १६ ऑक्टोबर २०११. ह्या अंकाच्या संपादक आहेत सिद्धहस्त कवयित्री क्रांती साडेकर दिवाळी अंक प्रकाशनाची तारीख योग्य वेळी जाहीर केली जाईल. ह्या आधी प्रकाशीत झालेले अंक, ह्या दुव्यावर टिचकी मारून बघता येतील.