ज्योतिष - आह्वानकर्त्यांना एक निवेदन

य
युयुत्सु यांनी
 ·  लेख
लेख
एक निवेदन मला मिसळपाव वर वारंवार आह्वाने देण्यात येतात आणि मी ती स्वीकारत नाही अशी पण तक्रार सारखी ऐकायला मिळते. म्हणून मी आह्वाने स्वीकारायचे ठरवले आहे. परंतु ते काही सुटसुटीत अटींच्या चौकटीत बसत असेल तरच... - आह्वानकर्त्याना बर्‍याच वेळेस आपण दिलेले देत असलेले आह्वान "योग्य" आहे की हे कळायची पण अक्कल नसते असे लक्षात आले आहे. तेव्हा अशी आह्वाने एका स्वतंत्र समितीकडून तपासण्यात यावीत. या समितीत ज्योतिषी आणि ज्योतिषनिंदक यांचा समसमान सहभाग असावा. ही समिती आह्वानांची योग्यता ठरविण्यासाठी काही कसोट्या निश्चित करेल. अशा समितीने आहवान योग्य असल्याचे प्रशस्तीपत्रक दिल्यावरच ते आह्वान मी माझ्या अभ्यासाच्या कक्षेत येत असेल तर ते मी स्वीकारेन - मी आह्वान स्वीकारल्यावर मला प्रत्येक जन्मतारखेसाठी रू, ५००/ (रु पाचशे) एवढे आह्वानशुल्क माझ्या बॅंकेत जमा करावेत. हे शुल्क कोणत्याही परिस्थितीत परत केले जाणार नाही.या शुल्कावर योग्य तो कर भरायची माझी तयारी आहे. समितीच्या सदस्यांच्या मानधनाची व्यवस्था आह्वानकर्त्याने करावी. - दिलेल्या आह्वानातिल विदा संगणकावर जमा करण्याची व्यवस्था आह्वानकर्त्याने करायची आहे - आह्वानांतर्गत विश्लेषणासाठी लागणारी सर्व गणनसाधने आह्वानकर्त्याने उपलब्ध करून द्यायची आहेत. - समितीचे सर्व कामकाज उघड असावे. त्यांची इंटरनेटवरील एखाद्या ब्लॉगवर यथाकाल नोंद व्हावी, जेणे करून कोणती आह्वाने योग्य आहेत कोणती स्वीकारली गेली आहेत ते जनतेला समजेल. या माझ्या मूलभूत अटी आहेत. गरज पडल्यास यांना पुरवणी-अटी जोड्ण्यात येतील.
वर्गीकरण
25454 वाचन
💬 प्रतिसाद (114)

प्रतिक्रिया

सुनील
Tue, 08/09/2011 - 20:26 नवीन
युयुस्तुराव, तुमचे आव्हान मी स्वीकारले आहे. बघा तुम्हाला पटते का. १) मी ३ ते ५ व्यक्तींच्या जन्मतारखा, वेळा आणि ठिकाणे तुम्हाला देईन. २) माहिती दिलेल्या प्रत्येक व्यक्तीगणिक रु. ५०० या प्रमाणे पैसे देण्यास मी तयार आहे. ३) प्रत्येक व्यक्तीबाबत सुमारे ५ ते ७ प्रश्न मी विचारीन. ४) हे सर्व प्रश्न हो/नाही स्वरूपाचे (निसंदिग्ध) असतील. ५) सर्व प्रश्नांची उत्तरे आपल्या दोघांना मान्य अशा व्यक्तीकडे बंद लिफाफ्यात मी देऊन ठेवीन. ६) तुमची उत्तरे आली की ती सर्व ताडून पाहिली जातील. ७) आलेले निश्कर्ष मिपावरच नव्हे तर अन्यत्रही तुमच्या नाव-पत्यासहित जाहीर करण्याची मुभा मला असेल. बघा पटतयं का?

Nile
Wed, 08/10/2011 - 02:17 नवीन
७)आलेले निश्कर्ष मिपावरच नव्हे तर अन्यत्रही तुमच्या नाव-पत्यासहित जाहीर करण्याची मुभा मला असेल.
असे असल्यास मी ही काही जन्मतारखा इ. देईन, प्रत्येक व्यक्तीचे रु. ५०० प्रमाणे सुद्धा देईन. आलेला निष्कर्ष जाहीर पेपरात वगैरे छापण्यास लेखी परवानगी द्यायची तयारी आहे ना?
↩ प्रतिसाद: सुनील

अर्धवट
Wed, 08/10/2011 - 08:32 नवीन
मीपण काही पैसे खर्च करायला तयार आहे, फक्त हे सगळं कुणीतरी व्यवस्थीत ऑर्गनाइझ करा राव..
↩ प्रतिसाद: Nile

उदय
Wed, 08/10/2011 - 08:49 नवीन
प्रत्येक व्यक्तीचे रु. ५०० प्रमाणे १० जणांसाठी ५००० रुपये द्यायला तयार आहे. आव्हान पुढीलप्रमाणे: Astrologers and palmists, who hoodwink the gullible by saying that astrology and palmistry are perfectly “Scientific”, can win the award if they can pick out correctly-within a margin of five percent error-those of males, females, and living and the dead from a set of ten palm prints or astrological charts giving the exact time of birth correct to the minute, and places of birth with their latitudes and longitudes. संदर्भ: इथे पहा युयुत्सु खोटे ठरले तरीही त्यांनी ५००० रुपये स्वतःकडे ठेवायला माझी हरकत नाही. फक्त १ अटः मिसळपाववर जाहीर माफी मागावी आणि आलेला निष्कर्ष जाहीर पेपरात छापण्यास (त्याचा खर्च मी करीन) लेखी परवानगी द्यावी. बोला, आहे कबूल?
↩ प्रतिसाद: Nile

