आसवांची कोरीव लेणी (१३)

आई .. मिटलेला श्वास.. (१-१२) - https://www.misalpav.com/node/17166

आई ... १३ : आसवांची कोरीव लेणी

ढगभरल्या आसमंतात
दाटलेली आठवण तुझी
ओल्या नयनात उभी
आसवांची कोरीव लेणी

हृद्यावर उमटलेला
तव विचारसण
मेघकल्लोळात उमटे
मायेचा हंबर

शुभ्रधारा.. गंधवारा
रोमांचीत देह सारा
वलयांकित तेजोमय
आई.. मनाचा गाभारा

ढगभरल्या आसमंतात
आठवणींचे सावळरुप आई
गर्भरेशमी आसमंतामधुनी
अवतरली तुझीच अंगाई

------ शब्दमेघ (२५ ऑगस्ट २०११)

काव्यरस

शांतरस

लेखनविषय:	कविता

वाचने 3114

प्रतिक्रिया 15

प्रतिक्रिया

छान कविता... शुभ्रधारा..

किसन शिंदे गुरुवार, 25/08/2011 17:14

छान कविता...

शुभ्रधारा.. गंधवारा
रोमांचीत देह सारा
वलयांकित तेजोमय
आई.. मनाचा गाभारा

हे कडवं मस्तच..!

/\

मिसळलेला काव्यप्रेमी गुरुवार, 25/08/2011 17:28

व्वाह!!

नि:शब्द !

वाहीदा गुरुवार, 25/08/2011 17:42

आईची आठवण आली की मी तासन तास नुसतीच ओक्साबोक्शी रडत बसते पण तुझ्यासारख्या सुंदर कविता करायचे भान रहात नाही कारण काही म्हणजे काहीच सुचत नाही.

परत एकदा रडवून नि:शब्द करुन सोडलेस !

छान कविता...

मदनबाण गुरुवार, 25/08/2011 20:15

छान कविता...

सुंदर कविता !!! ढगभरल्या

धन्या गुरुवार, 25/08/2011 20:36

सुंदर कविता !!!

ढगभरल्या आसमंतात
आठवणींचे सावळरुप आई
गर्भरेशमी आसमंतामधुनी
अवतरली तुझीच अंगाई

हे कडवं तर छानच.

अप्रतिम

जाई. गुरुवार, 25/08/2011 21:06

अतिशय उत्तम.

फ मु शिँदेँच्या आई कवितेची आठवण करुन दिलीत.

सुरेख. पु.ले.शु

'ती' कविता शिंदे यांची

पाषाणभेद शुक्रवार, 26/08/2011 08:09

'ती' कविता शिंदे यांची नाही.

गणेशा, एकदम सुंदर काव्य आहे

मला फ मु शिँदेँच्या या

जाई. शुक्रवार, 26/08/2011 23:09

मला फ मु शिँदेँच्या या कवितेची आठवण झाली.

आई एक नाव असतं.
घरातल्या घरात गजबजलेलं गाव असतं.
आई असतो एक धागा
वातीला उजेड दावणारा
समईतली जागा लेकराची माय असते.
वासऱ्‍याची गाय असते.
दुधाची साय असते.
आई असते जन्माची शिदोरी.
सरतच नाही उरतच नाही
आई एक नाव असतं
नसते तेव्हा घरातल्या घरात गलबलेलं गाव असतं.

पाषाणभेदांना कोणती कविता अभिप्रेत आहे हे मला माहित नाही.
ही माझी आवडती कविता.
माझ्या नववीच्या अभ्यासक्रमात समाविष्ट होती.