✍ मराठी साहित्य, संस्कृती आणि लेखनाचे व्यासपीठ

आसवांची कोरीव लेणी (१३)

— गणेशा,
आई .. मिटलेला श्वास.. (१-१२) - http://www.misalpav.com/node/17166 आई ... १३ : आसवांची कोरीव लेणी ढगभरल्या आसमंतात दाटलेली आठवण तुझी ओल्या नयनात उभी आसवांची कोरीव लेणी हृद्यावर उमटलेला तव विचारसण मेघकल्लोळात उमटे मायेचा हंबर शुभ्रधारा.. गंधवारा रोमांचीत देह सारा वलयांकित तेजोमय आई.. मनाचा गाभारा ढगभरल्या आसमंतात आठवणींचे सावळरुप आई गर्भरेशमी आसमंतामधुनी अवतरली तुझीच अंगाई ------ शब्दमेघ (२५ ऑगस्ट २०११)
3059 वाचन
💬 प्रतिसाद (15)

मिसळलेला काव्यप्रेमी
गुरुवार, 08/25/2011 - 17:28 नवीन
ढगभरल्या आसमंतात आठवणींचे सावळरुप आई गर्भरेशमी आसमंतामधुनी अवतरली तुझीच अंगाई व्वाह!!

वाहीदा
गुरुवार, 08/25/2011 - 17:42 नवीन
आईची आठवण आली की मी तासन तास नुसतीच ओक्साबोक्शी रडत बसते पण तुझ्यासारख्या सुंदर कविता करायचे भान रहात नाही कारण काही म्हणजे काहीच सुचत नाही. परत एकदा रडवून नि:शब्द करुन सोडलेस !

धन्या
गुरुवार, 08/25/2011 - 20:36 नवीन
सुंदर कविता !!!
ढगभरल्या आसमंतात आठवणींचे सावळरुप आई गर्भरेशमी आसमंतामधुनी अवतरली तुझीच अंगाई
हे कडवं तर छानच.

जाई.
गुरुवार, 08/25/2011 - 21:06 नवीन
अतिशय उत्तम. फ मु शिँदेँच्या आई कवितेची आठवण करुन दिलीत. सुरेख. पु.ले.शु

जाई.
Fri, 08/26/2011 - 23:09 नवीन
मला फ मु शिँदेँच्या या कवितेची आठवण झाली. आई एक नाव असतं. घरातल्या घरात गजबजलेलं गाव असतं. आई असतो एक धागा वातीला उजेड दावणारा समईतली जागा लेकराची माय असते. वासऱ्‍याची गाय असते. दुधाची साय असते. आई असते जन्माची शिदोरी. सरतच नाही उरतच नाही आई एक नाव असतं नसते तेव्हा घरातल्या घरात गलबलेलं गाव असतं. पाषाणभेदांना कोणती कविता अभिप्रेत आहे हे मला माहित नाही. ही माझी आवडती कविता. माझ्या नववीच्या अभ्यासक्रमात समाविष्ट होती.
↩ प्रतिसाद: पाषाणभेद

प्रकाश१११
गुरुवार, 08/25/2011 - 21:10 नवीन
मित्रा -काय बोलू...? हृदयस्पर्शी .. आईची आठवण येतेच ढगांच्या डोळ्यांनी ती बघत बसते असतेच ती ,तिची आठवण काळजात कोरलेली मला तर चिंब चिंब भिजवून जाते

प्रकाश१११
गुरुवार, 08/25/2011 - 21:10 नवीन
मित्रा -काय बोलू...? हृदयस्पर्शी .. आईची आठवण येतेच ढगांच्या डोळ्यांनी ती बघत बसते असतेच ती ,तिची आठवण काळजात कोरलेली मला तर चिंब चिंब भिजवून जाते

श्यामल
Sat, 08/27/2011 - 17:09 नवीन
ढगभरल्या आसमंतात आठवणींचे सावळरुप आई गर्भरेशमी आसमंतामधुनी अवतरली तुझीच अंगाई आईच्या आठवणींनी काळजात कालवाकालव झाली !............. हृदयस्पर्शी कविता !