गवि
Wed, 08/10/2011 - 10:29 नवीन
मी ही ५ जणांची फी भरायला आनंदाने तयार आहे. वर उदय यांनी म्हटले आहे त्यातील "Astrologers and palmists, who hoodwink the gullible by saying that astrology and palmistry are perfectly “Scientific”, can win the award" या वाक्याच्या टोनमधे एक पूर्वग्रह आहे. (दूषित म्हणत नाही.. कदाचित तो ज्योतिष खरे नसल्याबद्दलचा आत्मविश्वासही असेल) पण तेवढा पूर्वग्रहसुद्धा न बाळगता मी हे अशा प्रयोगाचे (आव्हानाचे नव्हे) फलित जाणून घ्यायला उत्सुक आहे. युयुत्सु असा प्रयोग करायला तयार असतील तर पाच लोकांची फी २५०० मी त्यांनी दिलेल्या कोणत्याही अकाउंटला कधीही ट्रान्स्फर करेन. मिसळपाव हे केवळ संवादाचे माध्यम असले तरी यातील आर्थिक भागाशी मी मिसळपावचा कोणताही संबंध जोडणार नाही. या प्रयोगातील आर्थिक किंवा कोणत्याही भागासाठी मिसळपाव जबाबदार असेल अशी अपेक्षा ठेवणार नाही आणि इतरांनीही ठेवू नये. अन्यथा हे नियमबाह्य होऊ शकेल असे वाटते.
↩ प्रतिसाद: उदय

आत्मशून्य
Wed, 08/10/2011 - 10:40 नवीन
मी सूध्दा ४ जणांची फी भरायला आनंदाने तयार आहे. कोणताही परतावा नसो फक्त येणारे रीझल्ट यूयूत्सूरावाच्या नाव पत्ता व फोटोसह कोणत्याही माध्यमात आमच्या खर्चाने केव्हांही कोठेही कधीही व कसेही प्रसीध्द करायची लेखी परवानगी यूयूत्सूरावानी द्यावी. नंतर याबाबत कोणतीही तडजोड होणार नाही.
↩ प्रतिसाद: गवि

मन१
Wed, 08/10/2011 - 10:41 नवीन
चाचणी होण्यापूर्वी मी कुठलाही आरोप करत बसणार नाही.(आरोप करण्याइतपत वेळेची उपलब्धताही नाही म्हणा.) पण माझ्या तर्फे मी ५००X२=१००० इतकी रक्कम देण्यास तयार आहे. हल्लीच्या काळात युयुत्सु ह्यांच्याविषयी किंवा त्यांच्या ज्योतिषाविषयी मी कुठलीही तीव्र विरोधी मते दिलेली नाहित. त्यामुळे त्यांनी त्या बाबतीत(पूर्वग्रह वगैरे) निश्चिंत असावे. आत्मशून्य, गवि,सुनील हे काय schedule ठरवतात ते बघाय्चे आता.
↩ प्रतिसाद: गवि

सुनील
Wed, 08/10/2011 - 10:37 नवीन
युयुत्सुराव, बघता बघता २०-२५ पत्रिका झाल्या. आता तपशिलाचे ठरवू या का?
↩ प्रतिसाद: सुनील

गवि
Wed, 08/10/2011 - 10:53 नवीन
मुख्य म्हणजे जे कँडिडेट पहायचे ते आपण स्वतः नसावे. किंवा मिपाकरही नसावे. शक्यतो एकमेकांशी अ‍ॅनॉनिमस असलेले लोक निवडावेत. मी एका प्रतिसादात ढोबळ पद्धत सूचित केली आहे. त्याला सर्वानुमते सुधारुन एक काँक्रीट रूप द्यावे. एकूण वीस लोकांना यात समाविष्ट करता येईल हे वरील प्रतिसादांवरुन दिसतेच आहे. रामदासकाकांनी काहीही उरकू नये आणि न्यूट्रल पंच बनावे अशी इच्छा आणि विनंती. सर्वानुमते मान्य होण्यास योग्य अशी व्यक्ती म्हणून प्रथम त्यांचेच नाव नजरेसमोर येत आहे.

Nile
Wed, 08/10/2011 - 13:24 नवीन
शक्यतो एकमेकांशी अ‍ॅनॉनिमस असलेले लोक निवडावेत.
आधी युयुत्सुंना मैदानात तर उतरू द्या? :-) बाकी माझ्याबद्दल कीतीही माहिती शोधली तरी मी दिलेल्या व्यक्तींची माहिती तिसर्‍या मार्गाने मिळू शकणार नाही अशा तारखा द्यायचा माझा प्रयत्न असेल.
↩ प्रतिसाद: गवि

जयंत कुलकर्णी
Wed, 08/10/2011 - 14:16 नवीन
नमस्कार ! या चाचणीत जे प्रश्न आहेत ते त्याची उत्तरे एका लिफाप्यात घालून पंचांकडे द्यावेत. मूख्य म्हणजे ज्यांना पाहिजे त्यांना याची उत्तरे देण्यास मूभा असावी. म्हणजे जोतिषी व इतर जण यांच्यात काही फरक नाही हेही सिद्ध होईल.